नेपालभाषा मंका:खल: यलया झिंछक:गु त:मुँज्या

THURSDAY, JANUARY 27, 2011

नेपालभाषा मंका:खल: यलया झिंछक:गु त:मुँज्या जुइगु

नेपालभाषा मंका:खल: यलया झिंछक:गु त:मुँज्या थ्वहे आइतबार जुइत्यंगु दु। आइतबार यलया मंका: दबूछेँय् झिंछक:गु त:मुँज्याया उलेज्या जुइगु मंका: खल: यलया नाय: सुरेश प्रधानं कनादिल। न्हूम्ह नाय: लिसें मेपिं झिंनिम्ह दुज:या लागिं आइतबार हे चुनाव जुइत्यंगु नाय: प्रधानं जानकारी बियादिल। निगू कार्यकालतक मंका: खल: यलया नाय: जुयादीधुंकूम्ह प्रधानं थ्वपालय् उम्मेदवारी मबीगु जानकारी बियादीगु दु। मंका: खल:या न्हू कार्यसमितिइ झिंस्वम्ह दुज: लिसें निवर्तमान नाय: छम्ह व मनोनित छम्ह याना: मुक्कं झिंन्याम्ह दुज: दइगु वयकलं कनादिल। नाय: लिसें झिंनिम्ह दुज: ल्ययधुंका: निर्वाचित दुज:तयगु पाखें हे मंका: खल:या न्वकु, छ्यांजे, दांभरिं लिसें थीथी पदय् नियुक्ती जुइगु नाय: प्रधानं कनादिल। चुनावया लागिं मंका: खलकं म्हिग: हे मतदातातयगु नांधल: पितब्यूगु ख: सा थौं प्यता: इलंनिसें खुता: ईतक मतदातातयगु नांधलखय् दाविबिरोधया लागिं ई बियात:गु दु। कन्हय् सनिलय् मतदातातयगु अन्तिम नांधल: पिथना: कंस उम्मेदवारी दर्ता यायगु ज्याझ्व: दुगु मंका: खलकं धा:गु दु। कंस न्हिनय् स्वता: ईतकया दुने उम्मेदवारी दर्ता याकेगु व स्वता: त्या इलय् उम्मेदवारतयगु नांधल: पिथनेगु ज्याझ्व: दु। उम्मेदवारीइ दावीविरोधया लागिं कंस हे स्वता:त्या इलंनिसें प्यता:त्या तकया ई बियात:गु दु। कंस हे उम्मेदवारतयगु अन्तिम नांधल: पिदनीगु व आइतबा: त:मुँज्याया उलेज्या धुंका: मतदान जुइगु मंका: खल: यलं धा:गु दु।

http://lahana90.blogspot.com/2011/01/blog-post.html

यल मंकाः खलःया थौं ११ क्वःगु तःमुँज्या

POSTED ON SUN JAN 30, 2011 11:00 PM NST

Share

यल (सन्ध्या टाइम्स)/नेपालभाषा मंकाः खलःया थौं झिंछक्वःगु तःमुँज्या जुयाच्वंगु दु। न्हूगु नेतृत्वया निंतिं नायः पदय् किरण शाक्य व शाक्य सुरेन निम्हेस्यां उम्मेदवारी बिउगु दु। झिंनिम्ह दुजःया नितिं झिंगुम्ह उम्मेदवार जुयाच्वंगु दु। थौं मंकाः खलःया पुलांपिं न्याम्ह नायःपिं छत्रबहादुर कायस्थ, डा. पुष्पराज राजकर्णिकार, भुवनेश्वर जोशी, जुलुमलाल चित्रकार व शंकर बहादुर मल्लं मंकाः कथं तःमुँज्याया उलेज्या यानादीगु ज्याझ्वः दु ।

http://www.nepalmandal.com/content/12481.html

यल मंकाः खलःया नायः किरण

POSTED ON MON JAN 31, 2011 7:52 PM NST

Share

यल (सन्ध्या टाइम्स)/यलया नेपालभाषा मंकाः खलःया न्हूम्ह नायः कथं किरण शाक्य निर्वाचित जूगु दु। मंकाः खलःया म्हिगः बहनी क्वचाःगु झिंछक्वःगु तःमुँज्यां न्हूगु नेतृत्व ल्यःगु खः ।

