[ 16-1-2011 14:35:34 ]
येँ(सन्ध्या टाइम्स)/नेवाः स्वायत्त राज्य मंकाः संघर्ष समितिया छगू प्रतिनिधि मण्डलं थौं सभामुख सुवासचन्द्र नेम्वाङयात लुमन्ति पौ लःल्हाःगु दु। नेवाः स्वायत्त राज्य सुनिश्चित यायेमाःगु, धर्म निरपेक्षता व गणतन्त्रयात संस्थागत यायेमाःगु, क्वःछिनातःगु इलय् हे न्हूगु संविधान जारी यायेमाःगु नापं थीथी इलय् नेवाःतय्सं बियागु ज्ञापनपौया माग पूरा यायेमाः धासें थौं वय्कःयात लुमन्ति पौ बिउगु खः। अथे हे आदिवासी जनजाति बृहत् मोर्चा नेपालं नं स्वतन्त्रपूर्व जानकारी मंजुरीया संयन्त्र याकनं हे दयेकेमाः धकाः माग यासें ज्ञापन पौ सभामुखयात लःल्हाःगु दु। आदिवासी जनजाति विशेष समाधिक्षकं न्यंगु न्ह्यसःया लिसलय् सरकारं उगु संयन्त्र दयेकेगु निंतिं संविधानसभाया अध्यक्षयात हे अधिकार दुगु नियमावलीइ न्ह्यथनातःगु दु धकाः लिसः बिउगुलिं थौं अथे नेम्वाङयात ज्ञापन पौ लःल्हाःगु खः।
No comments:
Post a Comment