येँ (सन्ध्या टाइम्स)/थुगुसी यंयाःया यःसिं थनेगु लागिं सिमा पालेत थौं सुथय् साइत स्वयाः मानन्धरतय् छगू पुचः नालापाखे वन। केन्द्रीय मानन्धर संघया संयोजनय् वंगु उगु पुचलं नालाया यःसिं ख्यलय् थौं बहनीसिया ९.२१ बजे सिमा पालेगु शुरु याइ। अनं पुजा यानाः उगु यःसिं भाद्र ३० गते बुधवाः येँय् दुत। थुगुसी द्वादशि (आश्विन ४ गते) कुन्हु सुथय् ९.२५ गते यःसिं थनेगु साइत दुगु खँ केन्द्रीय मानन्धर संघं धाःगु दु। आश्विन ११ गते बहनी ८.५७ बजे यःसिं क्वःथइ ।
No comments:
Post a Comment