POSTED ON WED NOV 17, 2010 6:17 PM NST
मंसीर १७ व १८ गते सम्मेलन
ख्वप (सन्ध्या टाइम्स)/नेवाः स्वायत्त राज्य मंकाः संघर्ष समितिं थ्वहे वइगु नेपाल संवत् ११३१ कछलागा त्रयोदशी व चतुर्दशी (मंसीर १७ व १८ गते) कुन्हु ख्वपय् यायेत्यंगु नेवाः राष्ट्रिय राजनीतिक सम्मेलन झःझ धायेकेत व उकिया तःजिक उलेज्या यायेत छगू ग्वसाः पुचः नीस्वंगु दु ।
मंसीर १७ गते ख्वपया लाय्कुली जुइगु उलेज्याझ्वः व सांस्कृतिक जुलुसया व्यवस्थापन यायेत उगु पुचः नीस्वंगु खः। संघर्ष समितिया ख्वप समन्वय समितिया ग्वसालय् जूगु बैठकं विराट नेपालभाषा साहित्य गुथिया नायः त्रिरत्न शाक्यया अध्यक्षताय् उगु पुचः नीस्वंगु खः। पुचलय् नेवाः राष्ट्रिय मुक्ति मोर्चा, नेपाल लोकतान्त्रिक नेवाः संघ, लोकतान्त्रिक नेवाः दबू, विराट नेपालभाषा गुथि, नेपाल साहित्य मन्दिर, इसास ख्वप, कपाली समाज, खड्गी शाही समाज, नकर्मि समाज, नेपाल प्रजापति समाज, द्यःला समाज, बौद्ध सम्पदा संघ ख्वप, नापित समाज लगायत आपालं खलः पुचःया प्रतिनिधि दुथ्याः ।
पुचः स्वनेगु नितिं संघर्ष समितिया नायः नरेन्द्र भक्त हाडा, कजि मल्ल के. सुन्दर, दुजःपिं सानुराजा शाक्य व सुजीव वज्राचार्यपिं थ्यंगु खः ।
ख्वप (सन्ध्या टाइम्स)/नेवाः स्वायत्त राज्य मंकाः संघर्ष समितिं थ्वहे वइगु नेपाल संवत् ११३१ कछलागा त्रयोदशी व चतुर्दशी (मंसीर १७ व १८ गते) कुन्हु ख्वपय् यायेत्यंगु नेवाः राष्ट्रिय राजनीतिक सम्मेलन झःझ धायेकेत व उकिया तःजिक उलेज्या यायेत छगू ग्वसाः पुचः नीस्वंगु दु ।
मंसीर १७ गते ख्वपया लाय्कुली जुइगु उलेज्याझ्वः व सांस्कृतिक जुलुसया व्यवस्थापन यायेत उगु पुचः नीस्वंगु खः। संघर्ष समितिया ख्वप समन्वय समितिया ग्वसालय् जूगु बैठकं विराट नेपालभाषा साहित्य गुथिया नायः त्रिरत्न शाक्यया अध्यक्षताय् उगु पुचः नीस्वंगु खः। पुचलय् नेवाः राष्ट्रिय मुक्ति मोर्चा, नेपाल लोकतान्त्रिक नेवाः संघ, लोकतान्त्रिक नेवाः दबू, विराट नेपालभाषा गुथि, नेपाल साहित्य मन्दिर, इसास ख्वप, कपाली समाज, खड्गी शाही समाज, नकर्मि समाज, नेपाल प्रजापति समाज, द्यःला समाज, बौद्ध सम्पदा संघ ख्वप, नापित समाज लगायत आपालं खलः पुचःया प्रतिनिधि दुथ्याः ।
पुचः स्वनेगु नितिं संघर्ष समितिया नायः नरेन्द्र भक्त हाडा, कजि मल्ल के. सुन्दर, दुजःपिं सानुराजा शाक्य व सुजीव वज्राचार्यपिं थ्यंगु खः ।
No comments:
Post a Comment