ख्वप(सन्ध्या टाइम्स)/मोहनिया झ्वलय् ख्वपय् नवदुर्गा दर्शन यायेत झाःम्ह राष्ट्रपति डा. रामवरण यादवयात नवदुर्गा द्यःया जात्रा, प्याखं आदि सञ्चालन यायेगु ज्याय् वयाच्वंगु समस्यायात कयाः द्यः गणपाखें छगू ज्ञापनपत्र लःल्हात।
वंगु शुक्रवाः ख्वपया नवदुर्गा द्यःछेँय् पूजापाठ यासें राष्ट्रपति यादवं प्रसाद ग्रहण यानादीगु खः। राजकीय पूजा लिपा नवदुर्गा द्यः गणपाखें प्रसाद प्रदान याःगु खःसा वहे इलय् द्यः जात्राय् वयाच्वंगु थीथी समस्यायात कयाः तयार यानातःगु ज्ञापनपत्र राष्ट्रपतियात लःल्हाःगु खः। वय्कःपिंसं थगुने नं वहे ज्ञापनपत्र राष्ट्रपतियात लःल्हाये धुंकूगु खःसा थुगुसी पुनःस्मरण याके कथं ज्ञापन बिउगु खः।
उगु इलय् राष्ट्रपतियात द्यःया पुजारी जुलाल बनमालां पूजा याकूगु खःसा नकिं अष्टमाया बनमालां ग्वाहालि यानादीगु खः।
राष्ट्रपतियात नवदुर्गा गणया प्रसाद कथं गोका, पसूका, दशैं घरया नःलास्वां, स्वांमाः व तःसि लःल्हाःगु खः। पूजा लिपा राष्ट्रपतियात आर्थिक समस्याया बारे अवगत याकूगु खःसा वय्कलं छवाःया दुने आर्थिक ग्वाहालिया लागिं जिल्ला प्रशासन ज्याकुथी प्रमुख जिल्ला अधिकारीयात स्वापू तयेत द्यःगणयात इनाप यानादीगु खः।
नवदुर्गा द्यः प्याखं व जात्राय् थीथी कथंया समस्या वःगुलिं द्यः जुइपिंसं द्यः जुइगु हे त्वःता वनेमाःगु तकं अवस्था वयाच्वंगु खँ धाःगु दु।
वंगु शुक्रवाः ख्वपया नवदुर्गा द्यःछेँय् पूजापाठ यासें राष्ट्रपति यादवं प्रसाद ग्रहण यानादीगु खः। राजकीय पूजा लिपा नवदुर्गा द्यः गणपाखें प्रसाद प्रदान याःगु खःसा वहे इलय् द्यः जात्राय् वयाच्वंगु थीथी समस्यायात कयाः तयार यानातःगु ज्ञापनपत्र राष्ट्रपतियात लःल्हाःगु खः। वय्कःपिंसं थगुने नं वहे ज्ञापनपत्र राष्ट्रपतियात लःल्हाये धुंकूगु खःसा थुगुसी पुनःस्मरण याके कथं ज्ञापन बिउगु खः।
उगु इलय् राष्ट्रपतियात द्यःया पुजारी जुलाल बनमालां पूजा याकूगु खःसा नकिं अष्टमाया बनमालां ग्वाहालि यानादीगु खः।
राष्ट्रपतियात नवदुर्गा गणया प्रसाद कथं गोका, पसूका, दशैं घरया नःलास्वां, स्वांमाः व तःसि लःल्हाःगु खः। पूजा लिपा राष्ट्रपतियात आर्थिक समस्याया बारे अवगत याकूगु खःसा वय्कलं छवाःया दुने आर्थिक ग्वाहालिया लागिं जिल्ला प्रशासन ज्याकुथी प्रमुख जिल्ला अधिकारीयात स्वापू तयेत द्यःगणयात इनाप यानादीगु खः।
नवदुर्गा द्यः प्याखं व जात्राय् थीथी कथंया समस्या वःगुलिं द्यः जुइपिंसं द्यः जुइगु हे त्वःता वनेमाःगु तकं अवस्था वयाच्वंगु खँ धाःगु दु।
No comments:
Post a Comment