नेवाः एकता दिवस

NEWANUGA

POSTED ON THU JAN 13, 2011 11:05 AM NST

Share13

यलया पुच्वःय् नेवाः एकता दिवस सुरु जूगु दु । नेवाः स्वायत्त राज्य घोषणा जूगु दच्छि क्यंगु लसताय् थौं नेवाः एकता दिवस हनाच्वंगु दु ।

- नेवाः स्वायत्त राज्य मंकाः संघर्ष समितिया नायः सानुराजा शाक्य पाखें मुंज्या क्वचायेकल ।

- ज्यापु महागुथि, केन्द्रीय कमिटिया मूछयााज्ये राजभाई जकःमिपाखें नं सुभाय् देछना ।
० युगं युग लिसें सामन्तितय्सं थःजात क्वःजात धकाः नेवाः समुदाययात यानाच्वंगु विभाजन क्वचाल ।
० नेवाः स्वायत्त राज्य मवसाः आः सांस्कृतिक बहिष्कार यायेगु घोषणा ।

- बौद्ध विहार संघ, यलया नायः बाबुराजा बज्राचार्यपाखें सुभाय् न्वचु ।
० बौद्ध विहार संघ याकनं हे संघर्ष समितिया झिगूगु घटक कथं जुइत्यंगु जानकारी ।

- लुंमका पतिइ दुथ्याकातःगु छुं छुं बुंदातः

० संघीयता, लोकतान्त्रिक गणतन्त्र व धर्मनिरिपेक्ष राज्ययात न्हूगु संविधानपाखें संस्थागत यायेगु ज्या जुइमाः ।
० संविधान सभाया राज्य पुनसंरचना व राजनीतिक शक्ति वाँडफाँड समितिपाखें थःगु प्रारम्भिक अवधारणाय् प्रदेशत दयेकेगु मू लिधासा म्हसिका व सामथ्र्य जुइ धकाः न्हृयब्वःगु प्रस्ताव सैद्धान्तिक ल्याखं पायछि जूगु तर समितिपाखें प्रस्तावित यानातःगु नेवाः प्रदेशया सीमाङ्कन भौगोलिक लागा, जनसंख्याया घनत्व, प्राकृतिक श्रोत साधनया उपलब्धता कथं चीधं जूगु व नेपालमण्डलया पुलांगु ऐतिहासिक पक्षयात नं कःघायेगु ज्या मजूगुलिं थुकिया लागा तःकू यानाः स्वायत्तता, स्वशासन, आत्मनिर्णय व अग्राधिकार दुगु नेवाः स्वायत्त राज्य सुनिश्चित जुइमाः ।
० नेवाः स्वायत्त राज्यदुनेया फुक्क प्राकृतिक श्रोतय् नेवाःतय् अग्राधिकार सुनिश्चित जुइमाः ।
० संघीय लोकतान्त्रिक गणतन्त्र नेपालय् केन्द्रीय सरकारय् छगूजक भाय्यात आधिकारिक भाय् कथं छयलेगु व नालेगु पाय्छि मखु, थुकी नेवाःतय् समर्थन मदु । वहुभाषिक देय्यात ल्वःकथं केन्द्रय् छगूसिबें उप्वः भाय्यात आधिकारिक भाय् कथं थाय् बीमाः ।
० क्वःछिनातःगु ईयादुने हे संविधान च्वयेगु क्वचायेकाः राज्यपुनःसंरचना व शान्ति प्रक्रियायात पाय्छि जुइक पूवंकेमा ।
० इलं मलाःगु वा मेगु गुगुं त्वहःचिनाः पितबीगु कथित 'संक्षिप्त संविधान' स्विकार्य मजुइगु व आः पितबीगु संविधान पूर्ण संविधान हे जुइमाः ।

- नेवाः ल्याय्म्ह न्हृयलुवाया नायः नरेश वीर शाक्यपाखें संविधानसभाया नायः सभाषचन्द्र नेम्वाङयात लःल्हाइगु लुमंका पौ ब्वना न्यंकेगु ज्या जुयाच्वन ।
* संविधानसभाया नायः नेम्वाङयात माघ २ गते लुमंका पौ लःल्हाइगु ज्याझ्वः दु ।

- मंकाः संघर्ष समितयिा सल्लाहकार प्रेमशान्ति तुलाधरपाखें भिंतुना न्वचु ।
० नेवाः समुदाय दुने जातिय विभेद क्वचाःगु घोषणा नापं आः लैङगि विभेद नं क्वचायेकेमाः ।
० नेवाः स्वायत्त राज्य दुने आः ५०-५० प्रतिशत मिसा व मिजंतय् ब्वति दय्माः ।

- बोडे घोषणापत्र

१. नेवाः स्वायत्तता, स्वशासन, आत्मनिर्णयया अधिकार व आदिवासी अग्राधिकार नापं नेवाः आदिभूमिइ नेवाःतय्गु थःगु हे राज्यया सुनिश्चितताया लिसेलिसें संघीय गणतन्त्रया संविधान इलय् हे च्वयाः जनताया संविधान सुनिश्चित यायेमाःगु खँय् सः थ्वयेकाच्वना ।

