आइएलओ १६९ सम्बन्धी नेपाः सरकारया प्रतिवेदनबारे गोष्ठी

Posted on Mon Feb 7, 2011 11:43 pm NST

Share 

राष्ट्रिय मानवअधिकार आयोगया ग्वसालय् आदिवासी अधिकार सम्बन्धी अन्तराष्ट्रिय घोषणापत्र आइएलओ १६९ सम्बन्धी नेपाः सरकारया न्हापांगु प्रतिवेदनयात कयाः छगू बिचाः गोष्ठी जुल ।

नेवाः देय् दबूया नायः नरेश ताम्रकारं नं ब्वति कयादीगु उगु गोष्ठी आयोगया दुजः राम नगिना सिंहया सभापतित्वय् जूगु खः । ज्याझ्वलय् डा मुक्ता सिंह लामां प्रतिवेदनय् दुगु सवल पक्ष व दुथ्याके माःगु पक्षया बारे कार्यपत्र न्ह्यब्वयादीगु खः ।

अथेहे ज्याझ्वलय् न्ववानादिसें देय् दबूया नायः ताम्रकारं सन् २००९ हे छ्वयेमाःगु प्रतिवेदन निदँ लिपा नं मछ्वःगु धासें आपत्ति प्वंकादिल । आइएलओ १६९ कार्यान्वयन यायेगु कार्ययोजना मन्त्रिपरिषदं दच्छि न्ह्यः निसें पारित मयासें थाकातःगु खँयात कयाः नं नायः ताम्राकारं कुंखिनादिल ।

वय्कलं आइएलओ १६९या प्रावधान कथं संविधान दयेकेगु इलय् आदिवासीत नाप सहलह यायेमाःगु जूसां संविधानसभां आः तक अज्याःगु सहलह यायेगु व सुझाव मुंकेगु संयन्त्र मदयेकूगु बारे नं आयोगया ध्यानाकर्षण याकादीगु खः ।

http://www.nepalmandal.com/content/12623.html

राज्य पुनर्संरचना मदुगु संविधान

Posted on Sun Feb 6, 2011 9:44 pm NST

Share 

उत्तमराज शिलाकार

देय्या मू कानून खः संविधान। नेपालय् न्हूगु संघीय लोकतान्त्रिक संविधान च्वयेगु ज्या जुयाच्वंगु दु। न्हूगु संविधानय् दुथ्याकेमाःगु आपालं खँया मस्यौदा च्वयेगु ज्या जुइधुंकूगु दु। मस्यौदाय् माःगु सहलह ब्याकाः उकियात संवैधानिक समितिं सदनय् पेस यानाः पास जुल कि संवैधानिक मान्यता दइ। संवैधानिक मस्यौदाया बुँदाया खँय् आपालं सहलह ब्याकाः निर्णय याये ल्यं दनि। अज्याःगु बुँदात मध्येय् राज्य व्यवस्था, राज्य प्रमुख, शासकीय प्रमुख, राज्य पुनर्संरचना आदि लानाच्वंगु दु। उकी मध्ये राज्य व्यवस्था व शासकीय प्रमुख बारे दलतय् दथुइ सहलह ब्याकाच्वंगु दु। राज्य पुनर्संरचना छगू थातिं लानाच्वंगु दु। न्हूगु संविधान आः वइगु जेष्ठ १४ गते पिकायेमाःगु तर राज्य पुनर्संरचना थेंज्याःगु गम्भीर विषयय् सहलह ब्याकेत ई मगाः धइगु त्वहचिनाः थ्व छगू विषययात त्वःताः जूसां न्हूगु संविधान १४ गते पित बीगु तयारी जुयाच्वंगु खँ सीदुगु दु गुकियात नेपाःया जनजातितय्सं अवश्य नं विरोध याइ। संघीय गणतन्त्रया मू खँ संघीयता खः। उकिं उकी संघीय राज्यत दये हे माःगु जुल। न्हूगु संविधानय् मूलभूत खँ हे त्वःफिकाः च्वइगु संविधान पूर्ण संविधान जुइ मखु। उकिं आः वइगु संविधान यदि धाथेंया हे संघीय लोकतान्त्रिक गणतान्त्रिक संविधान दयेकेगु खःसा उकी राज्य पुनर्संरचना त्वःफिके हे मजिउ।
संघीय गणतन्त्रया मू मर्म धइगु संघीयता खः। संघीयताय् दुने दइगु संघ (प्रान्त) खः। थुकी दुने च्वनाः जनजातितय्सं थःथःगु क्षेत्र दुने थःपिंसं हे विकासया ज्याझ्वःत न्ह्याकी। संघीयताया विशेषता धइगु सकल जातजातिं निर्धारित क्षेत्र दुने च्वनाः थःपिंत माःगु नयेगु, त्वनेगु, पुनेगु व च्वनेगु क्षेत्र (कर्मभूमि) नापं ज्या (लजगाः)या व्यवस्था नं संघ दुने हे दयेकेगु खः नापं थःपिनि क्षेत्र दुने स्थानीय राज्य व्यवस्थाय् तकं स्थानीय जनजातियात समानुपातिक रुपं ल्हाः तये खनीगु व्यवस्था जुइगु खः। मेकथं धायेगु खःसा थःपिनि जन्मभूमिइ हे कर्मभूमि नं दयेके दइगु खः। थःपिनि क्षेत्र दुने थःपिनिगु हे संस्कृतियात ल्वः कथंया अलग राज्य व्यवस्था नं दइगु खः। च्वय्या फुक्कं खँत दयेकेत थःपिनि अलग हे निश्चित कार्यक्षेत्र निर्धारित जुइमाः। थथे संघीय व्यवस्था कथं दइगु भू-क्षेत्र निर्धारण हे मयासे संविधान दयेकेगु खःसा व नां मात्रया संघीय गणतन्त्र जुइ ।

जनताया म्यान्डेट कयाः न्हूगु संविधान दयेकेत वःपिं ६०१ म्ह सभासदपिनिगु मू ज्या धइगु जन आकांक्षा कथंया संविधान दयेकेगु खः। थगुने हे पिब्वयेमाःगु संविधान इलय् पित बी मफुत। थःपिंसं हे तंगु दछिया ई नं आः न्याला जक ल्यं दनि। संविधान दयकेत बिउगु अमुल्य ईयात मात्र दलगत स्वार्थय् प्यपुनाः प्रधानमन्त्री जुइगु तर्खरय् सितिं छ्वयाच्वंगु दु। आः दनिगु ईयात सदुपयोगु यायेगु खःसा अझ नं ई दनि। न्यालाया ई धइगु नं म्हो मजू। थःपिनि इच्छाशक्ति संविधानयात पूर्णता बीगु ज्याय् केन्द्रित याना वनेगु खःसा अझ नं छुं स्यंगु मदुनि। अथे नं थौंया अवस्थाय् राज्य पुनर्संरचनायात १४ गू राज्यय् ब्वथलाः नमूनाया रुपय् क्षेत्रीय डिजाइन दये हे धुंकूगु दु। उकी मगाःमचाः व मछिंगुयात भिंकाः जक न्ह्यब्वःसां गायेधुंकूगु दु। थुकियात बांलाक व्यवस्थित यायेत क्षेत्र निर्धारित यानाः पास याये धुनेवं उकी दुने दयेमाःगु राज्य व्यवस्थाय् नेपाःया भू-बनोट, धर्म, संस्कृति व जातित्वयात ल्वःकथंया व्यवस्था जक बुलुहुँ याना वंसां जिउ। थःथःगु क्षेत्र दुने थःथःपिंसं हे विकास याना वनेछिनी कथंया व्यवस्था जुइबलय् सरकारयात केन्द्रय् बोझ नं म्हो जुइ। सकलें जातजातित विकासया ज्याय न्ह्यात धाःसा देश याकनं विकास जुइ ।

