राज्य पुनःसंरचना समितिइ २३ गू क्षेत्र सुचिकृत

GYAN

POSTED ON SUN JAN 23, 2011 9:30 PM NST

Share3

नेपाल कन्ष्टिच्यूशन फेडेरेशनया ग्वसालय् म्हीग छगू ज्याझ्वःयासें संविधान सभाय् राज्य पुनःसंरचना समितिइ पेश यानातःगु प्रतिवेदनय् स्वायत्त क्षेत्र, विशेष क्षेत्र व संरक्षित क्षेत्र याना २३ गू क्षेत्र सुचिकृत यानातःगु खँय् सहलह जुल । सहलह ज्याझ्वलय् मा. रामबहादुर थापा मगरं छगू कार्यपत्र नं न्ह्यब्वयादीगु खः ।

कार्यपत्रय् सभासद् मंगलसिद्धि मानन्धर, अधिवक्ता सुरेन्द्र महत्तो, प्रा. लोकराज बरालं टिप्पणी यानादीगु खः । ज्याझ्वलय् ब्वति कासें नेवाः देय् दबूया नायः नरेश ताम्राकारं स्वायत्त क्षेत्र, विशेष क्षेत्र व संरक्षित क्षेत्र धइगु मूल त आदिवासीतय्गु पहिचान जूगुलिं थुकि आदिवासीया प्रतिनिधि व पहुँच दुथ्याकेमाःगु खँय् विशेष जोड बियादीगु खः ।

http://www.nepalmandal.com/content/12415.html

हानं मेगु हे राज्य पुनर्संरचना?

POSTED ON MON DEC 20, 2010 8:36 PM NST

Share

येँ (सन्ध्या टाइम्स)/संविधानसभाया राज्य पुनःसंरचना नापं राज्य शक्ति बाँडफाँट समितिं पहिचान व सामर्थ्यया आधारय् राज्य पुनःसंरचना यायेमाः धकाः १४ प्रदेशया अवधारणा सहित थःगु प्रतिवेदन तकं लःल्हायेधुंकाः आः वहे अवधारणायात कयाः बुद्धिजीवीतय् बिचाः कायेगु ज्या न्ह्याकूगु दु ।

थ्व झ्वलय् थौं सुथय् राज्य पुनःसंरचना तथा राज्य शक्ति बाँडफाँट समितिं सिंहदरवारय् थ्व सम्बन्धी बुद्धिजीवीतय् छगू अन्तर्क्रिया याःगु दु ।

उगु अन्तर्क्रिया ज्याझ्वलय् वरिष्ठ अधिवक्ता विश्वकान्त मैनालीं तप्यंक हे जातीय आधारय् राज्य पुनःसंरचना यायेमजिउ धयादीगु खः। अथे हे मेम्ह पाहां डा. पिताम्बर शर्मां नं चाःहीकाः मुक्कं जातीय आधारय् जक राज्य पुनः संरचना याये मजिउ धासें स्वनिगःयात राजधानी प्रदेश दयेकेगु सुझाव बियादीगु खः ।

अथे हे प्राध्यापक कृष्ण खनालं प्रदेशय् मूल रुपं अधिकार दयेमाः धकाः थःगु बिचाः तयादीगु खः। ज्याझ्वलय् नेपाल आदिवासी जनजाति महासंघया पुलांम्ह महासचिव डा. ओम गुरुङं जातीय पहिचानया आधारय् प्रदेशत दयेकेमाःगु खँय् बः बियादीगु दु। अथे हे जनजाति नेता कुमार योञ्जन तामाङं नं अग्राधिकार सहति जातीय आधारय् हे प्रदेशत दयेकेमाः धकाः बिचाः तयादीगु खः ।

राज्य पुनःसंरचना समितिं जातीय आधारय् राज्यया पुनः संरचना यायेगु झ्वलय् नेवाः, ताम्सालिङ, मगरात, लिम्बुवान लगायत झिंप्यंगू प्रदेशत दयेकेमाःगु नापं प्रदेशया मू जातितय्त अग्राधिकार दयेमाः धकाः प्रतिवेदन हे तयार यानाः संविधानसभायात लःल्हायेवं जातीय आधारय् राज्य पुनःसंरचना यायेमजिउ धाइपिनिगु चलखेल अप्वया वःगु खः। समितिपाखें अज्याःगु प्रतिवेदन वनेवं सी दयेक हे संविधानसभाया बैठक तकं बांलाक मजूगु खःसा लिपांगु इलय् वयाः राज्य पुनःसंरचनाया निंतिं आयोग दयेकाः ज्या यायेगु धकाः मेगु माग याना हःगु खः।थज्याःगु अवस्थाय् आः वयाः राज्य पुनः संरचना समितिं हानं बुद्धिजीवीतलिसे सहलह याना हःगुलिं थ्व गनं न्हापा थःपिंसं हे बीधुंकूगु प्रतिवेदनयात उल्टे यायेगु ग्वसाः जकं मखु ला धकाः थन शंका याना हःगु दु ।

http://www.nepalmandal.com/content/11508.html

Newa conference concludes making five-point declaration

Added At:  2010-12-05 1:15 PM

   Last Updated At: 2010-12-05 1:15 PM

• 
• 
• 
• 
• 
• 

RSS

BHAKTAPUR: The two-day Newa national political conference organised by Newa Autonomous State Manka struggle committee concluded here on Saturday with a five-point declaration.