२. प्रस्तावित नेवाः राज्यया पिने च्वंपिं नेवाःतय्गु हकहित व अधिकारया नापं नेवाः राज्यय् समानुपातिक प्रतिनिधित्व सुनिश्चित जुइमाः । नापं वय्कःपिं च्वनाच्वंगु लागाय् बाहुल्यताया लिधंसाय् स्वायत्त क्षेत्रया अधिकार सुनिश्चित जुइमाः । थः च्वनाच्वंगु गैर नेवाः राज्य दुने नेवाःतय्त समानुपातिक प्रतिनिधित्व सुनिश्चित जुइमाः ।

३. संविधानसभाया राज्य पुनर्संरचना समितिं प्रस्तावित याःगु नेवाः प्रदेशया लागाया खँय् प्रादेशिक लागा तसकं मगाःमचाः जूगुलिं सम्भाब्यताया लिधंसाय् अझ तःकू व तब्या यायेमाःगु खँया सः थ्वयेकाच्वना ।

४. च्वय् न्ह्यथनागु अधिकार व राजनीतिक स्थितिया सुनिश्चितताया नितिं नेवाःत सकलें न्ह्यागु हे दल संघ संस्था व खलःपुचःया प्रतिनिधित्व यानाच्वंपिं न्ह्याथाय् च्वनाच्वंपिं जूसां थ्व 'घोषणा पौ'स न्ह्यथनातःगु व नेवाः राष्ट्रिय राजनीतिक सम्मेलनं क्वःछ्यूगु अवधारणा पौ कथंया अधिकार व थ्व सम्मेलनं क्वःछ्यूगु प्रस्तावतय् खँय् सकलें नेवाःत छधी छप्पँ खः धकाः घोषणा यानागु जुल ।

- लोकतान्त्रि नेवाः दबूया का.वा. नायः नेमसिंह नकःमिपोखं बोडे घोषणापत्र न्यंकाच्वन ।

- तत्कालिन हस्तक्षेकारी ज्याझ्वः

http://www.nepalmandal.com/content/11244.html

- नेवाः जागरण मञ्चया कजि सुजीव बज्राचार्यपाखें हस्तक्षेपया ज्याझ्वः ब्वनान्यंकाच्वन ।

- संघर्ष समितिया सचिवालय् कजि मल्ल के. सुन्दरपाखें नेवाः एकता दिवशया आजुया बारे थःगु न्वचु ।
० नेवाः राज्य धइगु म्हगसः मखु ऐतिहासिक प्रमाण खः ।
० संविधानसभाया निंतिं जनदबाव बीगु नापं न्हूगु संविधानय् नेवाः स्वायत्त राज्य दुथ्याकेमाः धकाः सभासद्तय्त खबरदारी बीत थौं नेवाः एकता दिवस ।
० संविधानसभाया व सभासद्तय्त खबरदारी यायेत नेवाःत छप्पं मजुइकं मगाःगुलिं नेवाःत दथुइ थःजात क्वःजात मदुगु प्रतिबद्धता प्वंकेत थौं नेवाः एकता दिवस हनेमाःगु ।

इलंहाःगु समसामायिक प्रस्ताव

http://www.nepalmandal.com/content/11245.html

- नेवाः देय् गुथि नेपालमण्डलया नायः नरेन्द्रभक्त हाडापाखें इलंहाःगु समसामायिक प्रस्ताव न्ह्यब्वयाच्वन ।

- जुलुस यल देय् चाहिलाः पुच्वःय् थ्यंगु दु । हानं सभा न्ह्यात ।

- सभायात दथुइ दिका: एकता जुलुस न्ह्यात । जुलुस नःत्वाः, महापाल, मंगलबजाः जुया बुंगद्य चाःहिकीगु लँपु जुयाः हानं पुच्वःय् वयाः हानं ल्यं दुगु ज्याझ्व: याइ ।