"लोकतान्त्रिक संघीय गणतन्त्र" या संविधान दयेकेगु ज्याय न्ह्यानाच्वंपिं सभासदपिं संविधान च्वयेगु खँय् ध्यान बीगु सिबें थःथःगु पार्टीया हितया ज्याखँय् जक अप्वः ध्यान बियाच्वंगु खने दत। वर्तमान संविधानया मू मर्मयात त्वःताः मेमेगु खँय् व थःपिंत ज्याछिंगु खँय् जक ज्या न्ह्याकाच्वंसा इलय् संविधान पिकाये फइ मखु। इलय् संविधान पिहां मवल धाःसा देश मेमेगु हे दुर्घटनाय् लाः वनेफु। वर्तमान संविधानया मू विशेषता धइगु हे संघीयता खः। थुकिं हे नेपाःयात न्हापा स्वयां बिस्कंगु संवैधानिक ख्वाःपाः चित्रित याना बी। अथे मयायेगु खःसा थ्व संविधान न्हूगु थलय् पुलांगु अय्लाः थें जुया बी गुकिं निमुखा जनजातियात छुं नं न्हूगु सवाः बी फइ मखु। न्हापाया संविधान बहुदलीय प्रजातान्त्रिक खःसां राज्य व्यवस्थाय् दयाच्वंगु केन्द्रीयकरणं यानाः राजस्व फुक्कं केन्द्रय् वनीगु, केन्द्रं हे माःकथं इना बीगु जुयाः पहुँच मदुगु थासय् बजेट मवनाः विकासया ज्या जुइ फयाच्वंगु मदु। थ्व हे खँयात ध्यानय् तया जनतां संघीय गणतन्त्रया चाहना याःगु खः। आः नं संघीयताया मर्मयात न्हुयाः न्ह्यायेगु खःसा थुकिं नेपाःया ख्वाःपाः हिले फइ मखु। संघीयता बिनाया गणतान्त्रिक संविधान न्हापाया बहुदलीय संविधान थें हे जक जुइ। उकिं यदि नेपाःयात न्हूगु कथंया संविधान बीगु खःसा थुगु संविधानय् राज्य पुनर्संरचनायात तःधंगु महत्व बीमाः। मखुसा थुकिं हाकनं मेगु जनजातिया आन्दोलन न्ह्याकेत तिबः बी। गुकि यानाः देश हाकनं अशान्तिया लँपुइ न्ह्याः वनी ।

http://www.nepalmandal.com/content/12596.html

जनजाति व मधेशीयात मि च्याके बीगु कुतः?

POSTED ON MON JAN 31, 2011 7:46 PM NST

Share

ई मगाःगु धइगु त्वहःचिनाः आः संविधानसभां राज्य पुनर्संरचना सम्बन्धी दकलय् प्रमुख मुद्दायात हे त्वःताः न्हूगु संविधान जारी यायेगु तयारी यानाच्वंगु बारे चर्चा जूगु दु। यदि तःधंगु दलतय्सं अज्याःगु संविधान जारी यायेत्यंगु खःसा थ्व ति गलत ज्या मेगु जुइ मखु। थुकिं राज्य पुनर्संरचना पक्षधर सकलें जनजाति, मधेशी समुदाययात आक्रोशित यानाः देशय् मेगु विद्रोहया मि च्याका बीगु तःधंगु खतरा दु। संविधान जारी याः कुन्हु हे उकियात सार्वजनिक रुपं च्याकेगु ज्या तकं जुइफु गुकिं यानाः हथाय्चायाः संविधान जारी याःगुया छुं हे अर्थ दइ मखु। 
वर्तमान संविधानया मू मर्म धइगु राज्य पुनर्संरचना खः। यदि थुकी मुलुकया न्हूगु ख्वाःपाः चित्रित मयायेगु खःसा थ्व पुलांगु संविधान स्वयां छुं नं अर्थय् फरक जुइ मखु। राज्य पुनर्संरचना मयासे संविधान जारी यायेगुया अर्थ माओवादीं झिदँ तक याःगु जनयुद्ध व उकी प्राण आहुति याःपिं झिंस्वद्वः मनूतय् बलिदानयात बागमतिइ चुइके थें खः। लिसें १९ न्हु तक याःगु जनआन्दोलनया नं थ्व छगू तःधंगु अपमान जुइ। राजनीतिक पार्टीतय्सं थज्याःगु ज्या कदापी याये मजिउ। राज्य पुनर्संरचनाया सवाल दकलय् विवादया विषय जूगु कारणं यदि आः थुकियात त्वःता छ्वत धाःसा लिपा थ्व समस्या ज्यंकेगु सिबें नं थुकिं यानाः मेमेगु समस्या सिर्जना जुइगु खँयात वाःचायेकेमाः। ई मगाः धइगु सामान्य त्वहःचिनाः थ्व मुद्दा त्वःते मजिउ। मेमेगु बुँदाया थ्व क्वचाये धुंकूगु खःसा आः संविधानसभाया म्याद मेगु स्वला थपे यानाः केवल थ्वहे जक मुद्दाय् केन्द्रित जुल धाःसा थ्व विवाद नं याउँक ज्यंके फइगु खनेदु ।

