POSTED ON THU NOV 25, 2010 10:38 PM NST
येँ (सन्ध्या टाइम्स)/तःधंगु पार्टीतय्सं देय्या वर्तमान संकटया निकास पिकायेत सफलता चूमलानाच्वंगुलिं अज्याःगु निकास पिकायेत थःपिंपाखें भूमिका म्हितेगु ताः तयाः संविधानसभाय् दुथ्याःगु चीधंगु न्हय्गू दल जानाः 'प्रगतिशील लोकतान्त्रिक गठबन्धन' निर्माण याःगु दु। थौं सुथय् च्वंगु छगू बैठकं सार्वजनिक याःगु उगु गठबन्धनया घोषणापत्रय् नेकपा (एकीकृत) या अध्यक्ष ऋषि कट्टेल, नेपाः राष्ट्रिय पार्टीपाखें अध्यक्ष डा. केशवमान शाक्य, राष्ट्रिय जनमुक्ति पार्टीपाखें अध्यक्ष एमएस थापा, नेपाल सद्भावना पार्टी (आनन्दीदेवी) पाखें अध्यक्ष सरिता गिरी, नेपाली जनता दलपाखें हरिचरण साह, संघीय लोकतान्त्रिक राष्ट्रिय मंचपाखें अध्यक्ष मण्डलया दुजः डि.के. बुद्धिष्ट व नेकपा (माले-समाजवादी) पाखें जगतबहादुर बोगटीं हस्ताक्षर यानादीगु दु ।
थ्व न्हय्गू दलया गठबन्धनं न्हय्गू हे उद्देश्ययात न्ह्यःने तःगु दु। गठबन्धनं थपे जूगु अवधिया दुने हे संविधान च्वज्या क्वचायेकेगु, न्हूगु संविधानया सिद्धान्त व अन्तरवस्तुया निर्क्यौल यायेगु, शान्ति प्रक्रियायात यथोचित ढंगं टुंगो यायेगु, जनहितया कार्यक्रमय् ज्या यायेगु, लोकतान्त्रिक गणतन्त्र व राष्ट्रिय सार्वभौमिकताया रक्षा यायेगु, व्यवस्थापिका संसदया प्रभावकारिता अप्वयेकेगु व संघीय राज्य व्यवस्था निर्माण यायेगु धइगु उद्देश्य न्ह्यःने हःगु दु ।
थ्व न्हय्गू दलया गठबन्धनं न्हय्गू हे उद्देश्ययात न्ह्यःने तःगु दु। गठबन्धनं थपे जूगु अवधिया दुने हे संविधान च्वज्या क्वचायेकेगु, न्हूगु संविधानया सिद्धान्त व अन्तरवस्तुया निर्क्यौल यायेगु, शान्ति प्रक्रियायात यथोचित ढंगं टुंगो यायेगु, जनहितया कार्यक्रमय् ज्या यायेगु, लोकतान्त्रिक गणतन्त्र व राष्ट्रिय सार्वभौमिकताया रक्षा यायेगु, व्यवस्थापिका संसदया प्रभावकारिता अप्वयेकेगु व संघीय राज्य व्यवस्था निर्माण यायेगु धइगु उद्देश्य न्ह्यःने हःगु दु ।
No comments:
Post a Comment