समावेशी ज्याझ्वःया नितिं संघर्ष याइगु

http://www.nepalmandal.com/content/8764.html
Posted on Fri Jun 25, 2010 5:58 pm NST

येँ (सन्ध्या टाइम्स)/नेपाल टेलिभिजनय् नेपाःया आदिवासी जनजातिनापं थीथी भाषाया समावेशी ज्याझ्वः लिकाःगु विरुद्ध संघर्ष यायेगु नितिं नेपाल टेलिभिजन समावेशी कार्यक्रम संजाल नीस्वंगु दु ।



निदँ न्ह्यवंनिसें सनिलय् ४:२० बजे प्रशारण जुइ कथं संचालन जुयाच्वंगु थीथी भाषाया खुगू ज्याझ्वः नाप स्वापू दुपिं खुम्ह हे प्रतिनिधित दुथ्याकाः म्हिगः छगू भेला यासें उगु संजाल नीस्वंगु खः। टेलिभिजनया समावेशी ज्याझ्वः लिकाये दइमखु बरु मेमेगु मांभाय्या नं ज्याझ्वः तया यंकेमाः धइगु मू माग यासें आन्दोलन यायेत नेपाल टेलिभिजन समावेशी कार्यक्रम संजाल नीस्वंगु खः ।



संजालया कजि श्रीकृष्ण ज्यापु (नेपालभाषा, नेवाः दबू), दुजः कथं लोकनाथ वर्मा (अवधभाषा, यर्थात), अद्दुर सलाम (उर्दुभाषा, बज्मे उर्दु), सागर सुब्बा (लिम्बूभाषा, तुम्दाङ), सुवोध सिंह थारु (थारुभाषा, हमार आवाज) व भोजप्रसाद यादव (भोजपुरी भाषा, भोजपुरी आवाज) च्वनादीगु दु।

नेपाल टेलिभिजनं समावेशी ज्याझ्वः प्रशारण यायेगु जुइ मखुत धकाः आधिकारिक रुपं खुगुलिं हे भाषाया ज्याझ्वःयात पौ बीवं उगु याझ्वः गुगं नं हालतय् लिकायेके मबीगु नितिं संघर्ष यायेत थ्व संजाल दयेकूगु खः। संजालं संघीय गणतान्त्रिक नेपालया भावनाया अःखः ब्रम्हूवादी मनूतय्सं समावेशी ज्याझ्वः लिकाःगु विरुद्ध सरोकारवाला सकलसिनं सः तयेत फुक्क आदिवासी जनजाति, भाषाभाषी नापं राजनीतिक दलया नेतातय्त नं इनाप याःगु दु ।