http://www.nepalmandal.com/content/12491.html

नेपाः राष्ट्रिय पार्टीया खुल्ला बुन्हि

नेवाःतय् निंतिं नेवाः राजनीति यायेगु धइगु तातुनाः नीस्वंगु नेपाः राष्ट्रिय पार्टीया प्यदँ बुन्हि थुगुसी पार्टी स्थापना दिवसया रुपय् स्वन्हुयंकं स्वंगू थासय् ज्याझ्वः यासें न्यायेकल। थ्व लसताय् पार्टीपाखें विहीवाः थानकोटय्, शुक्रवाः येँ १३ वडाया तख्तिइ व शनिवाः यलया तःबाहालय् तुच्चाया लिसें सभा याःगु खः।
पार्टीपाखें न्हापा न्हापा थःपिनि बुन्हि थुकथं हनेगु मयाः। थुगुसी न्हापांखुसी थथे पिने वयाः बुन्हि न्यायेकल। उकिया कारण बारे पार्टी अध्यक्ष डा. केशवमान शाक्यं धयादी, 'सतकय् वनाः हुलहुज्जत यायेगु, जुलुस नारावाजी यायेत नेपाः पार्टी नीस्वनागु मखु। नेवाःतय्गु निंतिं न्हूगु संरचना, न्हूगु दिशा व न्हूगु राजनीतिक संजाल दयेका वनेगु तातुनाः स्वदँ न्ह्यः नेपाः राष्ट्रिय पार्टी नीस्वनागु खः। थ्व स्वदँया दुने जनतां थ्व पार्टीयात थःगु पार्टी धकाः स्वीकार यायेधुंकूगु दु। उकिं थुगुसी न्हापांखुसी सार्वजनिक रुपं जनताया न्ह्यःने वयाः ज्याझ्वः यानागु खः।'
नेवाःत राजनीतिक रुपं बल्लायेमाः धासें राजनीतिइ नेवाःतय् शक्तिशाली पहुँच मदुगु कारणं यानाः हे थौं देय्या प्रशासनय् ज्या यानाच्वंपिं नेपाल वायुसेवा निगमया कार्यकारी अध्यक्ष सुगतरत्न कंसाकार, नेपाली सेनाया सहायक रथी किरण वज्राचार्य थेंज्याःपिंत कारवाही याना हःगु खः धासें अध्यक्ष शाक्यं उकिया विरोध यानादिल।
तख्तिइ जूगु उगु हे ज्याझ्वलय् प्रा.डा.मृगेन्द्रलाल श्रेष्ठं च्वयादीगु नेवाःतय् तथ्यांक सम्बन्धी सफू 'नेवाः' विमोचन यायेगु ज्या नं जूगु खः। सफू नेपाः राष्ट्रिय पार्टीं हे पिथंगु खः। ज्याझ्वलय् नेपाः राष्ट्रिय पार्टीयात आःतक थीथी कथं ग्वाहालि याना वयाच्वंपिं ई. कुलदिप सिंह, ई. देवदास मानन्धर, प्रा.डा.मृगेन्द्रलाल सिंह व भाजु पुष्प चित्रकारयात हनेगु ज्या नं जूगु खः।
उगु ज्याझ्वलय् सभासद बुद्ध साय्मि, प्रा.डा. मृगेन्द्रलाल सिंह, जनकवि दुर्गालाल श्रेष्ठ, पुलांम्ह मन्त्री व नेकां नेता डा. रामशरण महत, माओवादी सभासद हितमान शाक्य, आदिवासी जनजाति महासंघया नायः राजकुमार लेखी, मधेसी जनअधिकार फोरमया राम सहाय, रमेश मानन्धरपिंसं भिंतुना देछानादीगु खः। १३ वडाया कचा नायः रमेशरत्न स्थापितया सभापतित्वय् न्ह्याःगु उगु ज्याझ्वलय् उत्तमलाल जोशीं लसकुस यानादीगु खःसा चसांद्व त्वाःपाखें बासुरी व गौतम मानन्धरं म्येँ न्यंकादीगु खः।
उकथं हे शनिवाः यलय् नं यल जिल्ला कमिटीपाखें छगू सभाया नापं तुच्चा ज्याझ्वः जुल। पार्टीया केन्द्रीय दांभरि सुरेश प्रधानया सभापतित्वय् तःबाहालय् जूगु उगु ज्याझ्वलय् पार्टीया नायः डा. केशवमान शाक्य, माओवादी सभासद् हिसिला यमि, नेपाली कांग्रेसया सभासद् तीर्थराम डंगोल, पुलांम्ह मन्त्री बुद्धिराज वज्राचार्य, समाजसेवी मोतिलाल शिल्पकारपिंसं न्ववानादीगु खः। न्वकु नरेशवीर शाक्यं लसकुस यासें न्ह्याकूगु उगु ज्याझ्वलय् थीथी जनजाति नेतातय्सं नं न्ववानादीगु खःसा सांगीतिक ज्याझ्वः नं जूगु खः।
उखे थानकोटय् जूगु ज्याझ्वलय् चीनया ग्वानजाउलय् जूगु एशियाडय् नेपाःया लागिं छगूयां छगू जक पदक त्याकेत ताःलाःम्ह कासामि दीपक महर्जनयात हनेगु ज्या जूगु खः।


http://www.nepalmandal.com/content/12425.html

नेपाः राष्ट्रिय पार्टी स्थापना दिवसया लसताय् थौं तःबहालय् ज्याझ्वः

LAKASMAN

POSTED ON SAT JAN 22, 2011 9:12 PM NST

Share

नेपाः राष्ट्रिय पार्टीया स्वक्वःगु स्थापना दिवसया लसताय् थौं यलया तःबहालय् छगू ज्याझ्वः यात ।

उगु ज्याझ्वलय् मूपाहां नापं नेपाः राष्ट्रिय पार्टीया नायः डा. केशवमान शाक्यं नेवाःत थःगु हक अधिकारया लागि सतकय् वयेगु कथं थुगु ज्याझ्वः यानागु धयादिसें नेपालय् शाही शासनकाल, राणा शासन, पंचायती शासनय् जक मखु ०४६ सालया बहुदलीय शासन लिपा ०६२/६३ या जनआन्दोलन लिपा गणतन्त्र वयेधुंकाः नं नेवाःतय्त क्वत्यलेगु ज्या जक जूगु व थःगु पार्टीया मनूत स्वनिगलय् केन्द्रीत यायेगु ज्या जक जूगु खँ धयादिल । थुकिया लागि नेवाःत थःगु हक अधिकारया लागि न्ह्यज्यायेमाःगु बः बियादिसें थःगु थासय् थःम्हेस्यां शासन यायेगु खःसा नेवाःतय्सं नं राजनीति यायेमाःगु खँ धयादिल ।

ज्याझ्वलय् एकिकृत नेकपा माओवादीया पोलिटब्यूरो दुजः नापं सभासद हिसिला यिमं राजनैतिक पार्टी व जातीय पार्टीत नापं जानाः सतक, सदन व सरकारय् संघर्ष याःसा जक संघीयता सुनिश्चित यायेफइगु खँ धयादिल ।

अथेहे संघीय लोकतान्त्रिक राष्ट्रिय मंचया नायः खगेन्द्र माखि्रनं थःगु भूमि प्राप्तिया लागि लिम्बुवान व खम्वुवानया आन्दोलन न्ह्याकाच्वनागु खँ कनादिसें जातिया ऐतिहासिक पृष्ठभूमिया लिधंसाय् संघीयता जुइमाःगु खँ कनादिल ।

नेपाः राष्ट्रिय पार्टीया न्वकू नरेशवीर शाक्यं ज्याझ्वलय् लसकुस यानादिसें नेवाःतय्गु हक अधिकारया लागि पार्टीं सः तयावयाच्वंगु व नेवाःतय्गु अस्तित्व स्व-पहिचानया लागि निर्णायक थासय् थ्यंकेमाःगु खँ कनादिसें सरकारं थी थी योजना हयाः नेवाःतय्त स्वनिगःपाखें विस्थापित यायेत स्वयाच्वंगु धयादिल ।

