POSTED ON MON NOV 1, 2010 8:25 PM NST
येँ (सन्ध्या टाइम्स)/इलय् हे संविधान जारी यायेत संविधानसभायात दवाव बीगु लागिं नागरिक समाजं कन्हय् येँया बसन्तपुरं छगू नागरिक पदयात्रा पिकाइगु जूगु दु। कन्हय् न्हिनय् २ बजे शुरु जुइगु उगु पदयात्रा न्हूसतक, त्रिपुरेश्वर, थापाथली जुयाः न्हूगु वानेश्वरया संविधानसभा भवनय् थ्यंकः वनीगु ग्वसाः दु। उगु पदयात्राय् नेवाः देय् दबू लगायत थीथी पेशागत, जनजाति आदि यानाः १६ गू पुचलं ब्वति काइगु खँ धाःगु दु। थ्वहे झ्वलय् म्हिगः यलया ललितपुर नागरिक अभियान व कवि क्याफेया मंकाः ग्वसालय् थ्वहे विषयय् छगू बिचाः गोष्ठी जुल। गोष्ठीइ नागरिक आन्दोलनया न्ह्यलुवा श्याम श्रेष्ठं मू वक्ता कथं न्ववानादीगु खःसा शाक्य सुरेनं नं थःगु नुगःखँ प्वंकादीगु खः ।
No comments:
Post a Comment