POSTED ON SUN JAN 2, 2011 9:17 PM NST
येँ (सन्ध्या टाइम्स)/'संघीय गणतन्त्रय् नेवाःतय् भूमिका' विषयय् द्वाल्खा नेपालभाषा खलकपाखें थन छगू गोष्ठी यात। येँया चेम्बर भवनय् जूगु उगु गोष्ठीइ खलकया न्वकु मुक्ति प्रधानं मू विषययात कयाः ज्यापौ न्ह्यब्वयादीगु खः ।
थःगु ज्यापौ न्ह्यब्वसें वय्कलं नेवाःतय् आदिभूमि धइगु द्वाल्खा सहित दुथ्याःगु प्राचीन नेपालमण्डल हे खः धयादिल। थौंया इलय् नेपाः जक मखु विश्वन्यंकं हे नेवाःतय्त छधी याना तयेगु एकताया आधार धइगु जातीय स्वशासन छगू हे जक खः धासें वय्कलं नेवाःतय्त जातीय स्वशासन मबिसे देशय् संघीय व्यवस्था लागू हे यात धाःसां नं केन्द्रीय सत्तायात शान्ति दइ मखु धयादिल ।
द्वाल्खा नेपालभाषा खलकया नायः नहेन्द्र प्रधानया अध्यक्षताय् जूगु उगु ज्याझ्वलय् डा. मेहेशमान श्रेष्ठ नापं द्वाल्खाया थीथी प्रतिनिधिमूलक संस्थाया प्रतिनिधितय्सं नं न्ववानादीगु खः। उगु हे गोष्ठीपाखें भाजु प्रधानया ज्यापौयात पारित नं याःगु खः ।
ज्यझ्वःया उलेज्या द्वाल्खाया सभासद् हेमबहादुर श्रेष्ठं यानादीगु खःसा अन तौथली, जेठल, लिस्तीया सहभागीत नं दुगु खः ।
थःगु ज्यापौ न्ह्यब्वसें वय्कलं नेवाःतय् आदिभूमि धइगु द्वाल्खा सहित दुथ्याःगु प्राचीन नेपालमण्डल हे खः धयादिल। थौंया इलय् नेपाः जक मखु विश्वन्यंकं हे नेवाःतय्त छधी याना तयेगु एकताया आधार धइगु जातीय स्वशासन छगू हे जक खः धासें वय्कलं नेवाःतय्त जातीय स्वशासन मबिसे देशय् संघीय व्यवस्था लागू हे यात धाःसां नं केन्द्रीय सत्तायात शान्ति दइ मखु धयादिल ।
द्वाल्खा नेपालभाषा खलकया नायः नहेन्द्र प्रधानया अध्यक्षताय् जूगु उगु ज्याझ्वलय् डा. मेहेशमान श्रेष्ठ नापं द्वाल्खाया थीथी प्रतिनिधिमूलक संस्थाया प्रतिनिधितय्सं नं न्ववानादीगु खः। उगु हे गोष्ठीपाखें भाजु प्रधानया ज्यापौयात पारित नं याःगु खः ।
ज्यझ्वःया उलेज्या द्वाल्खाया सभासद् हेमबहादुर श्रेष्ठं यानादीगु खःसा अन तौथली, जेठल, लिस्तीया सहभागीत नं दुगु खः ।
No comments:
Post a Comment