ज्याझ्वलय् नेपाली कांग्रेसया सभासद तीर्थराम डंगोल, ताम्सालिङ राष्ट्रिय दलया नायः परशुराम तामाङ, नेपाल लोकतान्त्रिक नेवाः संघया न्वकू हरिकृष्ण व्यंजनकार, पुलांम्ह मन्त्री बुद्धिराज बज्राचार्य, समाजसेवी मोतिलाल शिल्पकार, लक्ष्मीदास मानन्धर, ज्यापु समाजया नायः रामकाजी अवाल लगायत ब्यक्तिपिंस नेपाः राष्ट्रिय पार्टी स्थापना दिवसया लसताय् नेवाःतय्गु हक हित व संघीयता सुनिश्चितताया लागि न्ह्याःवने फयेमा धकाः भिन्तुना देछानादिल ।

नेपाः राष्ट्रिय पार्टीया दांभरि सुरेश प्रधानया सभाध्यक्षय् जूगु उगु ज्याझ्वलय् नेपाः राष्ट्रिय पार्टीया छम्ह जक सभासद बुद्ध साय्मिया नं उपस्थिति दुगु खः ।

http://www.nepalmandal.com/content/12381.html 

षड्यन्त्र खतम यायेत झी छप्पँ जुइमाः

POSTED ON SUN JAN 30, 2011 10:54 PM NST

Share3

डी.आर. खड्गी

माघ ७ गते शुक्रवाः नेपाः राष्ट्रिय पार्टीया प्यदँ बुन्हिया लसताय् सभा व तुच्चा ज्याझ्वः येँ १३ वडाया निलबाराहीइ भव्य रुपं जुल। सभाय् नेपाः पार्टीया सभापति केशवमान शाक्यं भाषण बीगु झ्वलय् १२ लाख स्वनिगःया नेवाःतय्त विस्थापित यायेत खसब्रम्हूतयसं षडयन्त्र यानाच्वंगु खँ कनादिल। नेवाःतय्सं याना वयाच्वंगु चीधंगु व्यापारंनिसें ततःधंगु व्यापार तक गैर नेवाःतय्सं कब्जा यानाः नेवाःतय्त गरीब यायां यंकाच्वंगु दु। थुलि जक मखु सरकारी कार्यालयय् नोकरी यानाच्वंपिंत नं टेन्सन बियाः धमाधम हटे यानाच्वंगु दु। खसब्रम्हूया मुख्य नीति धइगु नेवाःतय्त कमजोर यायेत व्यापार व नोकरी पेशां विस्थापित यायेगु खः। जब आर्थिक अवस्था कमजोर जुइ व्यक्तियाके ल्यं दुगु अचल सम्पत्ति नं मीत बाध्य जुइ। स्वनिगःया नेवाःतय्सं धमाधम थःगु छेँबुँ मियाच्वंगुया कारण थ्व हे खः। नेवाःतय्गु छेँबुँ न्यानाच्वंपिं नं वहे कमिशन व भ्रष्टाचार याइपिं खसब्रम्हूत खः। नेवाःतय्गु छेँबुँ न्याःपिं गैर नेवाःत झीगु हे सम्पत्ति अप्रत्यक्ष रुपं लुटे यानाच्वंपिं खः धकाः झीसं बांलाक सिउ ।

२०४६ साल न्ह्यः न्ह्यागुं सरकारी ज्याकुथी अप्वः नेवाःतय्सं ज्या यानाच्वंगु खः। व इलय् अफिस-अफिसया अवस्था बांलानाः देय्या आर्थिक अवस्था मजबुत जुयाच्वंगु खः। इमान्दार, सक्षम व नैतिकवानया ल्हातय् सत्ता लात कि देशया अवस्था नं भिनीगु स्वाभाविक हे खः ।

नेवाःत अप्वः हे इमान्दार व नैतिकताय् च्वनाः ज्या याइपिं जूगुलिं ०४६ साल न्ह्यः देय्या आर्थिक अवस्था ठीक जुयाच्वंगु खः। दसुया लागिं नेपाल बैंक नेवाःतय्गु ल्हातय् दुगु इलय् बैंकया अवस्था तसकं बांलानाः अन्तर्राष्ट्रय् तकं इज्जत व प्रतिष्ठा दयाच्वंगु खः। तर खसब्रम्हूतय्सं बैंकय् प्रवेश याये धुंकाः बैंकया इज्जत व प्रतिष्ठा ध्वष्ट जुल। बैंक जक मखु चीन व सोभियत संघं सहयोग स्वरुप स्थापना याःगु उद्योगनापं ध्वष्ट यात। अनं लिपा कमिशन नयाः विदेशीतय्त मिया बिल। दक्षिण एशियाय् प्रख्यात जुयाच्वंगु यातायात सुविधा, ट्रलिबस व साझा यातायात नं ध्वष्ट यात। गन खसब्रम्हूत दुहां वनी, अन ध्वष्ट यायेगु ज्या जुइ धकाः जनतां मसिउगु नं मखु। सीक सीकं हाकनं वहे खसब्रम्हूतय्त छक्वः नेवाः व जनजातितय्सं अप्रत्यक्ष रुपं साथ नं बियाच्वंगु दु धाइ। 
२०४६ सालया हिउपाः लिपा खस-ब्रम्हूतपाखें अप्वः पीडित जुयाच्वंपिं स्वनिगःया नेवाःत खः। पिनेयापिं खसब्रम्हूत स्वनिगलय् वयाः राजनीति थःगु ल्हातय् लाकेत धमाधम नेवाः नेतातय्त माईनस यायां यंकूगु खः। कांग्रेसया नेता गणेशमान सिंहयात नं हायल कायल यानाः पार्टीं राजीनामा बीत बाध्य यात। कम्युनिष्टया उच्च नेतात तुलसीलाल, शम्भुराम, विष्णुबहादुर मानन्धर थेज्याःपिं देशप्रेमी व विद्वानतय्त नं शक्तिहीन यायां यंकल। जब उच्च नेवाः नेतात माइनस जुल तब राजनीतिक ख्यलय् खसब्रम्हूया हालिमुहाली जुल। खसब्रम्हूतय्गु ल्हातय् राजनीतिया शक्ति लायेवं राजनीतियात नं व्यापार दयेका यंकल ।

सुं जातिया ल्हातय् राजनीति लानाच्वनीगु धइगु वयागु ल्हातय् राज्यया स्वंगुलिं अंग-न्यायपालिका, कार्यपालिका व व्यवस्थापिका लानाच्वनीगु थें हे खः। वहे राज्यया स्वंगूगु अंग प्रयोग यानाः नेवाःतय्त कमजोर व शक्तिहीन यायेत ज्या यानाच्वंगु खः। नेवाःतय्त छखे प्रशासनं अनेक झंझट बियाः दुःख, कष्ट यानाच्वंगु दुसा मेखे हाकनं नेवाःतय्गु थासय् कर अप्वः कयाः आर्थिक अवस्था डांवाडोल यानाच्वंगु दु। यदि सुं नेवाःतय्सं प्रशासन ख्यलय् वा मेगु ख्यलय् भचा बांलाक ज्या क्यनेगु कुतः यात कि वयात फुक्क खसब्रम्हूत मिले जुयाः ध्वष्ट याना बी। थौंकन्हय् नेपाल वायुसेवा निगमया हाकिम सुगतरत्न कंसाकार व नेपाली सेनाया सहायक रथी किरण बज्राचार्य नं खसब्रम्हूया चक्करय् लानाच्वंगु खः ।