नायः पदया नितिं उम्मेदवार जुयादीपिं मध्ये किरण शाक्य ९७ मत कयाः त्याःगु खःसा वय्कःया प्रतिद्वन्द्वी शाक्य सुरेनं ९१ मत कयादीगु खः। तःमुँज्यां दुजलय् चमेली शाक्य, चतुर ब्यञ्जनकार, रमा तुलाधर, बाबुराजा महर्जन, हरिबहादुर कर्माचार्य, ज्ञानबहादुर महर्जन, केशव महर्जन, शैलेश बहादुर प्रधान, कीर्तिलवानन्द जोशी, काजिरत्न शाक्य, सुरेन्द्र महर्जन व ऋषि प्रसाद श्रेष्ठ त्याःगु खः। अथे हे विधान कथं निर्वतमान नायः सुरेश प्रधान नं दुजः जुयादीसा मेम्ह छम्ह मनोनित याइ। न्हूगु ज्यासना पुचःया याकनं हे बैठक च्वनाः पदाधिकारी ल्ययेगु ज्या याइगु खँ मंकाः खलःया न्हूम्ह नायः शाक्यं धयादीगु दु ।

http://www.nepalmandal.com/content/12500.html

किरण शाक्य मंकाः खलः यलया न्हूम्ह नायः

LAKASMAN

POSTED ON SUN JAN 30, 2011 10:11 PM NST

Share30

नेपालभाषा मंकाः खलः यलया झिंछक्वःगु तःमुँज्यापाखें किरण शाक्य नायः पदय् निर्वाचित जूगु दु । थौं मंकाः खलः यलया न्हूगु नेतृत्वया लागि जूगु चुनावय् किरण शाक्यं ९७ कू मत हयादीगु खः । वयकलं नायः पदया मेम्ह उम्मेदवार सुरेन्द्रमान शाक्य (शाक्य सुरेन) स्वयां ६ कू मत अप्वः हयादीगु खः । भाजु शाक्यं थ्व स्वयां न्ह्यः मंकाः खलः यलया निगू कार्यकाल न्वकू, निगू कार्यकाल छ्यांजे व छगू कार्यकाल दुजः जुयाः ज्या यानादीधुंकूगु दु ।

अथेहे दुजः पदय् चमेली शाक्य १६५, चतुर व्यंजनकार १६३ रमा तुलाधर १३४, बाबुराजा महर्जन १२८, ऋषि प्रसाद श्रेष्ठ १२६, शैलेस बहादुर प्रधान १२३, ज्ञान बहादुर महर्जन ११८, हरि बहादुर कर्माचार्य १११, सुरेन्द्र महर्जन १०९, कीर्तिलव आनन्द जोशी १०४, काजीरत्न शाक्य १०२ व केशव महर्जन ९७ मत हयाः निर्वाचित जूगु दु ।

थ्वहे झ्वलय् याकनं हे निर्वाचित जुयादीपिं मुँज्या च्वनाः पद विभाजन याइगु खँ धाःगु दु ।

थौं जूगु तःमुँज्याय् पुलांपिं नायःत छत्र बहादुर कायस्थ, डा. पुष्पराज कर्णिकार भुवनेश्वर जोशी, जुलुमलाल चित्रकार व शंकर बहादुर मल्लं तःमुँज्याया मंका कथं उलेज्या यानादीगु खः । उगु ज्याझ्वलय् नेवाःत ई कथं न्ह्याः वनेमाःगु खँय् बः बियादिसें मंकाः खलः यलपाखें यक्व ज्या यायेमफूसां समय सापेक्ष कथं नेवाः स्वायत्त राज्य लिसें थी थी विषययात तिबः बी कथं ज्या याःगु खँय् सन्तुष्ट प्वंकादिसें तःमुँज्या ताःलायेमा धकाः भिन्तुना देछाना दिल । नायः सुरेश प्रधानया सभापतित्वय् जूगु उगु ज्याझ्वः छ्यांजे ऋषि प्रसाद श्रेष्ठं न्ह्याकादीगु खः ।

थ्वहे झ्वलय् निगूगु बन्द सत्रय् छ्यांजे ऋषि प्रसाद श्रेष्ठं प्रगति प्रतिवेदन व दांभरि बाबुराजा महर्जनं आर्थिक प्रतिवेदन न्ह्यब्वयादीगु खःसा सल्लाहकार लोक बहादुर शाक्यया संयोजकत्वय् दयेकूगु विधान संशोधन समितिपाखे न्ह्यब्वःगु संशोधित विधानयात कयाः नं सहलह जूगु खः ।

http://www.nepalmandal.com/content/12463.html