येँ (सन्ध्या टाइम्स)/थगुनेनिसें बीगु शुरु याःगु आदिवासी जनजाति मातृभाषीया राष्ट्रिय चलचित्र सिरपाः समारोहय् निगू नेवाः फिल्मं खुगू एवार्ड त्याकेत ताःलाःगु दु। वि.सं. २०६५ स २०६६ या उगु सिरपाः मध्ये नेपालभाषाया 'पटाचारा' व 'बांलाः मय्जुं' उत्कृष्ट फिल्मया एवार्ड त्याकूगु खः। लिसें 'पटाचारां' उत्कृष्ट निर्देशक (रामकृष्ण खड्गी) व उत्कृष्ट अभिनेत्री (मेलिना मानन्धर) या सिरपाः नं त्याकूगु दु। अथे हे 'बांलाः मय्जुं' नं उत्कृष्ट निर्देशक (पवन जोशी) व उत्कृष्ट अभिनेत्री (मेलिना मानन्धर) सिरपाः त्याकूगु दु। थुगुसीया फिल्म अवार्डय् थ्वहे निगू नेवाः फिल्म दुथ्याःगु खः। न्यागुली स्वंगू स्वंगू अवार्ड नेवाः फिल्मं त्याकूगु खःसा मेगु निगू निगू एवार्ड तामांग व थारू भाय्या फिल्मं त्याकल। मेलिना मानन्धरं आः तक म्हितूगु नेवाः फिल्म थ्वहे निगू खःसा निगुलीसं वय्कलं सिरपाः त्याकल ।
देशय् गणतन्त्र पलिस्था जुइधुंकाः आदिवासी जनजातिया फिल्मयात नं न्हापांखुसी बिउगु एवार्डय् नेवाः फिल्मं मुक्कं झिगुली खुगू एवार्ड त्याकेत ताःगुलिं नेवाः जागरण संकिपा मञ्चं लसता प्वंकूगु दु। मञ्चया कजि विजयरत्न असंबरें आदिवासी जनजातिया फिल्मयात नं राष्ट्रिय अवार्डय् दुथ्याकूगुलिं नेपाल सरकारयात सुभाय् बियादिल ।
देशय् गणतन्त्र पलिस्था जुइधुंकाः आदिवासी जनजातिया फिल्मयात नं न्हापांखुसी बिउगु एवार्डय् नेवाः फिल्मं मुक्कं झिगुली खुगू एवार्ड त्याकेत ताःगुलिं नेवाः जागरण संकिपा मञ्चं लसता प्वंकूगु दु। मञ्चया कजि विजयरत्न असंबरें आदिवासी जनजातिया फिल्मयात नं राष्ट्रिय अवार्डय् दुथ्याकूगुलिं नेपाल सरकारयात सुभाय् बियादिल ।
No comments:
Post a Comment