According to spokesperson of the committee, Naresh Bir, around 500 representatives from around 70 districts participated in the conference that stressed for completing the constitution within the slated time, expanding the area of proposed Newa state including others.

The conference has demanded to establish Newa state with right to self-determination and give first priority to Newar community in every sector in the Newa autonomous state.

http://www.thehimalayantimes.com/fullNews.php?headline=Newa+conference+concludes+making+five-point+declaration&NewsID=268326

प्यंगू बुँदे 'बोडे घोषणापत्र' जारी यासें सम्मेलन क्वचाल

NEWANUGA

POSTED ON SAT DEC 4, 2010 9:20 PM NST

Share9

नेवाः स्वायत्त राज्य मंकाः संघर्ष समितिया ग्वसालय् ख्वपया मध्यपुर थिमि नगरपालिकाया बोडेय् जूगु निन्हुयंया नेवाः राष्ट्रिय राजनीतिक सम्मेलन प्यंगू बुँदे घोषणापत्र जारी यासें क्वचाःगु दु ।

सम्मेलनं स्वायत्तता व स्वशासनया मान्यता कथं आत्मनिर्णयया अधिकार व आदिवासी अग्राधिकार सहितया नेवाः राज्यया सुनिश्चितताया लिसेलिसें न्हूगु संविधान इलय् हे च्वयेमाःगु खँय् बः ब्यूगु दु । 

अथेहे संविधानसभाया राज्य पुनर्स‌रचना समितिं प्रस्तावित याःगु नेवाः प्रदेशया लागा चीकूगु धासें सम्भाब्यताया लिधंसाय् अझ तःकू व तब्या यायेमाःगु प्रस्तावित नेवाः राज्यया पिने च्वंपिं नेवाःतय्गु हकहित व अधिकारया नापं नेवाः राज्यय् समानुपातिक प्रतिनिधित्व सुनिश्चित जुइमाःगु, नेवा: राज्य पिनेया नेवा:त च्वनाच्वंगु लागाय् बाहुल्यताया लिधंसाय् स्वायत्त क्षेत्रया अधिकार सुनिश्चित नापं गैर नेवाः राज्य दुने नेवाःतय्त समानुपातिक प्रतिनिधित्व सुनिश्चित जुइमाः व थःगु अधिकार प्राप्तिया निंतिं सकल नेवाःत छधी छप्पँ ख: धकाः घोषणा याःगु दु ।

थीथी झिंनिगू पुचःलय् या:गु सहलह लिपाः थिमिया बालकुमारीइ छगू सभा यानाः प्यंगू बुँदे घोषणापत्र सार्वजनीक याःगु खः । सभाय् संघर्ष समितिया नायः नरेन्द्रभक्त हाडां प्यंगू बुँदे घोषणपत्र ब्वनाः न्यंकादीगु खः ।

निन्हुयंक न्ह्याःगु राजनीतिक सम्मेलनय् ६०गू जिल्लया ७०० स्वयां अप्व प्रतिनिधितय ब्वति दुगु खः । 

नेवाः राष्ट्रिय राजनीतिक सम्मेलनं घोषणा याःगु बोदे घोषणापत्र थुकथं दु -

बोडे घोषणापत्र

१. नेवाः स्वायत्तता, स्वशासन, आत्मनिर्णयया अधिकार व आदिवासी अग्राधिकार नापं नेवाः आदिभूमिइ नेवाःतय्गु थःगु हे राज्यया सुनिश्चितताया लिसेलिसें संघीय गणतन्त्रया संविधान इलय् हे च्वयाः जनताया संविधान सुनिश्चित यायेमाःगु खँय् सः थ्वयेकाच्वना ।

२. प्रस्तावित नेवाः राज्यया पिने च्वंपिं नेवाःतय्गु हकहित व अधिकारया नापं नेवाः राज्यय् समानुपातिक प्रतिनिधित्व सुनिश्चित जुइमाः । नापं वय्कःपिं च्वनाच्वंगु लागाय् बाहुल्यताया लिधंसाय् स्वायत्त क्षेत्रया अधिकार सुनिश्चित जुइमाः । थः च्वनाच्वंगु गैर नेवाः राज्य दुने नेवाःतय्त समानुपातिक प्रतिनिधित्व सुनिश्चित जुइमाः ।

