थिमि (सन्ध्या टाइम्स)/नेवाः स्वायत्त राज्य मंकाः संघर्ष समिति मध्यपुर थिमि लागां मोहनि नखः न्ह्यः तक प्रचारात्मक आन्दोलन याइगु जूगु दु। नेवाः स्वायत्त राज्यया अवधारणा कथं मध्यपुर थिमि नगरपालिकाय् न्ह्यब्वःगु च्यागू सूत्रीय माग पूरा याकेगु निंतिं आन्दोलनया ज्याझ्वः कथं न्हापांगु चरणय् प्रचारात्मक आन्दोलन यायेगु खँ क्वःछिनागु जानकारी मंकाः संघर्ष समितिया मध्यपुर थिमि लागाया नायः कृष्णलाल गोजां बियादिल ।
म्हिगः बहनी मुँज्या च्वनाः संघर्ष समितिपाखें मोहनि नखः न्ह्यः तकया दुने थःपिंसं नगरपालिकाय् तयागु माग, नेवाः स्वायत्त राज्यया अवधारणा कथं नेवाःत न्ह्यःने वनेमाःगु नापं थीथी कथंया खँ थुइकेगु नितिं सभा, भेला यायेगु, पर्चा पिकायेगु नापं प्रचारात्मक ज्याझ्वः यायेगु खँ क्वःछिउगु खः। मोहनि नखः तकया दुने अनया बालकुमारी, चपाच्व, नगदेश व बोदे लागाय् ब्यागलं ब्यागलं कथं ज्याझ्वः यायेगु जुइ धाःगु दु। न्हापांगु प्रचारात्मक आन्दोलन यानाः नं माग पूरा मजल धाःसा अनं लिपा सशक्त कथं आन्दोलन यायेगु जुइ धकाः नं गोजां धयादीगु दु ।
No comments:
Post a Comment