POSTED ON THU OCT 21, 2010 9:22 PM NST
ख्वप (सन्ध्या टाइम्स)/इन्द्रेणी सांस्कृतिक समाज ख्वपया ग्वसालय् झिक्वःगु नेपालभाषा साहित्य सम्मेलन व सांस्कृतिक ब्वज्या नासमना त्वालय् जुल। ज्याझ्वःया विशेष पाहां एनेकपा माओवादीया उपाध्यक्ष नारायणकाजी श्रेष्ठ प्रकाशं देशय् निगूगु जनआन्दोलनं स्थापित याःगु उपलब्धीयात लाका कायेगु षडयन्त्र न्ह्यानाच्वंगु खँ कुलादिसें गणतन्त्र व संघीयताया प्रचारात्मक अभियानयात आः व्यवहारय् लागू याना यंकेमाःगु विचाः प्वंकादिल। ज्याझ्वः मूपाहां डा. योगेन्द्र प्रधानं उलेज्या यानादीगु खः ।
इसासया उगु ज्याझ्वः विराट गुथिया संस्थापक दुजः रत्नगोपाल साँय्जूया सभापतित्वय् जूगु खः।
ज्याझ्वलय् नेवाः जनसांस्कृतिक महागुथिया नायः सभासद् दिलीप महर्जन, नेवाः मुक्ति मंकाः दबूया नायः दिलबहादुर श्रेष्ठ, विराट गुथिया नायः त्रिरत्न शाक्य, नेवाः देय् गुथि नेपालमण्डलया नायः नरेन्द्रभक्त हाडापिंसं नेवाः आन्दोलनया थीथी पक्षयात कयाः न्ववानादीगु खः। अथेहे कवि साहित्यकारपिं पूर्णबहादुर बैद्य, तुयू पुं, त्रिरत्न शाक्य, सौरभ शाक्य, रोशनकुमार राजभण्डारी, विजयरत्न असंबरे, शाक्य सुरेन, सुधीर ख्ववि, कृष्णमोहन जोशीपिंसं थः थःगु च्वसु न्यंकादीगु खः ।
सम्मेलनय् दुथ्याःगु चिनाखं विधानय् सुमा श्रेष्ठ न्हाप, बद्री बेदना लिउ, राज्यश्वरी शिल्पकार लिया लिउ व श्याम त्वाय्ना हःपाः सिरपाः लाःगु खः। वय्कःपिंत नेपालभाषाया नांजाःम्ह साहित्यकार रामशेखर नकःमिं सिरपाः व दसि पौ लःल्हानादिल। ग्वसाखलःया शिवजी साँय्जूं लसकुस यानाः न्ह्याकूगु ज्याझ्वलय् वरिष्ठ नृत्य निर्देशक हरिकृष्ण दर्शनधारीयात हनेज्या याःगु खः। गायक रोशनकुमार राजभण्डारीं म्ये नं न्यंकादीगु ज्याझ्वः लिपा बहनी जूगु सांस्कृतिक ब्वज्याय् 'जंगे पीलर' व 'छाय् तमज्याइ?' नांगु ख्यालः नं न्ह्यब्वःगु खः ।
इसासया उगु ज्याझ्वः विराट गुथिया संस्थापक दुजः रत्नगोपाल साँय्जूया सभापतित्वय् जूगु खः।
ज्याझ्वलय् नेवाः जनसांस्कृतिक महागुथिया नायः सभासद् दिलीप महर्जन, नेवाः मुक्ति मंकाः दबूया नायः दिलबहादुर श्रेष्ठ, विराट गुथिया नायः त्रिरत्न शाक्य, नेवाः देय् गुथि नेपालमण्डलया नायः नरेन्द्रभक्त हाडापिंसं नेवाः आन्दोलनया थीथी पक्षयात कयाः न्ववानादीगु खः। अथेहे कवि साहित्यकारपिं पूर्णबहादुर बैद्य, तुयू पुं, त्रिरत्न शाक्य, सौरभ शाक्य, रोशनकुमार राजभण्डारी, विजयरत्न असंबरे, शाक्य सुरेन, सुधीर ख्ववि, कृष्णमोहन जोशीपिंसं थः थःगु च्वसु न्यंकादीगु खः ।
सम्मेलनय् दुथ्याःगु चिनाखं विधानय् सुमा श्रेष्ठ न्हाप, बद्री बेदना लिउ, राज्यश्वरी शिल्पकार लिया लिउ व श्याम त्वाय्ना हःपाः सिरपाः लाःगु खः। वय्कःपिंत नेपालभाषाया नांजाःम्ह साहित्यकार रामशेखर नकःमिं सिरपाः व दसि पौ लःल्हानादिल। ग्वसाखलःया शिवजी साँय्जूं लसकुस यानाः न्ह्याकूगु ज्याझ्वलय् वरिष्ठ नृत्य निर्देशक हरिकृष्ण दर्शनधारीयात हनेज्या याःगु खः। गायक रोशनकुमार राजभण्डारीं म्ये नं न्यंकादीगु ज्याझ्वः लिपा बहनी जूगु सांस्कृतिक ब्वज्याय् 'जंगे पीलर' व 'छाय् तमज्याइ?' नांगु ख्यालः नं न्ह्यब्वःगु खः ।
No comments:
Post a Comment