ब्लग > नेवाः देय् दबू गतिविधि

विराट नेवाः महोत्सव

Tue Jan 18, 2011 6:36 am NST
झी पुचः विराटनगरया ग्वसालय् विराटनगरय् विराट नेवाः महोत्सव जुल । महोत्सवया उपप्रधानमन्त्री विजयकुमार गच्छेदारं उलेज्या यानादीगु खः । झी पुचः विराटनगरया नायः राजन श्रेष्ठया सभापतित्वय् जूगु उगु महोत्सव उलेज्या समारोहलय् ...[पूवंक]

झापाय् बाखँ मुँज्या
Tue Jan 18, 2011 6:36 am NST
नेवाः देय् दबू झापा जिल्ला समितिया ग्वसालय् झापाय् बाखं मुँज्या जुल । झापा जिल्लाया प्रमुख जिल्ला अधिकारी शशीशेखर श्रेष्ठया मूपाहांसुइ जूगु उगु ज्याझ्वलय् नेवाः देय् दबूया नायः नरेश ताम्रकार, नेवाः ... [पूवंक]

धरानय् सिद्धि नेवाः परिषदया तःमुँज्या
Tue Jan 18, 2011 6:35 am NST
सिद्धि नेवाः परिषदया झिंखुक्वःगु तःमुँज्या धरानय् क्वचाल । तःमुँज्या उलेज्या नेवाः देय् दबूया संरक्षक लक्ष्मण राजवंशीं यानादीगु खः । सरला कायस्थया सभापतित्वय् जूगु उगु तःमुँज्यां सरला कायस्थया हे नायसुइ न्हूगु ... [पूवंक]

धनकुटाय् सहलह मुँज्या
Tue Jan 18, 2011 6:35 am NST
नेवाः देय् दबू धनकुटा व नेवाः पुचः धनकुटाया मंकाः ग्वसालय् धनकुटाय् स्थानीय नेवाः संघ संस्थात नापं नेवाः देय् दबूया सहलह मुँज्या जुल । नेवाः देय् दबूया केन्द्रीय उपाध्यक्ष नवीणकिशोर शाक्यया ... [पूवंक]

इटहरीइ सहलह मुँज्या
Tue Jan 18, 2011 6:32 am NST
नेवाः पुचः इटहरीया ग्वसालय् नेवाः देय् दबूया पदाधिकारी व स्थानीय नेवाः संघ संस्थातय् दथुइ सहलह मुँज्या जुल । नेवाः पुचः इटहरिया नायः चित्रमान श्रेष्ठया सभापतित्वय् जूगु उगु सहलह मुँज्याय् मूपाहां ... [पूवंक]

उर्लाबारीइ न्हू पुचः नाप सहलह मुँज्या
Tue Jan 18, 2011 6:32 am NST
नेवाः देय् दबूया नायः नरेश ताम्रकारं उलाबारीया न्हू पुचः नाप सहलह यानादिल । न्हू पुचःया नायः चन्द्रबहादुर श्रेष्ठया सभापतित्वय् जूगु उगु सहलह मुँज्याय् नेवाः देय् दबूया संरक्षक लक्ष्मण राजवंशी, नेवाः ... [पूवंक]

विराट चोकय् प्रशिक्षण ज्याझ्वः
Tue Jan 18, 2011 6:31 am NST
नेवाः देय् दबू मोरङ जिल्ला समितिया नायः देवेन्द्र श्रेष्ठया सभापतित्वय् मोरङ जिल्ला न्यंकंया नेवाः संस्थातय् प्रतिनिधिपिंत संगठन सुदृढिकरण विषयय् प्रशिक्षण ज्याझ्वः जुल । उगु ज्याझ्वलय् नेवाः देय् दबूया नायः नरेश ... [पूवंक]

उदयपुरय् नेवाः नसा त्वंसा स्यनेज्या
Tue Jan 18, 2011 6:29 am NST
नेवाः देय् दबू उदयपुर जिल्ला समिति व नेवाः पुचः उदयपुरया मंकाः ग्वसालय् उदयपुरय् नसा न्वंसा ब्वज्या व स्यनेज्या जुल । मध्यपुर कला परिषदपाखें भाजु राम प्रजापति व मय्जुपिसं उगु तालिम ... [पूवंक]

http://www.nepalmandal.com/cat/73/1.html

थनिंनिसें 'विराट नेवाः महोत्सव'

