POSTED ON THU JAN 6, 2011 5:04 PM NST
येँ (सन्ध्या टाइम्स)/आः दयेकेत्यंगु न्हूगु संविधानय् नेपाल संवत् नं उल्लेख यायेमाः धइगु विवादं यानाः आः संविधानय् छुं हे संवत् उल्लेख मयाइगु जूगु दु। म्हिगः जूगु २७ दलया बैठकय् थ्व खँय् सहमति जूगु खः। नेपाः राष्ट्रिय पार्टीया सभासद् बुद्ध साय्मिं संविधानय् नेपाल संवत् नं उल्लेख यायेमाः धकाः प्रस्ताव तयादीगु खः। उकी विवाद जुइवं आः संविधानय् छुं हे संवत् मतसे 'नेपालको संविधान' धकाः जक च्वयेगु सहमति जूगु खः। उकिया पलेसा संविधानया व्याख्यात्मक टिप्पणीइ नेपाल संवत् लगायत नेपालय् प्रचलित फुक्कं संवत् उल्लेख यायेगु धकाः नं सहमति जूगु दु। थुकी राप्रपा नेपालं विरोध याःगु खः। अथे हे भाषाया सवालय् नं खस भाषायात 'नेपाली भाषा' धकाः मेमेगु भाषायात 'राष्ट्र भाषा' जक धाःगु खँय् नं सभासद साय्मिं 'खस नेपाली भाषा' धायेमाः व मेमेगु भाषायात नं नेपाली भाषा हे धायेमाः धकाः प्रस्ताव तयादीगु खः। उगु प्रस्तावय् नं मेमेगु भाषायात नेपाली भाषा धायेगु सहमति जूसां खय् भाय्यात 'खस' भाषा धायेत तयार मजूगु खः। उकी साय्मियात साथ बिसें मालेया सीपी मैनालीं नेपाली जक धाये मजिउ, छु नेपाली खः उल्लेख याये हे माः धकाः बः बियादीगु खः ।
No comments:
Post a Comment