नेवाःतय्गु भाषा, संस्कृतिया जगेर्ना व विकासया लागि नेवाः स्वायत्त राज्यया पलिस्था यायेमाःगु खँ एकिकृत नेकपा माओवादीया पोलिटब्यूरो दुजः नापं विदेश विभाग प्रमुख कृष्ण बहादुर महरां धयादिल ।
न्हूदँ ने.सं. ११३१ या लसताय् 'न्हूगु संविधान व न्हूगु संघीय नेपाः सहित नेवाः राज्य पलिस्था यायेनु' धइगु नारा ज्वना: ग्वःसा ग्वःगु मोटरसाइकल र्यालीया उलेज्या यानादिसें नेता महरां न्हूगु सरकार पूर्ण वजेटया समस्या वयाच्वंसा नं विशेष यानाः अग्रगमनया न्हूगु संघीय राज्य पलिस्था यायेगु वा यथास्थितिइ च्वनाः पुलांगु संरचनायात निरन्तरता बीगु धइगु मू द्वन्द जुयाच्वंगु खँ धयादिल । नापं न्हूदँयात नेवाः स्वायत्त राज्य सहितया संघीय नेपाःया पलिस्था यायेगु आन्दोलन कथं हनेगु व उकी ल्याय्म्हतयेगु मू भूमिका दइगु खँ धयादिल । ज्याझ्वलय् नेवाः राज्य समितिया सह इन्चार्ज नापं सभासद हिसिला यमि, झक्कु प्रसाद सुवेदी, शशी श्रेष्ठ, दीलिप महर्जन, नेवा न्ह्यलुवाः मल्ल के. सुन्दर, दिल बहादुर श्रेष्ठ आदिपिनिगु उपस्थिति दुगु खः ।
नेवाः ल्याय्म्ह पुचःया ग्वसालय् जूगु उगु मोटरसाइकल र्याली बसन्तपुरं न्ह्यानाः न्हूसतक, ब्रम्हटोल, मरु, न्यत, जुयाः नारायण हिटी, नरः, चाबहिल, कोटेश्वर, सल्लाघारी, जुयाः ख्वप, चाःहिलाः थिमि, बोडे, नगदेश, कोटेश्वर, बालकुमारी, मंगलबजाः जुयाः कोपुण्डोल थ्यंकाः क्वचायेकीगु ज्याझ्वः दु ।
नेवाःतय्गु भाषा, संस्कृतिया जगेर्ना व विकासया लागि नेवाः स्वायत्त राज्यया पलिस्था यायेमाःगु खँ एकिकृत नेकपा माओवादीया पोलिटब्यूरो दुजः नापं विदेश विभाग प्रमुख कृष्ण बहादुर महरां धयादिल ।न्हूदँ ने.सं. ११३१ या लसताय् 'न्हूगु संविधान व न्हूगु संघीय नेपाः सहित नेवाः राज्य पलिस्था यायेनु' धइगु नारा ज्वना: ग्वःसा ग्वःगु मोटरसाइकल र्यालीया उलेज्या यानादिसें नेता महरां न्हूगु सरकार पूर्ण वजेटया समस्या वयाच्वंसा नं विशेष यानाः अग्रगमनया न्हूगु संघीय राज्य पलिस्था यायेगु वा यथास्थितिइ च्वनाः पुलांगु संरचनायात निरन्तरता बीगु धइगु मू द्वन्द जुयाच्वंगु खँ धयादिल । नापं न्हूदँयात नेवाः स्वायत्त राज्य सहितया संघीय नेपाःया पलिस्था यायेगु आन्दोलन कथं हनेगु व उकी ल्याय्म्हतयेगु मू भूमिका दइगु खँ धयादिल । ज्याझ्वलय् नेवाः राज्य समितिया सह इन्चार्ज नापं सभासद हिसिला यमि, झक्कु प्रसाद सुवेदी, शशी श्रेष्ठ, दीलिप महर्जन, नेवा न्ह्यलुवाः मल्ल के. सुन्दर, दिल बहादुर श्रेष्ठ आदिपिनिगु उपस्थिति दुगु खः ।
नेवाः ल्याय्म्ह पुचःया ग्वसालय् जूगु उगु मोटरसाइकल र्याली बसन्तपुरं न्ह्यानाः न्हूसतक, ब्रम्हटोल, मरु, न्यत, जुयाः नारायण हिटी, नरः, चाबहिल, कोटेश्वर, सल्लाघारी, जुयाः ख्वप, चाःहिलाः थिमि, बोडे, नगदेश, कोटेश्वर, बालकुमारी, मंगलबजाः जुयाः कोपुण्डोल थ्यंकाः क्वचायेकीगु ज्याझ्वः दु ।
No comments:
Post a Comment