POSTED ON SAT JAN 1, 2011 6:56 PM NST
येँ (सन्ध्या टाइम्स)/ नेपाल वायुसेवा निगमया कार्यकारी अध्यक्ष सुगतरत्न कंसाकारयात विमान न्यायेगु विषययात कयाः अख्तियार दुरुपयोग अनुसन्धान आयोगं भ्रष्टाचारया द्वपं बिसें मुद्दा दायर याःगु खँयात नेवाः जागरण मञ्चं षडयन्त्रपूर्ण ज्या धकाः कुंखिउँगु दु ।
विमान बिक्रेता कम्पनीयात निमय बमोजिम हे दां बैना बिया छ्वःगु ज्यायात नं भ्रष्टाचारया द्वपं बीगु धइगु छम्ह नेवाः समुदायया विशिष्ट व्यक्तित्वयात याःगु आक्रमण खः धकाः नं मञ्चं धाःगु दु। संयोजक सुजीव वज्राचार्यं छगू प्रेस विज्ञप्ति पिकासें अख्तियारया थ्व ज्यायात छम्ह होनहार राष्ट्रसेवकया चरित्रहत्या यायेगु, पर्यटन वर्षया न्ह्यःने तकं निगमयात विमानविहिन यानाः थ्व संस्थायात हे धरासायी याना छ्वयेगु षडयन्त्र खः धकाः नं धाःगु दु ।
वक्तव्यय् धयातःगु दु, 'यदि कंसाकारया कारणं निगम व राष्ट्रयात हानी जुइगु छुं ज्या जूगु खःसा वय्कःयात जनताया कठघराय् थनेत जिपिं नं तयार दु, तर अज्याःगु छुं सम्भावना मदयेक नं वय्कःयात कारवाही यानाः निगमयात छुं हानी जूवन धाःसा उकिया जिम्म वय्कःयात कारवाही याःपिंसं हे कायेत नं तयार जुइमाः ।'
विमान बिक्रेता कम्पनीयात निमय बमोजिम हे दां बैना बिया छ्वःगु ज्यायात नं भ्रष्टाचारया द्वपं बीगु धइगु छम्ह नेवाः समुदायया विशिष्ट व्यक्तित्वयात याःगु आक्रमण खः धकाः नं मञ्चं धाःगु दु। संयोजक सुजीव वज्राचार्यं छगू प्रेस विज्ञप्ति पिकासें अख्तियारया थ्व ज्यायात छम्ह होनहार राष्ट्रसेवकया चरित्रहत्या यायेगु, पर्यटन वर्षया न्ह्यःने तकं निगमयात विमानविहिन यानाः थ्व संस्थायात हे धरासायी याना छ्वयेगु षडयन्त्र खः धकाः नं धाःगु दु ।
वक्तव्यय् धयातःगु दु, 'यदि कंसाकारया कारणं निगम व राष्ट्रयात हानी जुइगु छुं ज्या जूगु खःसा वय्कःयात जनताया कठघराय् थनेत जिपिं नं तयार दु, तर अज्याःगु छुं सम्भावना मदयेक नं वय्कःयात कारवाही यानाः निगमयात छुं हानी जूवन धाःसा उकिया जिम्म वय्कःयात कारवाही याःपिंसं हे कायेत नं तयार जुइमाः ।'
No comments:
Post a Comment