विश्वया यक्व देशय् स्थानीयवासीत खालि संस्कृतिइ जक ध्यान बियाः राजनीतिया चेतना कम जूगुलिं पिनें वयाच्वंपिंसं विस्थापित यायेत सफल जूगु खः। झीगु देशय् नं नेवाःतय्सं राजनीतिइ कम व संस्कृतिइ अप्वः ध्यान बियाच्वंगुलिं खसब्रम्हूत शक्तिशाली जुयाच्वंगु खः। यदि भावनात्मक रुपं छप्पँ जुइफत धाःसा अल्पमतं नं बहुमतयात शासन यायेफु धइगु खँ इतिहासं नं क्यनाच्वंगु दु। अल्पमत खसब्रम्हूतय्सं शासन यानाच्वंगु कारण नं थ्वहे खः। थ्वया अर्थ झी साम्प्रदायिक जुइमाः धयागु मखु। खसब्रम्हूया साम्प्रदायिक भावना विरुद्ध झी फुक्क छप्पँ जुइमाः धायेत्यनागु जक खः। छाय्धाःसा खसब्रम्हूतय्सं थःगु जातिया हित बाहेक मेगु जातियात वास्ता याइ मखु। 
तराइलय् खसब्रम्हूतय्सं राज्यया न्यायपालिका व प्रशासनयात उपयोग यानाः मधेशीतय्त अति हे शोषण यानाच्वंगु खः। मधेशीतय्के राजनीतिया जागरण वयेधुंकाः इमिसं थःगु लागाय् थःपिंत हे शोषण यानाच्वंगु खँ थुइकल। अले थःपिंत शोषण यानाच्वंगु जातियात ख्याना छ्वयेमाल धकाः फुक्क छप्पँ जुयाः खस ब्रम्हूतय्त पितिना छ्वल। २१ प्रतिशत दुपिं मधेशी जातिं राज्यया ४४ प्रतिशत मन्त्रिमण्डल कब्जा यायेत सफल जुल। तराइलय् जक मखु जनजातिया प्रदेश-राई, लिम्बु, मगर व बाहुल्य दुगु थासय् नं खसब्रम्हूतय्सं छलकपट व षड्यन्त्र यानाः जनजातियात शोषण याःगुलिं जनजातिया थासं नं धमाधम पितिनेगु शुरु यात। देशया फुक्क थासं खसब्रम्हूया छलकपट व षड्यन्त्रयात ध्वष्ट याःगुलिं आः इमिगु मुख्य केन्द्र स्वनिगः जुयाच्वंगु दु। स्वनिगलय् इपिं सुरक्षित रुपं च्वनेत थनया नेवाःतय्त विस्थापित यायेत तःधंगु षड्यन्त्रया कुतः यानाच्वंगु दु। थुमिसं न्ह्याक्व हे प्रजातन्त्रया सिद्धान्त पाठ याःसां, कम्युनिष्टया सिद्धान्त पाठ याःसां नं सक्कली कांग्रेस अथवा कम्युनिष्ट जुइ हे मखु। तर अफशोच थुपिं ढोंगी व बदमास खः धइगु सीक सीकं नं गुलिं नेवाःत पार्टीया नामं अले गुलिं व्यक्तिगत फाइदाया लागि हनुमान जुयाच्वन। नेवाःत कमजोर जुया वनाच्वंगुलिं नेतातय् लिउ लिउ वनाच्वंगु खः धकाः जनतां धयाच्वंगुलिं झी थःगु हे शक्तियात भरोसा यानाः संघर्षय् कुहां वयेमाः । 

drkhadgi@gmail.com

http://www.nepalmandal.com/content/12469.html

United Alliance for National Self-Rule and Federalism.........................

