http://www.nepalmandal.com/content/9183.html
POSTED ON WED JUL 28, 2010 9:32 PM NST
येँ (सन्ध्या टाइम्स)/नेवाः समाज दुने दलित मदु धकाः धाःसां राजनीतिक लबः कायेत धाःसा नेवाः समाज दुनेया दलित मखुपिं जातीय पुचःत नं दलितया कोटां कांग्रेसया बुथ प्रतिनिधि जू वनाच्वंगु खँ सीदुगु दु ।
उकन्हु तिनि क्वचाःगु नेपाली कांग्रेसया वडा अधिवेशनय् येँया गुलिखे वडाय् नेवाः समाजया नायः जातिया कार्यकर्तात दलित कोटां निर्वाचित जूगु दु। कांग्रेसया न्हूगु विधान कथं प्रत्येक वडां बुथ प्रतिनिधिया रुपय् छम्ह मिसा, छम्ह जनजाति, छम्ह दलित व छम्ह मधेशी कोटां छ्वया हयेमाः ।
येँय् जूगु वडा अधिवेशनय् छुं वडाय् नायः जातिया कार्यकर्तातय्सं दलित कोटां बुथ प्रतिनिधिइ निर्वाचित जूवंगु खँ सीदुगु दु ।
लुमंकेबहजू, नेवाः समाजया नायः जातिं थःपिं दलित मखु सरकारयात आधिकारिक रुपं हे पौ बियातःगु दु ।
उखे बुथ प्रतिनिधिया रुपय् छम्ह मधेशी नं कोटां छ्वयेमाःगु जुयाः येँय् धाःसा मधेशी प्रतिनिधिया अभाव जूगु खँ सीदुगु दु। येँ धइगु मधेशी दइगु थाय् मखु। अथे खःसां कांग्रेसया विधान कथं मधेशी नं छ्वयेमाःगु जुयाः कांग्रेस कार्यकर्तायात थाकुगु दु। गुलिखे वडां मिश्र, झा आदि थर दुपिं नेवाः ब्रम्हू कार्यकर्तायात मधेशी कोटां बुथ प्रतिनिधि दयेकाः छ्वःगु खँ सीदुगु दु ।
उकन्हु तिनि क्वचाःगु नेपाली कांग्रेसया वडा अधिवेशनय् येँया गुलिखे वडाय् नेवाः समाजया नायः जातिया कार्यकर्तात दलित कोटां निर्वाचित जूगु दु। कांग्रेसया न्हूगु विधान कथं प्रत्येक वडां बुथ प्रतिनिधिया रुपय् छम्ह मिसा, छम्ह जनजाति, छम्ह दलित व छम्ह मधेशी कोटां छ्वया हयेमाः ।
येँय् जूगु वडा अधिवेशनय् छुं वडाय् नायः जातिया कार्यकर्तातय्सं दलित कोटां बुथ प्रतिनिधिइ निर्वाचित जूवंगु खँ सीदुगु दु ।
लुमंकेबहजू, नेवाः समाजया नायः जातिं थःपिं दलित मखु सरकारयात आधिकारिक रुपं हे पौ बियातःगु दु ।
उखे बुथ प्रतिनिधिया रुपय् छम्ह मधेशी नं कोटां छ्वयेमाःगु जुयाः येँय् धाःसा मधेशी प्रतिनिधिया अभाव जूगु खँ सीदुगु दु। येँ धइगु मधेशी दइगु थाय् मखु। अथे खःसां कांग्रेसया विधान कथं मधेशी नं छ्वयेमाःगु जुयाः कांग्रेस कार्यकर्तायात थाकुगु दु। गुलिखे वडां मिश्र, झा आदि थर दुपिं नेवाः ब्रम्हू कार्यकर्तायात मधेशी कोटां बुथ प्रतिनिधि दयेकाः छ्वःगु खँ सीदुगु दु ।
No comments:
Post a Comment