[ 21-12-2010 16:17:7 ]
येँ(सन्ध्या टाइम्स)/संविधानसभाया राज्य पुनर्संरचना नापं राज्य शक्ति बाँडफाँड समितिं म्हिगः थःगु हे प्रतिवेदनयात लिच्वः लाकेगु कथं याःगु अन्तर्क्रिया छगू कथं षडयन्त्र खः धकाः उगु हे समितिया दुजः नापं सभासद् डा. मंगलसिद्धि मानन्धरं धयादीगु दु। वय्कलं थःपिंसं हे तयार यानाः संविधानसभायात लःल्हाये धुंकूगु प्रतिवेदनयात कयाः 'कथित बुद्धिजीवीतय्त' सःताः अन्तर्क्रिया याःगु बिल्कुल हे गलत ज्या खः धकाः नं धयादिल। थःपिंलिसे सहलह हे मब्याकुसे समितिं अज्याःगु अन्तर्क्रिया यात धयादिसें वय्कलं समितिं तयार याःगु १४ प्रदेश सहितया राज्य पुनर्संरचनाया विरुद्ध थ्व ज्या जूगु टिप्पणी नं यानादिल।
म्हिगः सिंहदरवारय् सःतूपिं मनूत संघीयता सम्बन्धी गुगुं नं कथंया बुद्धिजीवी वा विज्ञ मखु धकाः दावी यासें वय्कलं राज्यया पुनर्संरचना भूगोल, सामर्थ्यता, आर्थिक आधारय् मखु राष्ट्रया आधारय् हे यायेमाः धकाः नं धयादिल। वय्कलं धयादिल, 'राष्ट्र धइगु जाति खः, विभाजन थ्वहे आधारय् जुइमाः।'
म्हिगः सिंहदरवारय् सःतूपिं मनूत संघीयता सम्बन्धी गुगुं नं कथंया बुद्धिजीवी वा विज्ञ मखु धकाः दावी यासें वय्कलं राज्यया पुनर्संरचना भूगोल, सामर्थ्यता, आर्थिक आधारय् मखु राष्ट्रया आधारय् हे यायेमाः धकाः नं धयादिल। वय्कलं धयादिल, 'राष्ट्र धइगु जाति खः, विभाजन थ्वहे आधारय् जुइमाः।'
No comments:
Post a Comment