POSTED ON MON DEC 6, 2010 12:19 PM NST
येँ (झीगु स्वनिगः)
नेवाः राष्ट्रिय राजनीतिक सम्मेलनय् ब्वति कायेत स्वनिगलय् वःपि देय्न्यंकंया प्रतिनिधितय्त नेवाःतय्गु राष्ट्रिय संगठन नेवाः देय् दबूपाखें म्हिगः आइतवाः लसकुस नापं ज्यःनां ज्याझ्वः यात । देय् दबूया ज्याकू ताम्सिपाखाय् याःगु उगु ज्याझ्वलय् नेवाः राष्ट्रिय राजनीतिक सम्मेलनया अनुभूति थीथी जिल्लाया प्रतिनिधितय्सं प्वंकादीगु खः । थःपिनिगु अनुभूति प्वंकेगु झ्वलय् नेवाः एकताया निति सम्मेलन उपलब्धि मुलक जूगु खँ न्ह्यथनादीगु खः । नेवाः स्वायत्त राज्यया निति जुयाच्वंगु आन्दोलनयात कयाः थीथी मनूतय्सं व खलः पुचलं ब्वलंकाच्वंगु भ्रमत चीकेत ताःलाःगु बिचाः नेपाःया थीथी जिल्लाया प्रतिनिधिपिन्सं न्ह्यथनादीगु खः ।
वय्कःपिन्सं छुं नं जातिया स्वायत्त राज्य दुनेया ब्यागलं आदिवासी जनजातिया बाहुल्यता दुगु लागायात गुगु कथं स्वशासन बिइगु धैगु स्वरुपया बारे यक्व स्पष्ट जूगु खँ नं न्ह्यथनादीगु खः ।
थ्यं मथ्यं थीथी जिल्लाया स्वीम्हति प्रतिनिधितय्सं थःथःगु बिचाः प्वंकादीगु उगु ज्याझ्वलय् देय्न्यंकंया निसःम्ह मल्याक प्रतिनिधितय्सं ब्वति कयादीगु खः । ज्याझ्वलय् थीथी जिल्लाया प्रतिनिधितय्सं न्वंवायेगु झ्वलय् मोरङ जिल्लां प्रतिनिधि यानादीम्ह छत्र बहादुर श्रेष्ठं नेवाः राष्ट्रिय राजनीतिक सम्मेलनया अनुभवयात कयाः च्वयादीगु चिनाखँ न्यंकादीगु खः । ज्याझ्वलय् कवि राजभाई जःकमि नं थःगु नुगःखँ तयादीगु खः ।
ज्याझ्वलय् नेकपा एमालेया केन्द्रीय दुजः राजेन्द्र श्रेष्ठं नेवाः स्वायत्त राज्य दुने नं नेवाः राज्यं पिनेच्वंपिं नेवाःतय्त सांस्कृतिक एकताया ल्याखं व्यवस्थापिका कार्यपालिका व न्यायपालिकाय् तकं जनसंख्याया आधारय् प्रतिनिधित्व याकेफैगु अवधारणा थःपिन्सं तयार यानागु खः धकाः धयादिल ।
नेवाः देय् दबूया नायः नरेश ताम्रकारया सभापतित्वय् जूगु उगु ज्याझ्वलय् नेपाली कांग्रेसया सभासद् तिर्थराम डंगोलं नेवाःत धैगु जाति मखु राष्ट्र खः धयादिसें म्हिगः तक राजनीतिइ चासो मतइपिं नेवाःत आः गुगु कथं चासो तल उकि यानाः नेवाःतय्गु हक अधिकारया निति बल जूगु दु धकाः धयादिल । अथे हे नेवाः स्वायत्त राज्य मंकाः संघर्ष समितिया सचिवालयया कजि मल्ल के सुन्दरं नेवाः राष्ट्रिय राजनीतिक सम्मेलन यायेमाःगुया औचित्य व सम्मेलनं जूगु उपलब्धियात कयाः थःगु बिचाः प्वंकादीगु खः । थ्व हे दथुइ नेवाः राष्ट्रिय ल्याय्म्ह न्ह्यलुवापाखें नं म्हिगः आइतवाः नेवाः राष्ट्रिय राजनीतिक सम्मेलनय् ब्वति कयादीपिं जिल्लाया प्रतिनिधितय्त ब्यलि भ्वय् याःगु दु ।