- प्रतिबद्धतापौ
नेवाः स्वायत्त राज्य मंकाः संघर्ष समितिया ग्वसालय् थ्वहे कछलागा १२ व १३ निन्हुयंक मध्यपुर थिमि नगरपालिकाया बोडेय् जूगु नेवाः राष्ट्रिय राजनीतिक सम्मेलनय् देय्या थीथी खुइगू सिबें उप्वः जिल्लापाखें ब्वतिकाःपिं नेवाः प्रतिनिधिपिंसं नेवाः समाजय् ऐतिहासिक कालंनिस थीथी कारणं अले थीथी स्वरुपय् ल्ष्नाच्वगु जात जातया दथुइ विभेदया व्यवहारयात अवैज्ञानिक अमानवीय व इलं ल्वःकथं मजूगु व संघीय लोकतान्त्रिक गणतन्त्र नेपाः दुने नेवाः स्वायत्त राज्य निस्वनेगु नेवाः आन्दोलनया भावन कथं पाय्छि मजूगु तायेकाः आविलं उकीयात गुगु कथं नालेगु जुइमखु धकाः सर्वसम्मतं याःगु घोषणायात नेवाः एकताया मू लिधंसा कथं नालाकासें नेवाः समुदाय दुनेया जिपिं सकल जातया खल पुचः संस्थाया आधिकारीक प्रतिनिधिपिनि पाखें थौं ११३१ पोहेलाथ्व ९ बिहीवाः न्हिनय् यलया पुच्वः दुवातय् नेवाः स्वायत्त राज्य मंकाः संघर्ष समितिया ग्वसालय् जूगु नेवाः एकता दिवसया थ्व ऐतिहासिक विशाल आमसभाया दबुलिं मंकाः कथं सार्वजनिक अनुमोदन यासें उकथंया प्रतिबद्धता प्वंकागु जुल ।

- प्रतिबद्धतापौलय् थीथी जातीय प्रतिनिधितय्सं ल्हा:चिं ।

- नेवाः देय् दबूया नायः नरेश ताम्रकारं थीथी जातीया प्रतिनिधितय्त जाती विभेड क्वचाःगु प्रतिबद्धता याकाच्वन ।

- जयस्थिति मल्लं नेवाः समुदाय दुने जारी याःगु जातीय प्रथायात क्वचा:गु घोषणा प्रति थीथी जातिया खलः पुचःया प्रतिनिधितय्सं प्रतिबद्धता प्वंकेत मंचय् ब्वनाच्वन ।

- लसकुस न्वचू - प्रेम महर्जन, कजि नेवाः एकता दिवस ब्यवस्थापन समिति यल
० नेवाः समुदय दुने दुगु जातीय विभेद क्वचायेकाः ताः तुनाः व नेवाः स्वायत्त राज्य दुथ्याःगु न्हूगु संविधान इलय् हे च्वयेत दबाव बीगु निंतिं थौं नेवाः एकता दिवस ।

- नेवाः राष्ट्रिय म्ये

- नेपाःया राष्ट्रिय म्ये

आशग ग्रहण

नायः, नेवाः स्वायत्त राज्य मंकाः संघर्ष समिति, सानुराजा शाक्य

विशिष्ट पाहाँपिं
सत्यमोहन जोशी
नरवहादुर कर्माचार्य
सिद्धिलाल सिंह
वेखारत्न शाक्य
देववहादुर डंगोल

सल्लाहकारपिं
पद्मरत्न तुलाधर
माणिकलाल श्रेष्ठ
तीर्थराम डंगोल
हितमान शाक्य
राजेन्द्र श्रेष्ठ
डा. केशवमान शाक्य
भीमसेनदास प्रधान
प्रेमशान्ति तुलाधर
डा. महेशमान श्रेष्ठ

सभासदिपं

नायःपिं
दिलबहादुर श्रेष्ठ, नायः एकिकृत नेवाः राष्ट्रिय मुक्ति मोर्चा नेपाः
नरेन्द्रभक्त हाडा, नायः नेवाः देय् गुथि नेपालमण्डल
नरेश ताम्राकार, नायः नेवाः देय् दबू
सुजीव बज्राचार्य, कजि नेवाः जागरण म‌ंच
बुद्धिलाल ज्यापु, न्वकूः ज्यापु महागुथि
नरेश वीर शाक्य नायः नेवाः ल्यायम्ह न्ह्यलुवाः
रामकाजी अवाले, नायः ज्यापु समाज यल
नेमिसंह नकःमि, का।वा। नायः लोकतान्त्रिक नेवाः दबू
मल्ल के। सुन्दर, कजि नेवाः स्वायत्त राज्य मंकाः संघर्ष समिति सचिवालय
बाबुराजा बज्राचार्य, नायः बौद्ध विहार संघ यल
प्रेम महर्जन, कजि नेवाः एकता दिवस ब्यवस्थापन समिति यल
नीलकेशरी श्रेष्ठ, नायः नेवाः स्वायत्त राज्य मंकाः संघर्ष समिति यल

- सांस्कृतिक ज्याझ्वः क्वचाल । आः औपचारिक ज्याझ्वः न्ह्यात ।



- नेवाः लोकतान्त्रिक संघपाखें पिदंगु नेवाः राजनीतिक सम्मेलनया भिसिडि व संचार नेपालया पिथना न्हूगु लय्पौ 'पाचिना' नेपालभाषा एकाडेमिया चान्सलर सत्यमोहन जोशीपाखें पितब्वज्या ।

- पुच्वः दोबातय् सांस्कृतिक ज्याझ्वः जुयाच्वंगु दु ।

http://www.nepalmandal.com/content/12149.html

यलय् नेवाः एकता दिवस हन

[ 13-1-2011 21:35:54 ]