GYAN

POSTED ON FRI JAN 7, 2011 9:14 PM NST

Share6

झी पुचः, विराटनगरया ग्वसालय् थनिंनिसें 'विराट नेवाः महोत्सव' याःगु दु । स्थानीय होटल नमस्कारय् याःगु महोत्सव स्वन्हु तक न्ह्याइगु खः ।

उपप्रधानमन्त्री माननीय विजयकुमार गच्छेदारं थौं उगु महोत्सवया उलेज्या यानादीगु खः । नेवाः भाय् विश्वय् हे उत्कृष्ट भाय् मध्ये छगू खः धयादिसें उपप्रधानमन्त्री गच्छेदारं नेवाःतय्सं हे थ्व भाय् मल्हाना हःगु खँय् दुःख प्वंकादिल । नेवाः भाय् व तजिलजि म्वाका: तयेमाःगु खँय् बः वियादिसें थुगु महोत्सव सुथांलायेमा धकाः कामना यानादिल । झी पुचः विराटनगरया नायः राजन श्रेष्ठया सभापतित्वय् जूगु उलेज्या ज्याझ्वलय् आपालं मनूतय्गु ब्वति दुगु खः ।

महोत्वस ताःलाकेत येँय् नं ३० म्हेसिया छगू टोलि म्हीग हे उखे वंगु खः । आःखाःछेँया प्रमुख भाजु गणेशराम लाछिजुया नेतृत्वय् वंगु उगु टोलिं अन नेवाः तजिलजिया जीवन्त झाँकित न्ह्यब्वइगु खः ।

नेवाः नसाः स्टल, साँस्कृतिक ज्याझ्वःलिसें कंस न्यासः मनूतय्त नेवाः भ्वय् नं नकीगु ज्याझ्वः दुगु खँ भाजु गणेशराम लाछिजुं नेपालमण्डल डटकमयात कनादिल ।

http://www.nepalmandal.com/content/12004.html

विराटनगरय् नेवाः महोत्सव

POSTED ON FRI JAN 7, 2011 11:24 PM NST

Share

येँ (सन्ध्या टाइम्स)/स्थानीय झी पुचःया ग्वसालय् विराटनगरय् निक्वःगु नेवाः महोत्वस थनिंनिसें न्ह्यात। होटल नमस्कारया ख्यलय् स्वन्हु तक जुइगु थुगु महोत्सवय् नेवाः प्याखं, नसात्वँसा, ज्याया ब्वज्या व नेवाः भ्वय् नं याइगु ग्वसाः दु। थुपिं ज्याया लागिं थिमिया आखाछेँपाखें गणेशराम लाछिया नेतृत्वय् ३० म्हेसिया छगू पुचः वंगु दु। महोत्सवया उलेज्या उपप्रम विजय गच्छदारं यानादी ।

http://www.nepalmandal.com/content/12015.html

बाखं दबूया गोष्ठी झापाय्

POSTED ON FRI JAN 7, 2011 11:52 AM NST

Share

येँ (झीगु स्वनिगः)

नेपालभाषाया बाखं साहित्य चकंका यंकेगु नापं धुकू जायेकेगु नितिं नेपालभाषाया बाखं दबूपाखें न्ह्याकाच्वंगु अभियानया झ्वलय् थुगुसी झापाय् बाखं च्वमित वंगु दु । स्वनिगलं पिने न्याक्वःखुसि कथं अथे झापाय् वनाः बाखं साहित्यिक ज्याझ्वः यायेगु नितिं येँया बाखं च्वमिपिं म्हिगः विहिवाः उखेपाखे वंगु खः । झापाय् जुइगु मू ज्याझ्वः कथं बाखं गोष्ठी याइसा अथे हे थुगु वाःया दुने इमिसं धरान, धनकुटा, इतहरी, विराटनगर, सुनसरी नं बाखं गोष्ठी यानाः येँय् लिहां वइ धाःगु दु । अन बाखं गाष्ठी यायेगु नितिं २० म्ह बाखं च्वमिपिं उखेपाखे वंगु खःसा इपिं थीथी थासय् बाखं गोष्ठी यायां वनीगु जूगु दु ।

