POSTED ON THU DEC 2, 2010 1:42 PM NST
येँ (झीगु स्वनिगः)
नेवाः राष्ट्रिय राजनीतिक सम्मेलनय् ख्वपया कुमारीं नेवाः स्वायत्त राज्य मंकाः संघर्ष समितिया झिगू घटकया प्रतिनिधिपित नेवाः ध्वाँय् लःल्हानाः लसकुस याइगु जूगु दु । थ्व हे झ्वलय् संघर्ष समिति शुक्रवाः १७ गते व १८ गते निन्हुयंकं नेवाः राष्ट्रिय राजनीतिक सम्मेलन यायेगु विषययात कयाः म्हिगः बुधवाः छगू पत्रकार सम्मेलन यात । उगु पत्रकार सम्मेलनय् मंकाः संघर्ष समितिया नायः नरेन्द्र भक्त हाडा सभापति जुयादीगु खः । उद्घोषक नरेशवीर शाक्य जुयादीगु उगु ज्याझ्वलय् नेवाः स्वायत्त राज्य मंकाः संघर्ष समितिया दुजःपि न्वंवापि सभासद दिलिप महर्जन सभासद् तिर्थराम डंगोल व दिलबहादुर श्रेष्ठं नेवाः राष्ट्रिय राजनीतिक सम्मेलनया महत्वयात कयाः बिचाः प्वंकादीगु खः । नेवाः स्वायत्त राज्य प्राप्तिया निति संघर्षया रुपय् हे नेवाः राष्ट्रिय राजनीतिक सम्मेलन यायेत्यनागु जानकारी बियादिल । उगु सम्मेलनय् ब्वति कायेत नेवाःतय्त इनाप नापं संचार ख्यलं ग्वाहालि यायेत इनाप यानादीगु खः ।
नेवाः राष्ट्रिय राजनीतिक सम्मेलनय् ख्वपया कुमारीं नेवाः स्वायत्त राज्य मंकाः संघर्ष समितिया झिगू घटकया प्रतिनिधिपित नेवाः ध्वाँय् लःल्हानाः लसकुस याइगु जूगु दु । थ्व हे झ्वलय् संघर्ष समिति शुक्रवाः १७ गते व १८ गते निन्हुयंकं नेवाः राष्ट्रिय राजनीतिक सम्मेलन यायेगु विषययात कयाः म्हिगः बुधवाः छगू पत्रकार सम्मेलन यात । उगु पत्रकार सम्मेलनय् मंकाः संघर्ष समितिया नायः नरेन्द्र भक्त हाडा सभापति जुयादीगु खः । उद्घोषक नरेशवीर शाक्य जुयादीगु उगु ज्याझ्वलय् नेवाः स्वायत्त राज्य मंकाः संघर्ष समितिया दुजःपि न्वंवापि सभासद दिलिप महर्जन सभासद् तिर्थराम डंगोल व दिलबहादुर श्रेष्ठं नेवाः राष्ट्रिय राजनीतिक सम्मेलनया महत्वयात कयाः बिचाः प्वंकादीगु खः । नेवाः स्वायत्त राज्य प्राप्तिया निति संघर्षया रुपय् हे नेवाः राष्ट्रिय राजनीतिक सम्मेलन यायेत्यनागु जानकारी बियादिल । उगु सम्मेलनय् ब्वति कायेत नेवाःतय्त इनाप नापं संचार ख्यलं ग्वाहालि यायेत इनाप यानादीगु खः ।
http://www.nepalmandal.com/content/11238.html
कछलागा: १३ व १४य् नेवाः राजनीतिक सम्मेलन
POSTED ON WED DEC 1, 2010 10:21 PM NST
नेवाः स्वायत्त राज्य मंकाः संघर्ष समितिं थ्वहे वइगु कछलागा १३ व १४ (मंसिर १७ व १८ गते) थिमिइ नेवाः राष्ट्रिय राजनीतिक सम्मेलन याइगु जूगु दु ।
संघर्ष समितिं थौं येँय् छगू पत्रकार सम्मेलन यानाः राजनीतिक सम्मलेन बारे जानकारी ब्यूगु खः । निन्हु तक जुइगु सम्मेलनय् देय्या न्यय्गू स्वयां अप्व जिल्लाया ५०० स्वयां अप्व प्रतिनिधितय्सं ब्वति काइगु जानकारी ग्वसाः खलकं ब्यूगु दु ।