यल(सन्ध्या टाइम्स)/थगुने जूगु नेवाः स्वायत्त राज्य घोषणाया लुमंति कथं थौं यलया पूच्वय् छगू तःजिगु ज्याझ्वः यासें नेवाः एकता दिवस न्यायेकल। पूच्वया दुवातय् तुं दबू ग्वयाः याःगु उगु ज्याझ्वलय् स्वनिगःया द्वलंद्वः नेवाःतय्सं ब्वति कयाच्वंगु दु।
ज्याझ्वलय् ज्याझ्वः व्यवस्थापन समितिया कजि लिसें ज्यापु समाज यलया छ्यांज्ये प्रेम महर्जनं बोडेय् जूगु नेवाः राजनीतिक सम्मेलनया घोषणापत्रय् प्रतिवद्धता प्वंकेत तयादीगु प्रस्तावयात अनुमोदन याःगु खः। उगु हे ज्याझ्वलय् संस्कृतिविद् सत्यमोहन जोशीं 'पाचिना' नांगु लय्पौ व बोडेय् जूगु राजनैतिक सम्मेलनया सीडी विमोचन यानादीगु खः। ज्याझ्वः शुरु जुइ न्ह्यः सांस्कृतिक ज्याझ्वः नं जूगु खः। ज्याझ्वः नेवाः स्वायत्त राज्य मंकाः संघर्ष समितिया वर्तमान नायः सानुराजा शाक्यया सभापतित्वय् जूगु खः। ज्याझ्वः शुरु जुइ न्ह्यः नेपाःया राष्ट्रिय गान व नेवाः राष्ट्रिय म्येँ हालेगु लिसें थीथी सहिदपिनि लुमंतिइ मौन धारणया ज्या नं जूगु खः।
थुलि ज्याझ्वः जुइवं अनं तुं जुलुस पिकासें यल देय् चाःहिउगु खः।जुलुसं बुंगद्यः चाःहिलीगु रुट चाःहिलाः हानं पूच्वय् तुं थ्यंकाः ल्यं दुगु ज्याझ्वः याइगु ग्वसाः दु।
थौंया ज्याझ्वलय् संघर्ष समितिया थीथी घटकया नायःत मध्ये नरेन्द्रभक्त हाडां इलं हाःगु प्रस्ताव न्ह्यब्वइगु ग्वसाः दुसा सुजीव वज्राचार्यं हस्तक्षेपकारी ज्याझ्वःया प्रस्ताव, नेमसिं नकःमिं बोडे घोषणाया प्रस्ताव, नरेशवीर शाक्यं लुमंका पौ न्ह्यब्वइगु ज्याझ्वः दु। अथे संघर्ष समिति सचिवालयया छ्यांज्ये मल्ल के. सुन्दरं नेवाः एकता दिवसया आज्जु न्ह्यब्वयादीसा सल्लाहकार प्रेमशान्ति तुलाधरपाखें भिंतुना व बाबुराजा वज्राचार्य व राजभाई जकःमिपाखें सुभाय् देछायेगु ज्याझ्वः जुइ।

http://www.newanepa.com/show_news.php?id=3377&catid=

नेवाः समुदाय दुने जातिय विभेद क्वचाल

NEWANUGA

POSTED ON FRI JAN 14, 2011 9:47 AM NST

Share

नेवाः समुदाय दुनेया थीथी जातिय संगठनतय्सं नेवाःत दुने जातिय विभेद क्वचाःगु घोषणा याःगु दु ।

जनस्तरं नेवाः स्वायत्त राज्य घोषण याःगु दच्छि पूवंगु लसताय् बिहीवाः यलया पुच्वः नेवाः स्वायत्त राज्य मंकाः संघर्ष समितिं ग्वसाः ग्वःगु नेवाः एकता दिवसय् थीथी २९गू जातिय संगठनया छम्ह छम्ह मिसा व मिजं आधिकारीक प्रतिनिधितय्सं उगु प्रतिबद्धता प्वंककूगु खः ।

वंगु कछलागा १२ व १३ कुन्हु बोडय् जयस्थिति मल्लं नेवाः समुदाय दुने जारी याःगु जातिय प्रथायात क्वचाःगु घोषणा याःगु खः । उकीयात हे बिहीवाः अनुमोदन याये कथं जातिय खलः पुचःया प्रतिनिधितय्सं अनुमोदन याःगु खः । नेवाः देय् दबूया नायः नरेश ताम्रकारं उगु प्रतिबद्धता याकादीगु खः ।

संघर्ष समितिया नायः सानुराजा शाक्यया सभापतित्वय् जूगु ज्याझ्वलय् संघर्ष समितिया सचिवालय कजि मल्ल के. सुन्दरं न्हूगु संविधानय् नेवाः स्वायत्त राज्य दुथ्याकेगु कथं थुगु एकता दिवस हनाच्वंगु धयादिसें उकीया निंतिं दकलय् न्हापां नेवाःत दथुइ हे एकता आवश्यक जूगु धयादिल ।

