POSTED ON SUN DEC 26, 2010 9:20 PM NST
किपू (सन्ध्या टाइम्स)/ त्रिवि विरुद्ध आन्दोलन याना वयाच्वंगु नेवाः स्वायत्त राज्य मंकाः परिषद किपूपाखें आः माःगु कथं तयारी यानाः अझ सशक्त आन्दोलन यायेगु नितिं वइगु मंगलवाः तयारी भेला याइगु जूगु दु। किपुलिइ क्रियाशिल जुयाच्वंगु राजनीतिक दलत नापं दुथ्याकाः सर्वपक्षिय समिति दयेकाः त्रिवियात लःल्हानातःगु थःपिनिगु माग पूवंके बीगु नितिं हे परिषदं आन्दोलन याना वयाच्वंगु खः। आः वइगु मंगलवाः किपुलिइ क्रियाशिल जुयाच्वंगु राजनीतिक दल, खलः पुचः नापं थीथी ख्यःया मनूतय्गु तःधंगु भेला यानाः आन्दोलनयात न्हूकथं न्ह्याका यंकेगु तयारी जुयाच्वंगु नेवाः स्वायत्त राज्य मंकाः परिषद् किपूपाखें धाःगु दु ।
No comments:
Post a Comment