बाल श्रम बारे सैंजुयात विद्यावारिधी

POSTED ON MON JAN 31, 2011 7:49 PM NST

Share

येँ (सन्ध्या टाइम्स)/नेपाःया बाल श्रम सम्बन्धी ख्यलय् ताः ई न्ह्यवंनिसें सक्रिय लिसें नेपालभाषा आन्दोलनया छम्ह न्ह्यलुवा भाजु विजय सैंजुयात विद्यावारिधी उपाधि प्राप्त जूगु दु। वय्कलं च्वयादीगु 'नेपाल बाल श्रम' विषयक शोध-ग्रन्थया लागिं वय्कःयात उगु उपाधि प्राप्त जूगु दु। नेपालय् त्रिभुवन विश्वविद्यालयपाखें थ्व विषयय् उपाधि कयादीम्ह वय्कः न्हापांम्ह नेपाःमि खः। भाजु सैंजु थौंकन्हय् कन्सर्न नेपाल नांगु संस्थाया निर्देशक जुया च्वनादीगु दु ।

http://www.nepalmandal.com/content/12495.html

त्रिवि आन्दोलनय् सामाजिक संस्थात

POSTED ON WED DEC 29, 2010 6:37 PM NST

Share

किपू (सन्ध्या टाइम्स)/नेवाः स्वायत्त राज्य मंकाः परिषद् किपूपाखें त्रिविइ किपूया नेवाःतय्गु अग्राधिकार दयेकेगु नापं न्हापाया सम्झौतात कार्यान्वयन यायेमाःगु माग यानाः न्ह्याकाच्वंगु आन्दोलनय् आः किपुलिइ क्रियाशिल सामाजीक संघ संस्थात नं कुहां वइगु जूगु दु। म्हिगः परिषदया ग्वसालय् जूगु छगू भेलाय् सामाजिक संघ संस्थात नं आन्दोलनय् ऐक्यबद्धता प्वंकाः कुहां वयेगु प्रतिबद्धता प्वंकूगु खःसा आः उकिया नितिं किपू नगरय् छगू अभियान हे न्ह्याकीगु जूगु दु ।

http://www.nepalmandal.com/content/11739.html

आन्दोलन तयारी मुँज्या

POSTED ON SUN DEC 26, 2010 9:20 PM NST

Share

किपू (सन्ध्या टाइम्स)/ त्रिवि विरुद्ध आन्दोलन याना वयाच्वंगु नेवाः स्वायत्त राज्य मंकाः परिषद किपूपाखें आः माःगु कथं तयारी यानाः अझ सशक्त आन्दोलन यायेगु नितिं वइगु मंगलवाः तयारी भेला याइगु जूगु दु। किपुलिइ क्रियाशिल जुयाच्वंगु राजनीतिक दलत नापं दुथ्याकाः सर्वपक्षिय समिति दयेकाः त्रिवियात लःल्हानातःगु थःपिनिगु माग पूवंके बीगु नितिं हे परिषदं आन्दोलन याना वयाच्वंगु खः। आः वइगु मंगलवाः किपुलिइ क्रियाशिल जुयाच्वंगु राजनीतिक दल, खलः पुचः नापं थीथी ख्यःया मनूतय्गु तःधंगु भेला यानाः आन्दोलनयात न्हूकथं न्ह्याका यंकेगु तयारी जुयाच्वंगु नेवाः स्वायत्त राज्य मंकाः परिषद् किपूपाखें धाःगु दु ।

http://www.nepalmandal.com/content/11628.html