अथेहे संघर्ष समितिया सल्लाहकार प्रेमशान्ति तुलाधरं नेवाः समुदाय दुने जातिय विभेद क्वचाःगु घोषणा नापं लैङकि विभेद क्वचाःगु घोषणा नं जुइमाःगु माग यानादिल । ज्यापु महागुथीया मूछ्याञ्जे राजभाइ जःकमिं जातिय विभेद क्वचाःगु घोषणा जक जुयां मगाः जातिय विभेद याइपिंसं माफी नं फ्वनेमाःगु व उकीयात व्यवहारय् नं लागु यायेमाःगु धयादिल । बौद्ध विहार संघ यलया नायः बाबुराजा बज्राचार्य आः याकनं हे नेवाः स्वायत्त राज्यया आन्दोलनय् बौद्ध विहार संघ नं सक्रिय जुयाः न्हृयाः वयेत्यंगु जानकारी बियादिल ।

ज्याझ्वलय् बोडे क्वचाःगु नेवाः राजनीतिक सम्मेलनय् जारी बोडे घोषणा पत्र, इलंहाःगु राजनीतिक प्रस्ताव व तत्कालीन हस्तक्षेपकारी निर्णय नं ब्वना न्यंकूगु खः ।

औपचारीक ज्याझ्वः न्ह्यः थीथी खलः पुचलं सांस्कृतिक ज्याझ्वः न्ह्यब्वःगु खःसा उगु हे इलय् नेवाः राजनीतिक सम्मेलनया भिसीडि व नेपालभाषाया न्हूगु लय्पौ पाचिना नेपालभाषाया चान्सलर सत्यमोहन जोशीं उलेज्या यानादीगु खः । सम्मेलनया भिसिडी नेवाः लोकतान्त्रिक संघया पिथनाय् वःगु खःसा पाचिना संचार नेपाल प्रा लिया पिथनाय् पिहांवःगु खः ।

अथेहे ज्याझ्वलय् थीथी खलः पुचतय्सं जातिय विभेद क्वचाःगुयात अनुमोदन यायेधुंकाः छगू तःजिगू जुलुस यल देय् चाह्यूगु खः । द्वलंद्वः मनूतय्सं ब्वति काःगु जुलुस बुंगःद्यः सालीगु रुट चाहीला हानं पुच्वःय् वयाः सभाय् ह्यूगु खः ।

http://www.nepalmandal.com/content/12152.html

नेवाः स्वायत्त राज्यया नितिं शक्ति प्रदर्शन

POSTED ON FRI JAN 14, 2011 12:09 PM NST

Share

किपुलिइ स्वशासनया अभ्यास यायेगु घोषणा

यल (झीगु स्वनिगः)

संघीय गणतान्त्रिक नेपालय् नेवाः स्वायत्त राज्यया सुनिश्चितताया नितिं आन्दोलन यानाः वयाच्वंगु नेवाः स्वायत्त राज्य मंकाः संघर्ष समितिं म्हिगः यलया पूच्वय् नेवाः एकता दिवस हनेगु झ्वलय् आः नेवाः स्वायत्त राज्यया अवधारणा कथं स्थानीय निकायसं अभ्यास यायेगु झ्वलय् आः दक्ले न्हापां किपू नगरपालिकाय् यायेगु धकाः घोषणा याःगु दु । मंकाः संघर्ष समितिया सचिवालय्या कजि मल्ल के सुन्दरं नेवाः एकता दिवसया सवालय् न्वंवायेगु झ्वलय् आः नेवाः स्वायत्त राज्यया अवधारणा कथं किपुलिइ अभ्यास यायेगु धकाः औपचारिक रुपं हे घोषणा यानादीगु खः । मंकाः संघर्ष समितिया नायः सानुराजा शाक्यया सभापतित्वय् जूगु उगु ज्याझ्वलय् आवंलि नेवाः दुने जातजातिया विभेद मदु धकाः नेवाः राष्ट्रिय राजनीतिक सम्मेलनं पारितयाःगु यात नेवाःतय्गु थीथी जात जातिया प्रतिनिधितय्सं सार्वजनिक रुपं उकियात अनुमोदन यानागु जुल धकाः प्रतिबद्धता प्वंकेगु ज्या जूगु खः । 

