POSTED ON FRI JAN 7, 2011 11:20 PM NST
ख्वप (सन्ध्या टाइम्स)/संघनायक भिक्षु बुद्धघोष महास्थविर गुइदँय् क्यंगु लसताय् दछिया दुने गुइम्ह हे मस्तय्त प्रव्रज्या यायेगु ग्वसाः कथं थनया मुनिविहारय् म्हीग २४ म्ह मस्तय्त प्रव्रज्या यायेगु ज्या जुल। उपसंघनायक भिक्षु अश्वघोष महास्थविरया उपाध्यायत्वय् उगु ज्याझ्वः जूगु खः ।
प्रव्रजित ज्याझ्वलय् प्रवचन बिसें वसपोलं न्हापा स्वनिगःया नेवाःतय् दथुइ जक सीमित जुयाच्वंगु थेरवादी बुद्ध धर्म आः देय्न्यंकंया जनजातितय् दथुइ नं विस्तार जुया वंगु खँ कनाबिज्यात ।
म्हीग प्रव्रजित याःपिं मस्त स्वनिगः व स्वनिगलं पिने पोखरा, बुटवल, हुम्ला व सुर्खेतं वःपिं समेत दुथ्याःगु खः। उपिं स्वंगू तगिं निसें आईए तक ब्वनाच्वंपिं खः ।
थन प्रव्रजित जूपिं सकलें मस्त मध्ये योग्यता व रुचीयात ध्यानय् तयाः २० म्हेसित थाईल्याण्डय् बुद्ध धर्म अध्ययन याकेत छ्वइगु ग्वसाः दुगु खँ धाःगु दु। आः तक थुगु विहारं १५० म्ह उपसम्पदा कायेधुंकूपिंत थाइल्याण्डय् ब्वंके छ्वयेधुंकूगु दुसा आः फेब्रुअरी महिनाय् हानं मेगु पुचः छ्वयेगु ग्वसाः जुयाच्वंगु खँ सीदुगु दु ।
प्रव्रजित ज्याझ्वलय् प्रवचन बिसें वसपोलं न्हापा स्वनिगःया नेवाःतय् दथुइ जक सीमित जुयाच्वंगु थेरवादी बुद्ध धर्म आः देय्न्यंकंया जनजातितय् दथुइ नं विस्तार जुया वंगु खँ कनाबिज्यात ।
म्हीग प्रव्रजित याःपिं मस्त स्वनिगः व स्वनिगलं पिने पोखरा, बुटवल, हुम्ला व सुर्खेतं वःपिं समेत दुथ्याःगु खः। उपिं स्वंगू तगिं निसें आईए तक ब्वनाच्वंपिं खः ।
थन प्रव्रजित जूपिं सकलें मस्त मध्ये योग्यता व रुचीयात ध्यानय् तयाः २० म्हेसित थाईल्याण्डय् बुद्ध धर्म अध्ययन याकेत छ्वइगु ग्वसाः दुगु खँ धाःगु दु। आः तक थुगु विहारं १५० म्ह उपसम्पदा कायेधुंकूपिंत थाइल्याण्डय् ब्वंके छ्वयेधुंकूगु दुसा आः फेब्रुअरी महिनाय् हानं मेगु पुचः छ्वयेगु ग्वसाः जुयाच्वंगु खँ सीदुगु दु ।
