कन्हय् येँ मनपाय् नेवाःतय् धर्ना
POSTED ON SAT JUL 17, 2010 11:12 PM NST
नेवाः स्वयात्त राज्य मंकाः संघर्ष समितिं कन्हय् येँ महानगरपालिकाय् धर्ना बीगु जूगु दु । मनपां थीथी इलय् न्हूपिं कर्मचारी भर्ना काःगु प्रतियोगितात्माक लिखित परीक्षाया लिच्वः खारेजीया माग यासें कन्हय् सुथसिया ९:३० निसें निघौ तक मनपाया मू ज्याकू बागदरवारय् धर्ना बीत्यंगु खः ।
संघर्ष समितिं मनपां कर्मचारी भर्नाया निंतिं पुलांगु राज्यया संरचना कथं प्रक्रिया न्ह्याकूगुलिं उकियात आः हे रद्द यायेमाःगु, मनपाय् नेवाः डेस्क पलिस्था यायेमाःगु, मनपाया कुल बजेटय् नेवाः भाय्, साहित्य, संस्कृति, लिपि आदि ख्यःया नितिं २५ प्रतिशत फ्याये माःगु, नेवाः सम्पदा, संस्कृति नाप स्वापू दुगु विशेष महाशाखा दयेकेमाःगु, मनपाया विज्ञापन, सुचं, आदि नेवाः भासं पिथनेमाःगु, नेवाः लिपि व नेवाः साइन बोर्ड तइपिं करय् ७५ प्रतिशत छुट बीमाःगु माग याःगु दु ।
संघर्ष समितिं थ्वस्वयां न्ह्यः थःगु माग सहित सचेत पौ मनपांया कार्यकारी प्रमुखयात लःल्हाःगु खःसा साउन १ गते तक नं माग पू मवंसाः धर्ना लगायत थीथी दबाव मूलक ज्याझ्वः दयेकूगु खः ।
संघर्ष समितिं मनपां कर्मचारी भर्नाया निंतिं पुलांगु राज्यया संरचना कथं प्रक्रिया न्ह्याकूगुलिं उकियात आः हे रद्द यायेमाःगु, मनपाय् नेवाः डेस्क पलिस्था यायेमाःगु, मनपाया कुल बजेटय् नेवाः भाय्, साहित्य, संस्कृति, लिपि आदि ख्यःया नितिं २५ प्रतिशत फ्याये माःगु, नेवाः सम्पदा, संस्कृति नाप स्वापू दुगु विशेष महाशाखा दयेकेमाःगु, मनपाया विज्ञापन, सुचं, आदि नेवाः भासं पिथनेमाःगु, नेवाः लिपि व नेवाः साइन बोर्ड तइपिं करय् ७५ प्रतिशत छुट बीमाःगु माग याःगु दु ।
संघर्ष समितिं थ्वस्वयां न्ह्यः थःगु माग सहित सचेत पौ मनपांया कार्यकारी प्रमुखयात लःल्हाःगु खःसा साउन १ गते तक नं माग पू मवंसाः धर्ना लगायत थीथी दबाव मूलक ज्याझ्वः दयेकूगु खः ।
No comments:
Post a Comment