उगु ज्याझ्वलय् वइगु माघ ३ गते लुमन्ति पौ लःल्हायेगु घोषणा नं याःगु खः । नेवाः स्वायत्त राज्यया सुनिश्चिता, धर्म निरपेक्षता व गणतन्त्रयात संस्थागत यायेमाःगु, नेवाः स्वायत्त राज्य दुने नेवाःतय्गु अग्राधिकार दयेमाःगु नापं थीथी कथंया खँ दुथ्याकाः अथे लुमन्ति पौ बिइगु धकाः घोषणा याःगु खःसा उगु पौ नेवाः ल्याय्म्ह न्ह्यलुवाःया नायः नरेशवीर शाक्यं ब्वना न्यंकादीगु खः । मंकाः संघर्ष समितिया सल्लाहकार प्रेमशान्ति तुलाधरं नेवाः समुदाय दुने जातीय विभेद क्वचाःगु घोषणा नापं लैंङगिक विभेद नं क्वचायेमाः धयादिसें नेवाः स्वायत्त राज्य दुने बच्छि मिसा बच्छि मिजं जुइमाः धकाः बहः बियादिल । लोकतान्त्रिक नेवाः दबूया नायः नेमसिंह नकःमिं बोडे घोषणा पौ न्यंकादीगु खः । नेवाः जागरण मञ्चया कजि सुजीव बज्राचार्यं नेवाः राष्ट्रिय राजनीतिक सम्मेलनपाखें पारित याःगु स्थानीय निकायसं हस्तक्षेपकारी ज्याझ्वः ब्वनाः न्यंकादीगु खः । नेवाः देय् गुथि नेपाल मण्डलया नायः नरेन्द्रभक्त हाडां इलंहाःगु समसामयिक प्रस्ताव न्ह्यब्वयादीगु खः । नेवाः देय् दबूया नायः नरेश ताम्रकारं थीथी जातिया प्रतिनिधितय् जातीय विभेद क्वःचाःगु प्रतिबद्धता प्वंकादीगु खः । ज्याझ्वलय् नेवाः एकता दिवस व्यवस्थापन समितिया कजि प्रेम महर्जनं लसकुस न्वचु बियादीगु खः । अथे हे सुभाय् न्वचु बिइगु झ्वलय् ज्यापु महागुथिया मूछ्याञ्जे राजभाई जकःमिं नेवाः स्वायत्त राज्य मवल धाःसा आः सांस्कृतिक बहिस्कार यायेगु जुइ धकाः घोषणा यानादिल । उगु हे कथं बौद्ध विहार संघ यलया नायः बाबुराजा बज्राचार्यं सुभाय् न्वचु बियादीगु खः । 

थीथी कथंया सांस्कृतिक बाजं नापं थःथःगु ब्यानर ज्वनाः ब्वति काःगु द्वलंद्वः नेवाःतय्सं ब्वतिकाःगु खःसा यलया पूच्वय् मुनाः औपचारिक रुपं ज्याझ्वः न्ह्याके धुंकाः जुलुस यलया थाय् थासय् चाःहिलाः हाकनं पूच्वय् हे थ्यंकाः सभा यानाः क्वचायेकूगु खः । स्वनिगःया येँ, यल, ख्वप, थिमि, किपू नापं गां गामं व थाय्थासं द्वलंद्वः नेवाःत सतकय् उगु कथं क्वहांवःगु धैगु नेवाः स्वायत्त राज्यया नितिं छगू कथं शक्ति प्रदर्शन खः धाःसां छुं पाइमखु ।

http://www.nepalmandal.com/content/12155.html

नेपाल मण्डल घोषणाको वार्षिकोत्सवमा सभा

पदम श्रेष्ठ, (काठमाडौं), नेवाः स्वायत्त इलाकामा नेवार नै शासक हुन पाउनुपर्ने भन्दै नेवाः राज्य नेपाल मण्डल घोषणाको वार्षिकोत्सवमा स्मरणसहित बिहीबार ललितपुरको पुल्चोकमा बृहत् नेवाः एकता दिवस मनाइयो।

ने.सं. ११३१ कछलागा ११ र १२ मंसिर १७ र १८ गते भक्तपुरको बोडेमा आयोजित नेवाः राष्ट्रिय राजनीतिक सम्मेलनले पारित गरेको घोषणापत्र कार्यान्वयन गर्ने आफैंभित्रका विभेद उच-निच धनी-गरिबलगायतका सवाललाई सुधार गर्नुपर्ने आवश्यकता महसुस गर्दै बिहीबार सो एकता दिवस मनाइएको हो।

सो अवसरमा विभिन्न जातीय संस्थाका अध्यक्षहरुले एक साथ विभेद अन्त्यको घोषणा गरेका थिए। यसरी विभेद अन्त्यको घोषणा गर्नेहरुमा स्यस्यः समाजका अध्यक्ष भरतलाल श्रेष्ठ शौजन्य सुल्प्या जोशी वज्राचार्य देय् आचाजु गुथिका अनारवज्र र विन्दु वज्राचार्य वज्राचार्य संरक्षण गुथिका फणिन्द्ररत्न वज्राचार्य र सरस्वती वज्राचार्य राजोपाध्याय समाजका वदन ज्वालानन्द राजोपाध्याय उदाय समाजका प्रेमरत्न र प्रेमहिरा तुलाधर कपाली समाजका शंकरप्रसाद दर्शनधारी र डा. सुर्दशना दर्शनाधारी कसाः तैध गुथिका स्वयम् वीररत्न कंसाकार नेपाल खड्गी समाजका मनोज नेवाः खड्गी र अंजिता खड्गी पुं समाजबाट शान्त चित्रकार र विद्या हुनुहुन्थ्यो।

