प्रशिक्षणया शुरुवात येँय्पाखें
पार्टीं काःगु रणनीति आम कार्यकर्तादथुइ थ्यंकेत एकीकृत नेकपा माओवादीं थौंनिसें देय्व्यापी प्रशिक्षण न्ह्याकल । विशेष राज्यदुनेया थ्यंमथ्यं न्याद्वः जिल्लास्तरीय कार्यकर्तातय्त येँय् प्रशिक्षित यानाः माओवादीं प्रशिक्षण ज्याझ्व न्ह्याकूगु खः । नेवाः, ताम्सालिङ, सल्लाहकार लिसे थीथी विभागीय राज्य समिति अन्तर्गतया जिल्ला दुजःतक्कया कार्यकर्तातय्त थौं येँया भृकुटीमण्डपय् सुथसिया झिंछताः इलंनिसें प्रशिक्षण ब्यूगु माओवादीं जानकारी ब्यूगु दु । गोर्खाया पालुङटारय् क्वचाःगु खुक्वःगु बिस्तारित बैठकलिपा केन्द्रीय समितिं क्वःछ्यूगु पार्टीया वइगु रणनीतिबारे थुइकेगुलिइ एकरुपता हयेत कार्यकर्तातय्त प्रशिक्षण बिइत्यंगु नेवाः राज्य समितिया सेक्रेटरी नारायण दाहालं जानकारी बियादिल ।
नायः पुष्पकमल दाहाल 'प्रचण्ड', न्वकुपिं मोहन वैद्य 'किरण', डा. बाबुराम भट्टराई, मू छ्याञ्जे रामबहादुर थापा 'बादल' लगायतं कार्यकर्तातय्त प्रशिक्षण बियादी । शान्ति व संविधानया नितिं अधिकतम कुतः यायेगु व पंगः जूसा शान्तिपूर्ण जनविद्रोहलय् वनेगु रणनीति क्वःछ्यूगु माओवादीं प्रशिक्षणयात जनविद्रोहया बैचारिक तयारी धकाः न्ह्यःथंगु दु ।
नायः प्रचण्डं तयार याःगु पार्टीया वइगु कार्यदिशालिसेया प्रतिवेदनय् न्वकु डा. भट्टराईं न्ह्यब्वःगु ब्यागलं मत नं प्रशिक्षणया झ्वलय् आम कार्यकर्तादथुइ यंकेगु माओवादीं जानकारी ब्यूगु दु ।
पार्टीं काःगु रणनीति आम कार्यकर्तादथुइ थ्यंकेत एकीकृत नेकपा माओवादीं थौंनिसें देय्व्यापी प्रशिक्षण न्ह्याकल । विशेष राज्यदुनेया थ्यंमथ्यं न्याद्वः जिल्लास्तरीय कार्यकर्तातय्त येँय् प्रशिक्षित यानाः माओवादीं प्रशिक्षण ज्याझ्व न्ह्याकूगु खः । नेवाः, ताम्सालिङ, सल्लाहकार लिसे थीथी विभागीय राज्य समिति अन्तर्गतया जिल्ला दुजःतक्कया कार्यकर्तातय्त थौं येँया भृकुटीमण्डपय् सुथसिया झिंछताः इलंनिसें प्रशिक्षण ब्यूगु माओवादीं जानकारी ब्यूगु दु । गोर्खाया पालुङटारय् क्वचाःगु खुक्वःगु बिस्तारित बैठकलिपा केन्द्रीय समितिं क्वःछ्यूगु पार्टीया वइगु रणनीतिबारे थुइकेगुलिइ एकरुपता हयेत कार्यकर्तातय्त प्रशिक्षण बिइत्यंगु नेवाः राज्य समितिया सेक्रेटरी नारायण दाहालं जानकारी बियादिल ।
नायः पुष्पकमल दाहाल 'प्रचण्ड', न्वकुपिं मोहन वैद्य 'किरण', डा. बाबुराम भट्टराई, मू छ्याञ्जे रामबहादुर थापा 'बादल' लगायतं कार्यकर्तातय्त प्रशिक्षण बियादी । शान्ति व संविधानया नितिं अधिकतम कुतः यायेगु व पंगः जूसा शान्तिपूर्ण जनविद्रोहलय् वनेगु रणनीति क्वःछ्यूगु माओवादीं प्रशिक्षणयात जनविद्रोहया बैचारिक तयारी धकाः न्ह्यःथंगु दु ।
नायः प्रचण्डं तयार याःगु पार्टीया वइगु कार्यदिशालिसेया प्रतिवेदनय् न्वकु डा. भट्टराईं न्ह्यब्वःगु ब्यागलं मत नं प्रशिक्षणया झ्वलय् आम कार्यकर्तादथुइ यंकेगु माओवादीं जानकारी ब्यूगु दु ।
No comments:
Post a Comment