थुगुसीया उगु ज्याझ्वःया कजि बाखं च्वमि सरद कसाः खःसा ज्याझ्वलय् वरिष्ठ बाखं च्वमिपिं लक्ष्मण राजवंशी, नर्मदेश्वर प्रधान नापं मेमेपिं दुथ्याःगु दु । नेपालभाषा बाखं दबूपाखें लगातार रुपं स्वनिगलंपिने थाय् थासय् वनाः बाखं गोष्ठी यानाः वयाच्वंगु खःसा आः तकया दुने स्वनिगलंपिने हेटौडा, पोखरा व लुम्विनिइ याये धुंकूगु दु ।

http://www.nepalmandal.com/content/11994.html

बाखं दबूया ज्याझ्वः

POSTED ON WED JAN 12, 2011 1:13 PM NST

Share

धनकुटा/अमीर रञ्जित

बाखं दबूया नायः लक्ष्मण राजवंशीया मूपाहांसुइ म्हीग धनकुटाया नेवाः पुचःया ग्वसालय् बाखं दबूया बारे छगू सहलह ज्याझ्वः याःगु दु । पाहांकथं देय् दबूया नायः नरेश ताम्रकार, दिपक शाक्य लगायत व्यक्तिपिं झायादीगु खः । 

उगु ज्याझ्वलय् बाखं दबूया उद्देश्ययात कयाः शरद कसाः नं ध्वाथुइकादीगु खःसा शौरभ शाक्य, श्याम आशा, अमीर मैंया रञ्जित, भगतदास श्रेष्ठ व बदि्र वेदनापिंसं बाखं न्यंकादीगु खः । अथेहे सांस्कृतिक पुचःपाखें म्ये, हुलाप्याखं आदि न्ह्यब्वःगु खः । बाखं दबूया पुचः म्हिगः इटहरी थ्यंकाः अन बाखं न्यंके ल्यंदनिपिं अमिक शाक्य व हरिकृष्ण डंगोलपिंसं बाखं न्यंकादीगु खः । मूपाहां लक्ष्मण राजवंशी जुयादीगु उगु ज्याझ्वलय् अनया नेवाः पुचलं राजवंशीयात हंगु खः ।

http://www.nepalmandal.com/content/12121.html

विराटनगरय् नेवाः महोत्सबया तयारी

DIPU

POSTED ON TUE JAN 4, 2011 6:34 PM NST

Share

विराटनगरय् पुस २३ गतेनिसें न्हृयाइगु नेवाः महोत्सबया तयारी लिपांगु चरणय् थ्यंगु ग्वसाः खलः झी पुचलं जानकारी ब्यूगु दु । विराटनगरय् निक्वःगु खुसिइ जुइत्यंगु महोत्सबय् नेवाः जातिया म्हसीकायात न्ह्यःब्वयेगु नितिं थीथी नीखुगू स्टलत तइगु झी पुचः विराटनगरया नायः राजन श्रेष्ठं जानकारी बियादीगु दु ।

विराटनगर ट्राफिक चोकसं च्वंगु होटल नमस्कारया ल्यूने जुइगु महोत्सबय् नीगू नसा लिसे खाद्यबस्तुया स्टकल व चाया बसाःज्वलं, गुन्द्री, लासा लगायतया खुगू उत्पादनमुलक ज्वलंया स्टल दइगु ग्वसाः खलकं जानकारी ब्यूगु दु । पुस २५ गतेतक्क न्ह्याइगु महोत्सबय् निसः दँ पुलांगु नेपाःया मौलिक बाजात नं प्रदर्शनय् तइगु जूगु दु ।

थःगु जातिया म्हसीकायात ल्यंकाः तयेगुया लिसलिसे युवातय्त उकियाबारे सचेत यायेगु नितिं महोत्सब ग्वसाः ग्वयेत्यनागु नायः श्रेष्ठं धयादीगु दु । महोत्सबय् तयातःगु बस्तुत गुणस्तरीय जुइगुया लिसलिसे दंक भावं गाहाकिपिंसं न्यायेफइगु ग्वसाः खलकं जानकारी ब्यूगु दु । महोत्सबं पर्यटन दँ २०११ यात नापं ग्वाहालि याइगु झी पुचःया छ्याञ्जे भविषकुमार श्रेष्ठं जानकारी बियादीगु दु ।

http://www.nepalmandal.com/content/11907.html

विराटनगरय् नेवाः महोत्सब यायेगु तयारी

POSTED ON WED JAN 5, 2011 11:54 AM NST

Share

विराटनगर (झीगु स्वनिगः)

