POSTED ON THU JAN 6, 2011 5:03 PM NST
येँ (सन्ध्या टाइम्स)/वइगु पोहेलाथ्व नवमि पुष २९ गते यलय् तःजिक हनीगु नेवाः एकता दिवसया नितिं व्यापक रुपं तयारी जुयाच्वंगु दु। उगु दिवस तःजिक हनेगु नितिं यलया गांगामय् च्वंपिं नेवाःत नं फयांफक्व क्वकायेगु निंतिं न्हिया न्हिथं सहलह, भेला नापं थीथी कथंया अभियान न्ह्याकाच्वंगु दु। नेवाः स्वायत्त राज्य मंकाः संघर्ष समितिया ग्वसालय् जुइगु उगु दिवसया झ्वलय् यलया पूच्वय् नेवाः दुनेया २८ गू जातीय खलः पुचःया प्रतिनिधितय्सं नेवाः दुने जातीय विभेद मदु धइगु सन्देश बी कथं नेवाः राष्ट्रिय राजनीतिक सम्मेलनं पारीत याःगु प्रस्तावयात सार्वजनिक रुपं अनुमोदन याइगु जूगु दु। थगुने नेवाः स्वायत्त राज्य घोषणा जूगु दिंयात लुमंकाः थुगुसी नेवाः एकता दिवस हनेत्यंगु खः ।
No comments:
Post a Comment