Monday, 17 January 2011 04:27

hftLo :jfoQtf / ;+3Lotfsf nflu ;+o'Qm u7aGwg (United Alliance for National Self-Rule and Federalism) ;}4flGts dfGotf, p2]Zo, u7g, ;+/rgf / ;~rfng;DaGwL sfo{ljlw g]kfndf @$)–jifL{o ;fdGtL zfxj+zLo /fhtGqsf] cGTo eP/ nf]stflGqs u0ftGqsf] :yfkgf ePsf] 5 eg] PsfTds k|0ffnL -Unitary System_ ;dfKt eO{ ;+3Lo k|0ffnL -Federal System_ k|f/De ePsf] 5 .. To;}u/L, d'n's ;+ljwfgtM wd{lg/k]If /fHo klg ag]sf] 5 . lgM;Gb]x oL P]ltxfl;s / dxTjk"0f{ pknlAwx¿ x'g\ . t/ cflbjf;L hghfltnufot pTkLl8t ju{, hflt÷;d'bfo, lnª\u / If]qsf] k|ult / d'lQm cem} Uof/]06L ePsf] 5}g . To;}n], oL k|fKt pknlAwx¿sf] /Iff ub}{ lg/Gt/ cl3 a9\g h?/L 5 . olta]nf, b]zdf zflGtk|lqmof / gofF ;+ljwfg n]vg k|lqmof rln/x]sf] 5 . t/ ;DejtM ;ª\qmd0fsfn ePsf]n] k|lqmofsf] ulteg] cToGt ;':t /x]sf] 5 . d'n'sdf  kl/jt{g / cu|udg cfjZos 5, kZrudg / oyfl:yltjfb :jLsfo{ 5}g lsgls hgtfsf] rfxgf / efjgfnfO{ To;n] ;Daf]wg ug{ ;Sb}g .. hftLo, eflifs, ;fF:s[lts, wfld{s, ef}uf]lns cflb cg]sf}+ ljljwtfx¿ -Diversities_ ePsf] b]zdf ;+3Lo k|0ffnL g} pko'Qm / j}1flgs k|0ffnL x'G5 / ;+3Lo PsfOsf] cfwf/ hflt -Nationality_, efiff, ;+:s[lt / If]qnfO{ agfOg' kb{5 . To;f] eof] eg] dfq} zlQm, cflwsf/, ;|f]t–;fwgx¿sf] ;d'lrt afF8kmfF8 x'g;S5 . t/ cflbjf;L hghfltx¿sf nflu eg] hftLo cfwf/ g} ckl/xfo{ cfjZostf xf] . log} s'/fx¿nfO{ x[boª\ud ub}{ xfdL lgDg x:tfIf/sf/L hftLo /fhg}lts kf6L{ / cflbjf;L hghflt eft[–;ª\u7gx¿ u0ftGq, wd{lg/k]Iftfsf] lg/Gt/tf Pjd\ ;b[9Ls/0f / d'VotM hftLo :jfoQtf -National Self-Rule) / ;+3Lotf -Federalism_, cfTdlg0f{osf] clwsf/, /fhgLlts cu|flwsf/ / cflbjf;L hghfltx¿sf] xs–lxtsf lglDt ;+o'Qm ?kn] ;ª\3if{ ug{sf nfluhftLo :jfoQtf / ;+3Lotfsf nflu  ;+o'Qm u7aGwg -United Alliance for Naitonal Self-Rule and Federalism) u7g ul/Psf] ;uf}/j 3f]if0ff ub{5f}+ . o; hftLo :jfoQtf / ;+3Lotfsf nflu  ;+o'Qm u7aGwgsf] ;}4flGts dfGotf, p2]Zo, u7g, ;+/rgf / ;~rfng;DaGwL ;fdfGo sfo{ljlwx¿ lgDgfg';f/ /x]sf 5g\– != ;}4flGts dfGotf / p2]Zo -s_ dfly pNn]lvt d'2fx¿ / eljiodf ;xdltsf cfwf/df to x'g] d'2fx¿ hftLo :jfoQtf / ;+3Lotfsf nflu  ;+o'Qm u7aGwgsf cfwf/e't ;}4flGts dfGotf x'g]5g\ . -v_ u0ftGq tyf wd{lg/k]Iftfsf] lg/Gt/tf Pjd\ ;'b[9Ls/0f / d'VotM hftLo :jfoQtf / ;+3Lotf, cfTdlg0f{osf] clwsf/, /fhgLlts cu|flwsf/ tyf cflbjf;L hghfltx¿sf] xs–lxtsf nflu ;+o'Qm ?kn] ;ª\3if{ ug{' o; hftLo :jfoQtf / ;+3Lotfsf nflu  ;+o'Qm u7aGwg -United Alliance for Naitonal Self-Rule and Federalism) sf] p2]Zo x'g]5 . @= ;+/rgfM -s_ sfo{ ;ldlt / ;lrjfno o; ;+o'Qm u7aGwgdf xfnnfO{ s]Gb|df dfq} k|To]s 36s ;ª\u7gsf] tkm{af6 @–@ k|ltlglw /x]sf] Ps ……sfo{ ;ldltÚÚ / k|To]s 36s ;ª\u7gsf] tk{maf6 !–! k|ltlglw /x]sf] Ps ……;lrjfnoÚÚ /xg]5 . /, cfjZostf cg';f/ cGo :t/df klg ;+o'Qm u7aGwgsf ;fª\u7flgs ;+/rgf lgdf{0f ug{ ;lsg]5 . -v_ kbflwsf/LM o; ;+o'Qm u7aGwgdf Ps cWoIf x'g]5 / afFsL ;a} ;b:o x'g]5g\ . -u_ a}7sM sfo{ ;ldltsf] a}7s dlxgfdf Psk6s / ;lrjfnosf] a}7s dlxgfdf sDtLdf b'O{k6s a:g]5 . -3_ kbfjlwM cWoIfsf] kbfjlw ! dlxgfsf] x'g]5 . #= s'g} klg ljifodf lg0f{o lng'kbf{ ;xdltsf cfwf/df ul/g]5 . $= of]hgf tyf sfo{qmdM -s_ ;+ljwfg ;efsf ljifout ;ldltx¿sf] d:of}bf k|ltj]bgx¿ cWoog u/L ;f]af/] ;+o'Qm u7aGwgsf wf/0ff Pjd\ ;'emfjx¿ ;+ljwfg ;ef cWoIfnfO{ a'emfpg] . -v_ gofF ;+ljwfgdf cflbjf;L hghfltsf d'2f Pjd\ xs–clwsf/x¿nfO{ ;'lglZrt ug{sf nflu ljleGg bjfad'ns sfo{qmdx¿ ug]{ -kqsf/ ;Dd]ng, uf]i7L, wgf{, hg;ef, cfdx8\tfn cflb_ . -u_ cflbjf;L hghfltsf xs–clwsf/x¿ gofF ;+ljwfgdf lnlkj4 eP nfu" u/fpgsf nflu bafj lbg], gePdf ;ª\3if{nfO{ lg/Gt/ cufl8 a9fpg] . -3_ cGo sfo{qmdx¿ l:ylt / cfjZostf cg';f/ ……sfo{ ;ldltÚÚn] th{'df ug]{ . %= ljljwM -s_ hftLo :jfoQtf / ;+3Lotfsf nflu ;+o'Qm u7aGwg ljleGg /fhg}lts bz{g / ljrf/k|lt cf:yfjfg ;ª\u7gx¿sf] ;femf ;ª\u7g xf] . o;sf 36sx¿sf] ;femf bfloTj / clwsf/ x'g]5 eg] cf–cfˆgf] ;ª\u7gsf] 5'§} bfloTj, clwsf/ / :jtGqtf klg x'g]5 . ;fd"lxs / Psn sfo{ ;~rfng ug]{ clwsf/ / :jtGqtf ;a} 36sx¿nfO{ x'g]5 t/ Psfk;df aflemg] u/L s;}n] ug{ kfOg] 5}g . olb aflemPdf ;+o'Qm u7aGwgs} sfo{qmd nfu" x'g]5 . -v_ ;+o'Qm u7aGwgdf cfj4 s'g} klg 36sn] ;+o'Qm u7aGwgaf6 cnu x'g rfx]df jf o;sf cfwf/e"t ;}4flGts dfGotf Pjd\ p2]Zok|lt c;xdt ePdf cfk;L ;xdltsf cfwf/df ;+o'Qm u7aGwgaf6 cnu x'g ;Sg]5 . -u_ ;+o'Qm u7aGwgdf /x]/ ;+o'Qm u7aGwgs} cfwf/e"t ;}4flGts dfGotf Pjd\ p2]Zo jf ;xdlt ljk/Lt sfo{ ug]{ 36s ;ª\u7gnfO{ hftLo :jfoQtf / ;+3Lotfsf nflu  ;+o'Qm u7aGwgaf6 cnu ug{ ;lsg]5 .. t/ To:tf] sfjf{xL ug{'cl3 Psk6s ;kmfOsf] df}sf lbOg]5 . -3_ c? hftLo /fhgLlts kf6L{ jf cflbjf;L hghflt eft[–;ª\u7gx¿nfO{ klg o; hftLo :jfoQtf / ;+3Lotfsf nflu  ;+o'Qm u7aGwgsf] ;}4flGts dfGotf / p2]Zok|lt ;xdt ePdf hftLo :jfoQtf / ;+3Lotfsf nflu  ;+o'Qm u7aGwgdf Nofpg ;lsg]5 . -ª_ cGo sfo{ljlwx¿ ……sfo{ ;ldltÚÚn] to u/]cg';f/ x'g]5 . kf6L{÷;ª\u7g                                           k|ltlglwsf] gfd                    x:tfIf/ != g]kfM /fli6«o kf6L{                                     8f= s]zjdfg zfSo @= ;+3Lo nf]stflGqs /fli6«o d~r                       vu]Gb| dflvd #= /fli6«o hgd'lQm kf6L{                                 lzjnfn yfkf $= tfd\;flnª g]kfn /fli6«o bn                          k/z'/fd tfdfª %= hgd'lQm kf6L{, g]kfn                                 c6ndfg /fO{ ^= cflbjf;L–hftLo–If]qLo dxf;+3, g]kfn                 ;'/]z cfn] du/ &= clvn g]kfn cflbjf;L hghflt dxf;+3 -PsLs[t_     gu]Gb| /fO{ *= cflbjf;L hghflt dxf;+3 -;dfhjfbL_               /fdl;+x nfdf ldltM @)^& df3 @ ut] cfOtaf/ -g]kfn ;Djt\ !!#! kf]x]+nf Yj åfbzL_       a'9fgLns07, sf7df8f}+, g]kfn .