नेवाः राष्ट्रिय राजनीतिक सम्मेलनय् ब्वति कायेत स्वनिगलय् वःपि देय्न्यंकंया प्रतिनिधितय्त नेवाःतय्गु राष्ट्रिय संगठन नेवाः देय् दबूपाखें म्हिगः आइतवाः लसकुस नापं ज्यःनां ज्याझ्वः यात । देय् दबूया ज्याकू ताम्सिपाखाय् याःगु उगु ज्याझ्वलय् नेवाः राष्ट्रिय राजनीतिक सम्मेलनया अनुभूति थीथी जिल्लाया प्रतिनिधितय्सं प्वंकादीगु खः । थःपिनिगु अनुभूति प्वंकेगु झ्वलय् नेवाः एकताया निति सम्मेलन उपलब्धि मुलक जूगु खँ न्ह्यथनादीगु खः । नेवाः स्वायत्त राज्यया निति जुयाच्वंगु आन्दोलनयात कयाः थीथी मनूतय्सं व खलः पुचलं ब्वलंकाच्वंगु भ्रमत चीकेत ताःलाःगु बिचाः नेपाःया थीथी जिल्लाया प्रतिनिधिपिन्सं न्ह्यथनादीगु खः ।
वय्कःपिन्सं छुं नं जातिया स्वायत्त राज्य दुनेया ब्यागलं आदिवासी जनजातिया बाहुल्यता दुगु लागायात गुगु कथं स्वशासन बिइगु धैगु स्वरुपया बारे यक्व स्पष्ट जूगु खँ नं न्ह्यथनादीगु खः ।
थ्यं मथ्यं थीथी जिल्लाया स्वीम्हति प्रतिनिधितय्सं थःथःगु बिचाः प्वंकादीगु उगु ज्याझ्वलय् देय्न्यंकंया निसःम्ह मल्याक प्रतिनिधितय्सं ब्वति कयादीगु खः । ज्याझ्वलय् थीथी जिल्लाया प्रतिनिधितय्सं न्वंवायेगु झ्वलय् मोरङ जिल्लां प्रतिनिधि यानादीम्ह छत्र बहादुर श्रेष्ठं नेवाः राष्ट्रिय राजनीतिक सम्मेलनया अनुभवयात कयाः च्वयादीगु चिनाखँ न्यंकादीगु खः । ज्याझ्वलय् कवि राजभाई जःकमि नं थःगु नुगःखँ तयादीगु खः ।
ज्याझ्वलय् नेकपा एमालेया केन्द्रीय दुजः राजेन्द्र श्रेष्ठं नेवाः स्वायत्त राज्य दुने नं नेवाः राज्यं पिनेच्वंपिं नेवाःतय्त सांस्कृतिक एकताया ल्याखं व्यवस्थापिका कार्यपालिका व न्यायपालिकाय् तकं जनसंख्याया आधारय् प्रतिनिधित्व याकेफैगु अवधारणा थःपिन्सं तयार यानागु खः धकाः धयादिल ।
नेवाः देय् दबूया नायः नरेश ताम्रकारया सभापतित्वय् जूगु उगु ज्याझ्वलय् नेपाली कांग्रेसया सभासद् तिर्थराम डंगोलं नेवाःत धैगु जाति मखु राष्ट्र खः धयादिसें म्हिगः तक राजनीतिइ चासो मतइपिं नेवाःत आः गुगु कथं चासो तल उकि यानाः नेवाःतय्गु हक अधिकारया निति बल जूगु दु धकाः धयादिल । अथे हे नेवाः स्वायत्त राज्य मंकाः संघर्ष समितिया सचिवालयया कजि मल्ल के सुन्दरं नेवाः राष्ट्रिय राजनीतिक सम्मेलन यायेमाःगुया औचित्य व सम्मेलनं जूगु उपलब्धियात कयाः थःगु बिचाः प्वंकादीगु खः । थ्व हे दथुइ नेवाः राष्ट्रिय ल्याय्म्ह न्ह्यलुवापाखें नं म्हिगः आइतवाः नेवाः राष्ट्रिय राजनीतिक सम्मेलनय् ब्वति कयादीपिं जिल्लाया प्रतिनिधितय्त ब्यलि भ्वय् याःगु दु ।
No comments:
Post a Comment