त्यसै गरी ज्यापु महागुथिका अध्यक्ष रामबहादुर महर्जन रत्नकुमारी महर्जन ज्यापु समाज यलका रामकाजी अवाले र सविता महर्जन ताम्राकार समाजबाट अमिररत्न र शिलशोभा द्योला समाजका अध्यक्ष शिवहरि द्योला र बसुमाया नकर्मी समाजबाट जितेन्द्र र अंजना राजकर्णिकार समाजबाट गौतम राजकर्णिकार प्रजिता राजकर्णिकारले नेवाः एकताका लागि भेद मुक्तिको घोषणा गर्नुभयो। त्यसैबीच सो सभामा प्रजापति समाजका अध्यक्ष गणेशमान लाछी विनु प्रजापति पुतुवार समाजका सागर पुतुवार र किपुमाया वाराही समाजबाट रामकृष्ण वाराही केन्द्रीय मानन्धर संघका अध्यक्ष न्हुच्छेबहादुर मानन्धर र सुशीला रंजितकार समाजबाट सचिव कुमार रंजित धोवि रजक समाजबाट रमेश कनौजियालगायत २९ वटा नेवार जातीय संस्थाका प्रतिनिधिहरुले भेद मुक्तिको घोषणा गरेका थिए।

नेवारहरुको राष्ट्रिय संगठन नेवाः देय दबूका अध्यक्ष नरेश ताम्राकारले भटुउनुभएको प्रतिबद्धता पत्रलाई जातीय संस्थाका अध्यक्ष तथा प्रतिनिधिहरुले दोहोर्याएका थिए। सांस्कृतिक बाजागाजासहित विश्वकै सबैभन्दा लामो समयसम्म चल्ने रातो मच्छिन्द्रनाथ रथारोहण हुने मार्ग पुल्चोकबाट गाःबहाल मंगलबार सुन्धारा थैना लगनखेल इति जावलाखेल हुँदै र्याली पुनः पुल्चोकमा आयोजित घोषणासभामा परिणत भएको थियो।

र्यालीमा सहभागी हुन नेवाःदेय दबू ज्यापु महागुथि सुन्धारा काठमाडौंबाट एमालेको भ्रातृ संगठन नेपाः लोकतान्त्रिक नेवाः संघ नेवाः देगु नेपाल मण्डल कांग्रेसको भ्रातृ संगठन लोकतान्त्रिक नेवाः दबू त्रिपुरेश्वरबाट माओवादीको भ्रातृ संगठन एकीकृत नेवाः राष्ट्रिय मुक्ति मोर्चा कुपन्डोलबाट र भक्तपुरवासी नेवार जातीय भाषिक संघसंस्थहरु ललितपुरको ग्वार्कोबाट पुल्चोक पुगेका थिए।

संविधान निर्माणमा जोड
काठमाडौं, (नेस), नेवाः राजनीतिक सम्मेलनद्वारा पारित र ललितपुरको स्मरणपत्र माघ २ गते एक बृहत् र्यालीका बीच संविधान सभाका अध्यक्ष सुवासचन्द्र नेम्वाङलाई बुझाउने भएको छ।

संस्कृतिविद् सत्यमोहन जोशी नेपाल कम्युनिस्ट पार्टीका संस्थापक नरबहादुर कर्माचार्य पूर्वमन्त्री सिद्धिलाल िसंह नेपाली कांग्रेसका नेता बेखारत्न शाक्य र देवबहादुर डंगोललगायतका विशिष्ट व्यक्तिहरुको उपस्थिति नेवाः स्वायत्त राज्य मङका संघर्ष समितिका अध्यक्ष सानुराजा शाक्यको सभापतित्वमा आयोजित सभामा नेवार नेताहरुले नेवाः स्वायत्त राज्य स्थापना नभएसम्म आन्दोलन जारी रहने प्रतिबद्धता व्यक्त गरेका थिए।

संघर्ष समितिका संयोजक मल्ल के सुन्दरले संघीय स्वायत्त राज्य स्रोत सम्पदामाथि स्थानीय अग्राधिकार कसैको दयामायाबाट होइन विश्वव्यापी अनुबन्ध आईएलओ महासन्धि १६९ ले दिएको अधिकार भएको जिकिर गर्नुभएको थियो।

नेवाः देय गुथि नेपाल मण्डलका अध्यक्ष नरेन्द्रभक्त हाडाले भक्तपुरको ठिमीमा जारी भएको पाँचबुँदे घोषणापत्र स्मरण गराउनुभएको सो सभामा नेवाः जागरण माचका संयोजक सुजित वज्राचार्यले संविधान सभाका लागि नेवारहरुको साझा तत्कालीन हस्तक्षेपकारी प्रस्ताव प्रस्तुत गर्नुभएको थियो।