http://nefin.org.np/press-release/595-united-alliance-for-national-self-rule-and-federalism.html

जनजाति महासंघया नेतातय्गु विरुद्ध आन्दोलन

POSTED ON WED JAN 12, 2011 12:48 PM NST

Share

श्रीकृष्ण महर्जन

नेपाःया आदिवासी जनजातिया हक अधिकार न्हूगु संविधानय् सुनिश्चित याकेगु नितिं राजनीतिक दल व संविधानसभाया दुजःतय्त दबाव बिइमाःगु इलय् नेपाःया आदिवासी जनजातिया दथुइ थवं थवय् ल्वापु जूगु बुखँ ब्वने दयाः जातीय राज्यया विरोधीत नापं संघीयता विरोधीत न्हिला च्वंगु दु । नेपाःया आदिवासी जनजातितय्गु मंकाःगु संगठन नेपाल आदिवासी जनजातिया नेतृत्वं आदिवासी जनजातिया माग कथं जातीय स्वायत्तता नापंया स्वशासनयात सुनिश्चित यायेगु नितिं माःगु कथं भूमिका म्हितेगु ज्या मयात धकाः आदिवासी विद्यार्थी समाजं आन्दोलन याःगु दु । 

उगु समाजया नायः शक्ति वान्तवा (चट्टनं) धयादिल 'जनजाति महासंघं विदेशं ध्यबा हयाः थवं थवय् क्वथाय् च्वना गोष्ठी यायेगु अले ध्यबा फुकाः बास्तविक पीडित जनजातिया बेवास्ता यानाच्वंगु नापं आदिवासी जनजातिया हक अधिकारया नितिं माःगु इलय् माःगु कथंया आन्दोलन मयागुलिं इमित ठिक थासय् हयेगु नितिं महासंघया नेतृत्व विरुद्ध आन्दोलन यानागु खः, वंगु सोमवाः महासंघया नायः व महासचिवया कुर्सि च्याकेगु ज्या सांकेतिक कथं जक यानागु खः, माल धाःसा अझ सशक्त आन्दोलन यायेत विद्यार्थीत तयार दु ।'

अथे हे नेपाल आदिवासी जनजाति महासंघया महासचिव आङकाजि शेर्पां धयादिल 'आदिवासी विद्यार्थी समाज धैगु अराजकतय्गु पुचः खः, इमिसं गुगु कथं महासंघया ज्याकू तोडफोड यायेगु ज्या यात उकियात कयाः घोर भत्सना यानागु दु ।' लिपांगु इलय् वयाः महासंघ छगू राजनीतिक दलया भ्रातृ संगठनया रुपय् ज्या यानाः हक अधिकारया नितिं माःगु कथंया भूमिका म्हितेगु यानाच्वंगु मदु धकाः आदिवासी जनजातिया नेता कार्यकर्तातय्सं नं धयाच्वंगु मदुगु नं मखु । अथे हे विद्यार्थीतय्सं गुगु कथं जनजातिया नेतृत्वयात ख्याच्वः बिल थ्व पाय्छि हे जू धकाः तकं धायपिं नं मदुगु मखु । न्हूगु संविधानय् राज्यया पुनरर्संरचनाय सवालय् ध्यान तयाः गुगु कथं आदिवासी जनजातिया हक अधिकार सुनिश्चित यायेगु धकाः बिचाः यायेमाःगु इलय् आदिवासी विद्यार्थी समाजं दबाव कथं जनजाति महासंघया नेतृत्वयात दबाव बिइमाःगु अवस्था वःगु नापं छगू कथं जनजातिया दथुइ थवं थवय् ल्वापु जूगु बांलाःगु संकेत धाःसा अबश्य नं मखु ।

http://www.nepalmandal.com/content/12113.html

नेवाःतय्सं संविधानसभायात लुमन्ति पौ बिइगु/इलय् हे संविधान पिथनेमाःगु माग यासें नेवाः एकता दिवस हनीगु

POSTED ON SUN JAN 9, 2011 11:19 AM NST

Share

किपूयात नेवाः स्वायत्त राज्यया अभ्यास यायेगु थाय् कथं घोषणा याइगु

येँ -झीगु स्वनिगः)

वइगु पोहेलाथ्व नवमि विहीवाः (पुस २९ गते) यलय् जुइगु नेवाः एकता दिवसय् नेवाःतपाखें संविधानसभायात लुमन्ति पौ बिइगु धकाः घोषणा यानाः अनुमोदन तकं याइगु जूगु दु । वंगु दँया पोहेलाथ्व नवमि खुन्हु नेवाः स्वायत्त राज्य घोषणा याःगु दिंया लुमंकाः थुगुसी नेवाः स्वायत्त राज्य मंकाः संघर्ष समितिया ग्वसालय् जुइगु उगु नेवाः एकता दिवस सभाय् घोषणा याइगु स्मरण पतिइ क्वःछिइनातःगु इलय् हे न्हूगु संविधान च्वयेमाःगु, आत्मनिर्ण व अग्राधिकार दुगु नेवाः स्वायत्त राज्यया ग्यारेन्टी यायेमाःगु व धर्म निरपेक्ष राज्ययात संस्थागत यायेमाःगु खँ चेतावनी कथं दुथ्याइ धकाः धाःगु दु । उगु सभां आः नेवाः स्वायत्त राज्यया अवधारणा कथं अभ्यास यायेगु थाय् केन्द्रीकृत कथं हे स्थानीय निकायत मध्ये किपू नगरपालिकायात नालाः उकिया नितिं माःगु कथं भूमिका म्हितेगु धकाः घोषणा नं याइ धकाः धाःगु दु ।

नेवाः एकता दिवस थुगुसी यलय् यायेगु नितिं तयारी अन्तिम चरणय् थ्यने धुंकूगु जानकारी वःगु दु । वइगु विहिवाः यलया पूच्वं सांस्कृतिक बाजा गाजा सहित दुथ्याकाः न्ह्याकीगु जुलुस यलया ज्याउला ख्यलय् वनाः क्वचायेकेगु ग्वसाः ग्वयातःगु दु । ज्याझ्वः कथं संविधानसभायात लुमन्ति पौ बिइगु व किपू नगरपालिकाय् नेवाः स्वायत्त राज्यया अभ्यास केन्द्रीकृत कथं यायेगु धकाः पूच्वय् सांस्कृति जुलुस पिकाये न्ह्यः हे जुइगु सभाय् घोषणा याइगु जूगु दु । पूच्वय् जुइगु सभाया ज्याझ्वः कथं नेवाः एकता दिवस न्यायेकेमाःगु अवधारणा मंकाः संघर्ष समितिया सचिवालयया कजि मल्ल के सुन्दरं न्ह्यब्वयादी । अथे हे बोडेय् जूगु नेवाः राष्ट्रिय राजनीतिक सम्मेलनं पारित याःगु घोषणा पत्र, स्थानीय निकायसं हस्तक्षेपकारी ज्याझ्वः ब्वनाः न्यंकेगु नापं नेवाः दुनेया थीथी जात जातिपिन्सं राजनीतिक सम्मेलनय् प्रतिबद्धता प्वंकूगु कथं नेवाः दुने जातपातया विभेद मन्त धासें एकताया मंकाः संकल्प नं याइ धकाः धाःगु दु ।