विराटनगरय् पुस २३ गतेनिसें न्ह्याइगु नेवाः महोत्सबया तयारी लिपांगु चरणय् थ्यंगु ग्वसाः खलः झी पुचलं जानकारी ब्यूगु दु । विराटनगरय् निक्वःगु खुसिइ जुइत्यंगु महोत्सबय् नेवाः जातिया म्हसीकायात न्ह्यःब्वयेगु नितिं थीथी नीखुगू स्टलत तइगु झी पुचः विराटनगरया नायः राजन श्रेष्ठं जानकारी बियादीगु दु ।

विराटनगर ट्राफिक चोकसं च्वंगु होटल नमस्कारया ल्यूने जुइगु महोत्सबय् नीगू नसा लिसे खाद्यबस्तुया स्टकल व चाया बसाःज्वलं, गुन्द्री, लासा लगायतया खुगू उत्पादनमुलक ज्वलंया स्टल दइगु ग्वसाः खलकं जानकारी ब्यूगु दु । पुस २५ गतेतक्क न्ह्याइगु महोत्सबय् निसः दँ पुलांगु नेपाःया मौलिक बाजात नं प्रदर्शनय् तइगु जूगु दु । थःगु जातिया म्हसीकायात ल्यंकाः तयेगुया लिसलिसे युवातय्त उकियाबारे सचेत यायेगु नितिं महोत्सब ग्वसाः ग्वयेत्यनागु नायः श्रेष्ठं धयादीगु दु । महोत्सबय् तयातःगु बस्तुत गुणस्तरीय जुइगुया लिसलिसे दंक भावं गाहाकिपिंसं न्यायेफइगु ग्वसाः खलकं जानकारी ब्यूगु दु । महोत्सबं पर्यटन दँ २०११ यात नापं ग्वाहालि याइगु झी पुचःया छ्याञ्जे भविषकुमार श्रेष्ठं जानकारी बियादीगु दु ।

http://www.nepalmandal.com/content/11934.html

अधिकारया नितिं नेवाःतय्सं आन्दोलन यायेमाः -हिसिला यमि

POSTED ON FRI DEC 31, 2010 11:53 AM NST

Share

येँ (झीगु स्वनिगः)

एकीकृत माओवादी पोलिटव्यूरो दुजः हिसिला यमिं समग्र अधिकारया नितिं सदन व सतकपाखें आन्दोलित जुइत नेवाःतय्त इनाप यानादीगु दु । नेवाः मुक्ति मोर्चा नगर समन्वय समिति व जिल्ला कमिटी मोरङपाखें मंकाः कथं विराटनगरय् म्हिगः ग्वसाः ग्वःगु भिंतुना कालबिल ज्याभवलय् नेता यमिं उगु खँ धयादीगु खः । वय्कलं समग्र अधिकार प्राप्त मजूगुलिं हे सदियौंनिसें सम्पन्न व्यापारी जुयाः नं नेवाःत उद्योगय् रुपान्तरण जुइमफूगु धयादीगु खः । नेवाः भाय् व संस्कृति ल्यंकेत निकट भविश्यय् हे नेवाः भाय्या ब्वनेकुथि चायेकेत्यंगु धयादिसें नेता यमिं नेवाःतय्त राजनीतिया मूधारय् हयेत एकीकृत नेकपा माओवादी प्रतिबद्ध दुगुलिइ बहः बियादीगु दु ।

अथेहे एकीकृत नेकपा माओबादीया पोलिटब्यूरो दुजः हितमान शाक्यं पूँजीया विकास मजूतले राष्ट्रं गति कायेमफइगु धयादीगु दु । ईच्छुमति बचत लिसे ऋण सहकारी संस्थाया निक्वःगु दँमुज्या म्हिगः येँया टुकुचाय् उलेज्या यानादिसें वय्कलं मंकाःकथं ज्या यायेगु प्रवृतिं देय्यात प्रगतिया दिशापाखे यंकीगु बिचाः प्वंकादीगु खः ।

http://www.nepalmandal.com/content/11781.html