स्मरण पत्रमा भनिएको संघीयता लोकतान्त्रिक गणतन्त्र धर्म निरपेक्षतालाई संविधानमा सुनिश्चित गर्नुपर्ने संविधान र सामथ्र्यका आधारमा संघीयता सैद्धान्तिक रुपमा भए पनि नेवाः प्रदेशको सीमाङ्कन भौगोलिक जनसंख्याको घनत्वप्रति सम्पदाको दृष्टिकोणबाट सानो भएको हुँदा नेपाल मण्डलको प्राचीन ऐतिहासिक सिमाना जोडिनुपर्ने केन्द्रीय सरकारमा एक मात्र खस भाषालाई आधिकारिक भाषाका रुपमा नभई सबै राष्ट्रिय भाषालाई मान्यता दिइनुपर्ने र भोट अधिकार एक मात्र नागरिकताको आधारमा दिन माग गरिएको छ।

स्मरण पत्रमा नेपाल संवत्लाई संविधानमा राष्ट्रिय मान्यता दिन कथित संक्षिप्त संविधान खारेज गरी समयमा नै पूर्ण संविधान बनाउन माग गरिएको छ।

http://newsofnepal.com/detailnews.php?type=mahanagar&id=10577

नेवाः छप्पँ जुयाः राज्ययात चेतावनी

POSTED ON FRI JAN 14, 2011 5:34 PM NST

Share

यल (सन्ध्या टाइम्स)/नेवाः स्वायत्त राज्य मंकाः संघर्ष समितिया ग्वसालय् म्हिगः यलया पूच्वय् नेवाः एकता दिवस हनेगु ज्या जुल ।

संघर्ष समितिया वर्तमान नायः सानुराजा शाक्यया सभापतित्वय् जूगु उगु ज्याझ्वलय् न्ववासें संघर्ष समिति सचिवालयया सचिव मल्ल के. सुन्दरं नेवाःतय्सं थौं थःपिनि स्वायत्त शासन माग यानाच्वंगु धइगु अथें मखु, थ्व अन्तर्राष्ट्रिय श्रम संगठनया सन्धि १६९ कथं नं प्राप्त जुइगु अधिकार खः धासें यदि इलय् संविधान पिहां मवल धाःसा उकिया लिच्वः बांलाइ मखु धकाः ६०१ म्ह सभासद्तय्त चेतावनी बीत नं थौंया ज्याझ्वः यानागु खः धयादिल ।

संघर्ष समितिया छगू घटक नेवाः देय्गुथि नेपालमण्डलया नायः नरेन्द्रभक्त हाडां थौंया ज्याझ्वः नेवाःतय् रहरं हनाच्वंगु मखु, आन्दोलन कथं हनाच्वनागु खः धासें नागरिकताय् नेवाःतय् भाय्यात नेपालभाषा धकाः च्वयेमाः धयादिल ।

नेवाः जागरण मञ्चया नायः सुजीव वज्राचार्यं संघर्ष समितिया हस्तक्षेपकारी ज्याझ्वः न्ह्यब्वसें स्वनिगःया फुक्कं नगरपालिकाया कर्मचारी रैथाने नेवाः जुइमाः धकाः माग यानादिल ।

लोकतान्त्रिक नेवाः दबूया कार्यवाहक नायः नियम सिंहं बोडे घोषणा पत्र ब्वनाः न्यंकुसें उगु घोषणापत्र प्रति सकलें नेवाः व नेवाः खलः पुचःत प्रतिवद्ध दु धयादिल। 
संघर्ष समितिया सल्लाहकार प्रा. प्रेमशान्ति तुलाधरं नेवाःतय् दथुइ कायम जुयाच्वंगु जातीय व लैंगिक विभेदयात समेत चीकेगु लागिं कुतः यायेमाः धासें थौं नेवाःत राजनीतिक रुपं नं सचेत जुया वःगु खँ कुलादिल। 
नेवाः ल्याय्म्ह न्ह्यलुवाया नायः नरेशवीर शाक्यं संघर्ष समितिपाखें सरकारयात लःल्हाःगु स्मरणपत्र ब्वनाः न्यंकुसें बियातःगु ईया दुने हे न्हूगु संविधान जारी यायेत इनाप यानादिल ।

ज्यापु महागुथिया महासचिव राजभाई जकःमिं सुभाय् देछासें ज्यापुतय्त तःसिंनं बिउगु दुःख, क्वजात धाःपिंत थजात धाःपिंसं बिउगु दुःख ल्वःमंकाः थौं नेवाःत छप्पँ जूवःगु दु धासें यदि नेवाःतय् थ्व एकतायात राज्यं वेवास्ता यात धाःसा ज्यापुतय्सं राज्ययात सांस्कृतिक बहिष्कार यानाः सिंहदरवार घेरे याइ धयादिल ।

म्हिगःया सभा न्ह्यः छगू जुलुस पिकयाः बुंगद्यः सालीगु रुट लाकाः चाःहिउगु खः ।

http://www.nepalmandal.com/content/12193.html