पूच्वं न्ह्याइगु जुलुस ज्यावला ख्यलय् वनाः समापन यायेगु ग्वसाः ग्वयातःगु दु । उगु दिवस व र्‍याली फयां फक्व नेवाःत ब्वति कायेकेगु नितिं यल, येँ, किपू, थिमि नापं स्वनिगःया गां गामय् तकं भेला, मुँज्या व अन्तक्रिर्या ज्याझ्वः न्ह्यानाच्वंगु दु । वंगु शुक्रवाः मंकाः संघर्ष समितया मुँज्या च्वनाः संघर्ष समितिइ हितमान शाक्य, राजेन्द्र श्रेष्ठ, डा. केशवमान शाक्य, प्रेम शान्ति तुलाधर व डा. महेशमान श्रेष्ठयात सल्लाहकारय् तयेगु धकाः खँ क्वःछ्यूगु दु । मंकाः संघर्ष समितिं पद्मरत्न तुलाधर, माणिकलाल श्रेष्ठ, तिर्थराम डंगोल व भिमसेनदास प्रधानयात न्हापा हे सल्लाहकारया रुपय् तयातये धंकूगु दु ।

नेवाः एकता दिवसया नितिं नारा

नेवाः स्वायत्त राज्य मंकाः संघर्ष समिति —जिन्दावाद
नेवाः स्वायत्त राज्य जिन्दावाद
नेवाः एकता जिन्दावाद
आदिवासी जनजाति एकता जिन्दावाद
संघीय गणतन्त्र जिन्दावाद
धर्म निरपेक्ष राज्य जिन्दावाद
आत्मनिर्णय व अग्राधिकार
— सुनिश्चित या
इलय् हे संविधान जारी या
संघीयता विरोधी होसियार

http://www.nepalmandal.com/content/12026.html

इलय् हे संविधान पिथनेमाःगु माग यासें नेवाः एकता दिवस हनीगु

DIPU

POSTED ON SUN JAN 9, 2011 5:52 PM NST

Share3

नेवाः स्वायत्त राज्य मंकाः संघर्ष समितिं थ्वहे वइगु पुस २९ गते बृहत नेवाः एकता दिवस इलय् हे संविधान पिथनेमाःगु माग यानाः हनीगु जूगु दु ।

दच्छि न्हयः मंकाः संघर्ष समितिं नेवाः स्वायत्त राज्यया माग तयाः दशरथ रंगशालाय् औपचारिकरुपं नेवाः स्वायत्त राज्य घोषणा याःगु लुम्कां थुगुसी नेवाः एकता दिवस कथं हनेत्यंगु खः ।

थीथी राजनीतिक पार्टीतय्गु भातृ संगठनत दुगु संघर्ष समितिं थौं येँय् छगू भेलाया ग्वसाः ग्वयाः नेपाल सम्बतया तिथिकथं दच्छिदुने पुस २९ गते नेवाः स्वायत्तताया नितिं नेवाःत संगठितरुपं आन्दोलनय् दुगु क्यनेगु नितिं यलया थीथी लागाय् शक्ति प्रदर्शन यायेगु तयारीयात लिपांगु रुप ब्यूगु दु ।

संघर्ष समितिं जातीय, क्षेत्रीय व भाषिकरुपं आत्मनिर्णयया अधिकारलिसे अग्राधिकार दुगु नेवाः स्वायत्त राज्ययात विधिवत रूपं इलय् हे संविधान पिथनेगु नितिं ख्याच्वःकथं थ्व ज्याझ्वः यायेत्यंगु खः । ज्याझ्वलय् छुं ई न्ह्यः नेवाः राजनीतिक सम्मेलनं पारित याःगु थीथी घोषणात व आन्दोलनया ज्याझ्वःयात औपचारिकरुपं जनअनुमोदन यायेगु नितिं सभाया ग्वसाः ग्वयाः संविधानसभाया नायःयात ज्ञापन पौ बीगु खँ धाःगु दु ।

थ्वहे विषययात कयाः समितिइ दुगु एकीकृत नेवाः राष्टिय मुक्ति मोर्चा, नेपाल लोकतान्त्रिक नेवाः मञ्च, ज्यापु महागुथि, ज्यापु समाज, नेवाः देय् दबू लगायतया गुंगू संस्थातय्सं थःगु तयारी पूर्णरुपं क्वचायेके धुंकूगु दु ।

http://www.nepalmandal.com/content/12044.html

नेवाः स्वायत्त राज्य मंकाः संघर्ष समिति

POSTED ON MON JAN 10, 2011 8:44 AM NST

Share

येँ (झीगु स्वनिगः)

नेवाः स्वायत्त राज्य मंकाः संघर्ष समितिं वइगु पुस २९ गते बृहत नेवाः एकता दिवसया इलय् हे संविधान पिथनेमाःगु माग यानाः हनीगु जूगु दु । न्हापाया दँ मंकाः संघर्ष समितिं नेवाः स्वायत्त राज्यया माग तयाः दशरथ रंगशालाय् औपचारिकरुपं नेवाः स्वायत्त राज्य घोषणा याःगु खः । थीथी राजनीतिक पार्टीतय्गु भातृ संगठनत दुगु संघर्ष समितिं म्हिगः येँय् छगू भेलाया ग्वसाः ग्वयाः नेपाल सम्बतया तिथिकथं दच्छिदुने पुस २९ गते नेवाः स्वायत्तताया नितिं नेवाःत संगठितरुपं आन्दोलनय् दुगु क्यनेगु नितिं यलया थीथी लागाय् शक्ति प्रदर्शन यायेगु तयारीयात लिपांगु रुप ब्यूगु दु ।

संघर्ष समितिं जातीय, क्षेत्रीय व भाषिकरुपं आत्मनिर्णयया अधिकारलिसे अग्राधिकार दुगु नेवाः स्वायत्त राज्ययात विधिवत्रुपं इलय् हे संविधान पिथनेगु नितिं ख्याच्वःकथं थ्व ज्याझ्वः यायेत्यंगु खः । ज्याझ्वलय् छुं ई न्ह्यः नेवाः राजनीतिक सम्मेलनं पारित याःगु थीथी घोषणात व आन्दोलनया ज्याझ्वःयात औपचारिकरुपं जनअनुमोदन यायेगु नितिं सभाया ग्वसाः ग्वयाः संविधानसभाया नायःयात न्हापा ब्यूगु थीथी ज्ञापन पौया विषयसं न्ह्यथनेगु व थ्वहे विषययात कयाः समितिइ दुगु एकीकृत नेवाः राष्ट्रिय मुक्ति मोर्चा, नेपाल लोकतान्त्रिक नेवाः मञ्च, ज्यापु महागुथि, ज्यापु समाज, नेवाः देय् दबू लगायतया गुंगू संस्थातय्सं थःगु तयारी पूर्णरुपं क्वचायेके धुंकूगु दु ।

http://www.nepalmandal.com/content/12070.html