POSTED ON FRI NOV 19, 2010 4:52 PM NST
येँ (सन्ध्या टाइम्स)/नेवाः स्वायत्त राज्य मंकाः संघर्ष समितिपाखें आधिकारिक दस्तावेजया रुपय् संविधानसभाय् प्रस्तुत जुयाच्वंगु राज्य पुनर्संरचनाय् प्रस्तावित नेवाः प्रदेशया लागा चीधं जूगु ठहर यासें वसिबें तःधं यायेमाःगु प्रस्ताव नेवाः राष्ट्रिय राजनीतिक सम्मेलनय् न्ह्यब्वइगु जूगु दु ।
थौं च्वंगु मंकाः संघर्ष समितिया मुँज्यां उगु प्रस्तावयात अनुमोदन याःगु खःसा आः उकियात आधिकारिक प्रस्तावया रुपय् न्ह्यब्वयेगु खँ नं क्वःछिउगु खः ।
उगु प्रतिवेदनय् नेवाः राज्यय् नेवाःतय्त अग्राधिकार दयेमाःगु खँ न्ह्यथनातःगु दु। व्यवस्थापिका, कार्यपालिका व न्यायपालिकाय् अग्राधिकार दयेमाःगु खँ नं प्रतिवेदनय् दुथ्यानाच्वंगु दु ।
अथे हे नेवाः राज्य दुने नेवाः राज्यं पिने च्वंपिं नेवाःतय्त नं अग्राधिकार बीगु खँ दुथ्याः। उगु प्रतिवेदन हितमान शाक्य, डा. केशवमान शाक्य, राजेन्द्र श्रेष्ठ व भिमसेनदास प्रधान च्वनाः तयार याःगु खः ।
वइगु मंसीर १७ व १८ गते जुइगु नेवाः राष्ट्रिय राजनीतिक सम्मेलनय् उगु राजनीतिक प्रस्ताव आधिकारिक प्रस्तावया रुपय् न्ह्यब्वइगु ग्वसाः दु। देय्न्यंकंया नेवाःतय्सं ब्वति काइगु उगु सम्मेलनया नितिं थाय् थासय् नेवाःतय्सं आन्तरिक रुपं तयारीया ज्यायात तिब्रता बियाहःगु दु ।
थौं च्वंगु मंकाः संघर्ष समितिया मुँज्यां उगु प्रस्तावयात अनुमोदन याःगु खःसा आः उकियात आधिकारिक प्रस्तावया रुपय् न्ह्यब्वयेगु खँ नं क्वःछिउगु खः ।
उगु प्रतिवेदनय् नेवाः राज्यय् नेवाःतय्त अग्राधिकार दयेमाःगु खँ न्ह्यथनातःगु दु। व्यवस्थापिका, कार्यपालिका व न्यायपालिकाय् अग्राधिकार दयेमाःगु खँ नं प्रतिवेदनय् दुथ्यानाच्वंगु दु ।
अथे हे नेवाः राज्य दुने नेवाः राज्यं पिने च्वंपिं नेवाःतय्त नं अग्राधिकार बीगु खँ दुथ्याः। उगु प्रतिवेदन हितमान शाक्य, डा. केशवमान शाक्य, राजेन्द्र श्रेष्ठ व भिमसेनदास प्रधान च्वनाः तयार याःगु खः ।
वइगु मंसीर १७ व १८ गते जुइगु नेवाः राष्ट्रिय राजनीतिक सम्मेलनय् उगु राजनीतिक प्रस्ताव आधिकारिक प्रस्तावया रुपय् न्ह्यब्वइगु ग्वसाः दु। देय्न्यंकंया नेवाःतय्सं ब्वति काइगु उगु सम्मेलनया नितिं थाय् थासय् नेवाःतय्सं आन्तरिक रुपं तयारीया ज्यायात तिब्रता बियाहःगु दु ।
No comments:
Post a Comment