POSTED ON TUE OCT 5, 2010 10:05 PM NST
हिसिला यमिपाखें नं कविता पाठ
येँ (सन्ध्या टाइम्स)/महाकवि सिद्धिदास महाजुया बुदिंया लसताय् शनिवाः छगू कवि गोष्ठी जुल। नेपालभाषा मंकाः खलः व नातिबज्रया सफू धुकूया मंकाः ग्वसालय् जूगु उगु ज्याझ्वलय् नातिबज्र बज्राचार्यं लसकुस न्वचु बियादीगु खः ।
नेपालभाषा परिषद्या नायः फणीन्द्ररत्न वज्राचार्य मूपाहांकथं झाःगु उगु ज्याझ्वलय् कवि पूर्ण वैद्य व छत्रबहादुर कायस्थ पाहां कथं झाःगु खः। गोष्ठीइ भगतदास श्रेष्ठ, अर्जुन नेपाःमि, लाभरत्न तुलाधर, तबः मरु, मीना बज्राचार्य आदिपिंसं कविता पाठ यानादीगु खः। ज्याझ्वलय् राजनीतिज्ञ नेतृ हिसिला यमिं कविता पाठ यानादीगु खः ।
पद्यगुरु सिद्धिदास महाजुं पद्य कविता वा पद्य साहित्ययात गुगु थासय् त्वःतादीगु खः थौंतक नं पद्य साहित्यया विकास जुइ मफु धासें तबः मरुं थःगु नुगःखँ नं कनादीगु खःसा थौंकन्हय् छन्दया प्रयोग नं नियमयात क्वःथलाः जुयाच्वंगु बिचाः प्वंकादिल ।
ज्याझ्वलय् संगीतकार व गायक गोविन्द ह्यूमतं नातिबज्र बज्राचार्यं च्वयादीगु म्येँ नं न्यंकादीगु खःसा नेपालभाषा मंका खलःया छ्याञ्जे नरेशवीर शाक्यं सुभाय् बियादीगु खः। वय्कलं महाकवि सिद्धिदास महाजुया नामं प्रतिष्ठान स्थापना यायेमाःगु व उगु प्रतिष्ठानं कवि महाजुया साहित्यिक रचनाया संरक्षण यायेमाःगु खँ कनादिल ।
येँ (सन्ध्या टाइम्स)/महाकवि सिद्धिदास महाजुया बुदिंया लसताय् शनिवाः छगू कवि गोष्ठी जुल। नेपालभाषा मंकाः खलः व नातिबज्रया सफू धुकूया मंकाः ग्वसालय् जूगु उगु ज्याझ्वलय् नातिबज्र बज्राचार्यं लसकुस न्वचु बियादीगु खः ।
नेपालभाषा परिषद्या नायः फणीन्द्ररत्न वज्राचार्य मूपाहांकथं झाःगु उगु ज्याझ्वलय् कवि पूर्ण वैद्य व छत्रबहादुर कायस्थ पाहां कथं झाःगु खः। गोष्ठीइ भगतदास श्रेष्ठ, अर्जुन नेपाःमि, लाभरत्न तुलाधर, तबः मरु, मीना बज्राचार्य आदिपिंसं कविता पाठ यानादीगु खः। ज्याझ्वलय् राजनीतिज्ञ नेतृ हिसिला यमिं कविता पाठ यानादीगु खः ।
पद्यगुरु सिद्धिदास महाजुं पद्य कविता वा पद्य साहित्ययात गुगु थासय् त्वःतादीगु खः थौंतक नं पद्य साहित्यया विकास जुइ मफु धासें तबः मरुं थःगु नुगःखँ नं कनादीगु खःसा थौंकन्हय् छन्दया प्रयोग नं नियमयात क्वःथलाः जुयाच्वंगु बिचाः प्वंकादिल ।
ज्याझ्वलय् संगीतकार व गायक गोविन्द ह्यूमतं नातिबज्र बज्राचार्यं च्वयादीगु म्येँ नं न्यंकादीगु खःसा नेपालभाषा मंका खलःया छ्याञ्जे नरेशवीर शाक्यं सुभाय् बियादीगु खः। वय्कलं महाकवि सिद्धिदास महाजुया नामं प्रतिष्ठान स्थापना यायेमाःगु व उगु प्रतिष्ठानं कवि महाजुया साहित्यिक रचनाया संरक्षण यायेमाःगु खँ कनादिल ।
No comments:
Post a Comment