३. संविधानसभाया राज्य पुनर्संरचना समितिं प्रस्तावित याःगु नेवाः प्रदेशया लागाया खँय् प्रादेशिक लागा तसकं मगाःमचाः जूगुलिं सम्भाब्यताया लिधंसाय् अझ तःकू व तब्या यायेमाःगु खँया सः थ्वयेकाच्वना । 

४. च्वय् न्ह्यथनागु अधिकार व राजनीतिक स्थितिया सुनिश्चितताया नितिं नेवाःत सकलें न्ह्यागु हे दल संघ संस्था व खलःपुचःया प्रतिनिधित्व यानाच्वंपिं न्ह्याथाय् च्वनाच्वंपिं जूसां थ्व 'घोषणा पौ'स न्ह्यथनातःगु व नेवाः राष्ट्रिय राजनीतिक सम्मेलनं क्वःछ्यूगु अवधारणा पौ कथंया अधिकार व थ्व सम्मेलनं क्वःछ्यूगु प्रस्तावतय् खँय् सकलें नेवाःत छधी छप्पँ खः धकाः घोषणा यानागु जुल ।

१४ कछलागा ११३१,
(४ डिसेम्बर २०१०) शनिवाः ।
बोडे थिमि ख्वप । 

(किपा : उदेन न्हूसाय्मि)

http://www.nepalmandal.com/content/11246.html

लिम्बुवानय् आन्दोलन

POSTED ON FRI NOV 26, 2010 10:11 PM NST

Share

येँ (सन्ध्या टाइम्स)/संघीय लोकतान्त्रिक राष्ट्रिय मञ्चं लिम्बुवान स्वायत्त राज्यया निंतिं थनिंनिसें आन्दोलन शुरु याःगु दु। थ्व झ्वलय् थौं अन द्वःछिगू हाकुगु ध्वाँय् ब्वयेकीगु ज्याझ्वः दु। आन्दोलनया झ्वलय् मंसिर १४ गते मसाल जुलुस, १५ गते लिम्बुवान बन्दया ज्याझ्वः दु ।

http://www.nepalmandal.com/content/11132.html

थनिनिसें लिम्बुवानय् निर्णायक आन्दोलन

POSTED ON FRI NOV 26, 2010 10:41 AM NST

Share

येँ (झीगु स्वनिगः)

संविधानसभाय् दुथ्याःगु संघीय लोकतान्त्रिक राष्ट्रिय मंचं थनिनिसें लिम्बुवान प्रदेशया निितं निर्णाक आन्दोलन यायेगु तयारी याःगु दु । घोषित ज्याझ्वः कथं थौं सुक्रवाः लिम्बुवान लागाय् द्वःछिगू हाकूगु ध्वाँय् सार्वजनिक लागाय् तयेगु मंसीर १४ गते मसाल जुलुस अले १५ गते लिम्बुवान बन्द याइगु जूगु दु । संघीय गणतान्त्रिक नेपालय् लिम्बुवान स्वायत्त प्रदेश घोषणा यायेमाःगु माग यानाः अथे आन्दोलनया घोषणा यानातःगु खः । आन्दोलनया झ्वलय् मंसीर २९ गते भोक हडताल यायेगु अले पुष महिनंनिसें प्रत्येक १४ गते मसाल जुलुस अले १५ गते लिम्बुवान बन्द यायेगु धकाः घोषणा यानातःगु दु । आन्दोलनया हे झ्वलय् थाय् थासय् आमसभा गाष्ठी स्कूल व कलेजय् लिम्बुवानया प्रशिक्षण विरोध प्रदर्शन नापं थीथी कथंया ज्याझ्वः यायेगु जुइ धकाः संघीय लोकतान्त्रिक राष्ट्रिय मंचं धाःगु दु ।

जेष्ठ १४ गतेया दुने लिम्बुवान स्वायत्त प्रदेश दुगु कथंया न्हूगु संविधान घोषणा मयात धाःसा १४ गतेलिपा हे लिम्बुवान नापं थाय् थासय् समानान्तर सरकार दयेकेगु जुइ धकाः नं धाःगु दु । संघीय लोकतान्त्रक राष्ट्रिय मंचया मूछ्यााजे खगेन्द्र माखेमं धयादिल ुएकात्मकया अन्त्य जातीय पहिचनया आधारय् स्वायत्तता नापंया प्रदेश दयेकेमाःगु लिम्बुवान स्वायत्त प्रदेश दयेमाःगु निर्वाचन आयोगं केन्द्रीकृत कथं मतदाता परिचय पत्रया नामय् राष्ट्रिय परिचय पत्र दयेकेगु ज्या दिकेमाःगु नापं क्वःछनातःगु इलय् हे न्हूगु संविधान दयेकेमाःगु माग यानाः अथे निर्णायक आन्दोलन घोषणा यानागु खः ।

http://www.nepalmandal.com/content/11106.html