http://www.nepalmandal.com/content/9103.html
NEWANUGA
येँ महानगरपालिका पदपूर्ति विभागं असमावेशीय तरिकां न्ह्याकूगु कर्मचारी भर्ना प्रकृया स्थगित याःगु दु । कर्मचारी भर्ना विरुद्ध नेवाःतय्सं न्ह्याकूगु आन्दोलनया दबाव लिपा बिहीवाः च्वंगु पदपूर्ति विभागया बैठकं भर्ना प्रकृया स्थगित याःगु खः ।
थ्वहे दथुइ नेवाः स्वायत्त राज्य संघर्ष समितिया आह्वानय् शुक्रवाः सुथय् छगू विरोध जुलुस पिहांवल । थ्वस्वयां न्ह्यः संघर्ष समितिं कर्मचारी भर्नाया निंतिं अन्तर्वार्ता कायेगु धयातःगु राष्ट्रिय सभागृहय् जुलुस सहित पदपूर्ति ज्याकूथी तालं ग्वयेगु ज्याझ्वः क्वःछिनातःगु खः । तर भर्ना प्रकृया स्थगित जुइवं संघर्ष समितिं राष्ट्रिय सभागृह वनेगु व पदपूर्ति ज्यकूथी तालं ग्वयेगु ज्याझ्वःयात परिवर्तन यानाः जुलुसं नगर परिक्रमा जक याःगु खः । बसन्तपुलीं न्ह्याःगु उगु जुलुस येँया थीथी दुनेया लागा चाहिला अन हे वयाः छगू सभा यानाः क्वचाःगु खः ।
सभाय् न्ववानादिसें सघर्ष समितिया नायः मंगल महर्जनं येँ महानगरपालिका विरुद्ध झीगु आन्दोलन अझ क्वमचाःगु धयादिसें नेवाः अग्राधिकारया मान्यता कथं न्हूपिं कर्मचारी भर्ना लगायत नेवाः लागाय् नेवाः भाय्, संस्कृतियात माक्वः बजेट मफ्यातल्ले आन्दोलन न्ह्यानाच्वनीगु धयादिल ।
अथेहे संघर्ष समितिया सचिवालय कजि मल्ल के सुन्दरं येँ महानगरपालिकां हःगु घर जग्गा सम्बन्धी न्हूगु करं स्वनिगःया स्थानीय नेवाःतय्त प्रत्यक्ष असर लाइगु धयादिसें थुकीया विरुद्ध हानं न्हूगु कथंया आन्दोलन न्ह्याकेमाःगु खँय् बः बियादिल ।
भर्ना प्रकृया स्थगित जुयवं आः न्हूगु ज्याझ्वः क्वःछित थौं सनिलय् संघर्ष समितिया बैठक च्वनेत्यंगु दु ।
येँ महानगरपालिका पदपूर्ति विभागं असमावेशीय तरिकां न्ह्याकूगु कर्मचारी भर्ना प्रकृया स्थगित याःगु दु । कर्मचारी भर्ना विरुद्ध नेवाःतय्सं न्ह्याकूगु आन्दोलनया दबाव लिपा बिहीवाः च्वंगु पदपूर्ति विभागया बैठकं भर्ना प्रकृया स्थगित याःगु खः ।थ्वहे दथुइ नेवाः स्वायत्त राज्य संघर्ष समितिया आह्वानय् शुक्रवाः सुथय् छगू विरोध जुलुस पिहांवल । थ्वस्वयां न्ह्यः संघर्ष समितिं कर्मचारी भर्नाया निंतिं अन्तर्वार्ता कायेगु धयातःगु राष्ट्रिय सभागृहय् जुलुस सहित पदपूर्ति ज्याकूथी तालं ग्वयेगु ज्याझ्वः क्वःछिनातःगु खः । तर भर्ना प्रकृया स्थगित जुइवं संघर्ष समितिं राष्ट्रिय सभागृह वनेगु व पदपूर्ति ज्यकूथी तालं ग्वयेगु ज्याझ्वःयात परिवर्तन यानाः जुलुसं नगर परिक्रमा जक याःगु खः । बसन्तपुलीं न्ह्याःगु उगु जुलुस येँया थीथी दुनेया लागा चाहिला अन हे वयाः छगू सभा यानाः क्वचाःगु खः ।
सभाय् न्ववानादिसें सघर्ष समितिया नायः मंगल महर्जनं येँ महानगरपालिका विरुद्ध झीगु आन्दोलन अझ क्वमचाःगु धयादिसें नेवाः अग्राधिकारया मान्यता कथं न्हूपिं कर्मचारी भर्ना लगायत नेवाः लागाय् नेवाः भाय्, संस्कृतियात माक्वः बजेट मफ्यातल्ले आन्दोलन न्ह्यानाच्वनीगु धयादिल ।
अथेहे संघर्ष समितिया सचिवालय कजि मल्ल के सुन्दरं येँ महानगरपालिकां हःगु घर जग्गा सम्बन्धी न्हूगु करं स्वनिगःया स्थानीय नेवाःतय्त प्रत्यक्ष असर लाइगु धयादिसें थुकीया विरुद्ध हानं न्हूगु कथंया आन्दोलन न्ह्याकेमाःगु खँय् बः बियादिल ।
भर्ना प्रकृया स्थगित जुयवं आः न्हूगु ज्याझ्वः क्वःछित थौं सनिलय् संघर्ष समितिया बैठक च्वनेत्यंगु दु ।
No comments:
Post a Comment