पत्रकार सम्मेलनय् संघर्ष समितिया नायः नरेन्द्रभक्त हाडां नेवाः राज्यया सिमाना, नेवाः राज्य दुनेया न्यायिक, प्रशासनिक व्यवस्थाया नापं नेवाः राज्य दुने मेमेगू जातिया हक अधिकार, नेवाः राज्य पिने लाःपिं नेवाःतय् अधिकार आदिया बारे मंकाः बिचाः निर्धारण यायेगु ताः तयाः सम्मेलन यायेत्यंगु जानकारी बियादिल ।
न्हापांगु न्हि ख्वप लाय्कुलि सांस्कृतिक जुलुस सहित उलेज्या ज्याझ्वः जुइगु व वयां लिपाः उगु हे न्हि कुन्हु न्हिय् थिमिया बोडे स्थित कृषि विकास बैंकया प्रशिक्षण केन्द्रय् थीथी झिंनिगू पुचः ब्वःथला बन्द सत्र न्ह्याइ । वयां लिपा कन्हय् कुन्हु सहलह पाखें निष्कर्ष पिकयाः छगू तःजिगू घोषणा सभा यानाः सम्मेलनया निष्कर्ष सार्वजनिक याइगु ज्याझ्वः दु ।
पत्रकार सम्मेलनय् एनेकपा (माओवादी)या सभासद् दिलिप महर्जनं नेवाः राज्य नापं संघीय व्यवस्था नेपाःयात एकताबद्ध यानाः यंकेगु निंतिं आवश्यक जूगु धयादिल । अथेहे नेपाली कांग्रेसया सभासद् तिर्थराम डंगोलं थःगु पहिचान सहितया अधिकारया निंतिं नेवाः राज्य आवश्यक जूगु धासें थुकीं सुयां नं अधिकार हनन् मजुइगु बिचाः प्वंकादिल ।
नेवाः स्वायत्त राज्य मंकाः संघर्ष समितिं थ्वहे वइगु कछलागा १३ व १४ (मंसिर १७ व १८ गते) थिमिइ नेवाः राष्ट्रिय राजनीतिक सम्मेलन याइगु जूगु दु ।संघर्ष समितिं थौं येँय् छगू पत्रकार सम्मेलन यानाः राजनीतिक सम्मलेन बारे जानकारी ब्यूगु खः । निन्हु तक जुइगु सम्मेलनय् देय्या न्यय्गू स्वयां अप्व जिल्लाया ५०० स्वयां अप्व प्रतिनिधितय्सं ब्वति काइगु जानकारी ग्वसाः खलकं ब्यूगु दु ।
पत्रकार सम्मेलनय् संघर्ष समितिया नायः नरेन्द्रभक्त हाडां नेवाः राज्यया सिमाना, नेवाः राज्य दुनेया न्यायिक, प्रशासनिक व्यवस्थाया नापं नेवाः राज्य दुने मेमेगू जातिया हक अधिकार, नेवाः राज्य पिने लाःपिं नेवाःतय् अधिकार आदिया बारे मंकाः बिचाः निर्धारण यायेगु ताः तयाः सम्मेलन यायेत्यंगु जानकारी बियादिल ।
न्हापांगु न्हि ख्वप लाय्कुलि सांस्कृतिक जुलुस सहित उलेज्या ज्याझ्वः जुइगु व वयां लिपाः उगु हे न्हि कुन्हु न्हिय् थिमिया बोडे स्थित कृषि विकास बैंकया प्रशिक्षण केन्द्रय् थीथी झिंनिगू पुचः ब्वःथला बन्द सत्र न्ह्याइ । वयां लिपा कन्हय् कुन्हु सहलह पाखें निष्कर्ष पिकयाः छगू तःजिगू घोषणा सभा यानाः सम्मेलनया निष्कर्ष सार्वजनिक याइगु ज्याझ्वः दु ।
पत्रकार सम्मेलनय् एनेकपा (माओवादी)या सभासद् दिलिप महर्जनं नेवाः राज्य नापं संघीय व्यवस्था नेपाःयात एकताबद्ध यानाः यंकेगु निंतिं आवश्यक जूगु धयादिल । अथेहे नेपाली कांग्रेसया सभासद् तिर्थराम डंगोलं थःगु पहिचान सहितया अधिकारया निंतिं नेवाः राज्य आवश्यक जूगु धासें थुकीं सुयां नं अधिकार हनन् मजुइगु बिचाः प्वंकादिल ।
