POSTED ON MON NOV 1, 2010 9:48 AM NST
श्रीकृष्ण महर्जन
सरकारं निरन्तर रुपं नेपाल संवतया न्हूदँयात तःजिक हनेगु नितिं धकाः बियाः वयाच्वंगु ध्यबाः नेपाल संवतया न्हूदँ हनेगु खलः पुचःयात बिइमाः धकाः माग यानाहःगु इलय् नेवाः देय् गुथि नेपाल मण्डलं औपचारिक रुपं हे येँया नेपालभाषा मंकाः खलःयाके माग याःगु दु ।
नेवाः देय् गुथि नेपाल मण्डलं नीस्वंगु थुगुसीया न्हूदँ हनाः पुचःया कजि डा. चुन्दा बज्राचार्यं येँया नेपालभाषा मंकाः खलःया नायःया नामय् औपचारिक रुपं हे वंगु शुक्रवाः पौ बियाः सरकारपाखें वइगु ध्यबा थःपिन्त नं माः धकाः माग याःगु दु । अथे पौ बियागु इलय् थुगु खँय् मुँज्याय् हे सहलह ब्याकेगु जुइ धकाः येँया नेपालभाषा मंकाः खलःया मू छ्याञ्जे नापं न्हूदँ समारोह समितिया सदस्य सचिव नरेशवीर शाक्यं धयादिल धकाः नं वय्कलं जानकारी बियादीगु दु । नेवाः देय् गुथि नेपाल मण्डलया न्हूदँ हना पुचःया कजि डा. चुन्दा बज्राचार्यं झीगु स्वनिगःलिसे खँल्हासें थःपिन्सं नं न्हूदँ हनेगु झ्वलय् येँया बसन्तपुरय् हे नेपाल संवत ११३१ या लसताय् तःजिक सांस्कृति ब्वज्या यायेगु नितिं धकाः अथे ध्यबा माग यानागु खः धकाः धयादिल ।
न्हूदँ हनेत धकाः सरकारंया कार्यकारी प्रधानमन्त्रीया कोषं दँय् ३ लाख तका ध्यबा फ्यानातःगु खँ न्ह्यथसें उगु ध्याबायात हे थःपिन्त नं माः धकाः दावी यानागु खः धकाः नं वय्कलं जानकारी बियादिल ।
उगु पुचःपाखें बसन्तपुरय् नेवाः सांस्कृति ज्याझ्वः याये धुंकाः अनंलिपा उगु सांस्कृतिक ब्वज्यायात नेपाल मण्डल लागाया थीथी गामय् व शहरय् नं अभियानया रुपय् न्ह्याकेगु जुइ धकाः ग्वसाः खलकं धाःगु दु । सरकारं बिइगु ध्यबा धैगु येँया नेपालभाषा मंकाः खलःपाखें दयेकीगु न्हूदँ समारोह समितिया नितिं जक मखु न्हूदँया नितिं ज्याझ्वः याइपिं फुक्क खलः पुचःया अधिकारया खँ खः धकाः धासें वय्कलं थःपिनिगु औपचारिक रुपं माग पौयात येँया मंकाः खलकं सकारात्मक रुपं हे काइ धकाः आशा यानागु दु धकाः नं धयादिल ।
सरकारं निरन्तर रुपं नेपाल संवतया न्हूदँयात तःजिक हनेगु नितिं धकाः बियाः वयाच्वंगु ध्यबाः नेपाल संवतया न्हूदँ हनेगु खलः पुचःयात बिइमाः धकाः माग यानाहःगु इलय् नेवाः देय् गुथि नेपाल मण्डलं औपचारिक रुपं हे येँया नेपालभाषा मंकाः खलःयाके माग याःगु दु ।
नेवाः देय् गुथि नेपाल मण्डलं नीस्वंगु थुगुसीया न्हूदँ हनाः पुचःया कजि डा. चुन्दा बज्राचार्यं येँया नेपालभाषा मंकाः खलःया नायःया नामय् औपचारिक रुपं हे वंगु शुक्रवाः पौ बियाः सरकारपाखें वइगु ध्यबा थःपिन्त नं माः धकाः माग याःगु दु । अथे पौ बियागु इलय् थुगु खँय् मुँज्याय् हे सहलह ब्याकेगु जुइ धकाः येँया नेपालभाषा मंकाः खलःया मू छ्याञ्जे नापं न्हूदँ समारोह समितिया सदस्य सचिव नरेशवीर शाक्यं धयादिल धकाः नं वय्कलं जानकारी बियादीगु दु । नेवाः देय् गुथि नेपाल मण्डलया न्हूदँ हना पुचःया कजि डा. चुन्दा बज्राचार्यं झीगु स्वनिगःलिसे खँल्हासें थःपिन्सं नं न्हूदँ हनेगु झ्वलय् येँया बसन्तपुरय् हे नेपाल संवत ११३१ या लसताय् तःजिक सांस्कृति ब्वज्या यायेगु नितिं धकाः अथे ध्यबा माग यानागु खः धकाः धयादिल ।
न्हूदँ हनेत धकाः सरकारंया कार्यकारी प्रधानमन्त्रीया कोषं दँय् ३ लाख तका ध्यबा फ्यानातःगु खँ न्ह्यथसें उगु ध्याबायात हे थःपिन्त नं माः धकाः दावी यानागु खः धकाः नं वय्कलं जानकारी बियादिल ।
उगु पुचःपाखें बसन्तपुरय् नेवाः सांस्कृति ज्याझ्वः याये धुंकाः अनंलिपा उगु सांस्कृतिक ब्वज्यायात नेपाल मण्डल लागाया थीथी गामय् व शहरय् नं अभियानया रुपय् न्ह्याकेगु जुइ धकाः ग्वसाः खलकं धाःगु दु । सरकारं बिइगु ध्यबा धैगु येँया नेपालभाषा मंकाः खलःपाखें दयेकीगु न्हूदँ समारोह समितिया नितिं जक मखु न्हूदँया नितिं ज्याझ्वः याइपिं फुक्क खलः पुचःया अधिकारया खँ खः धकाः धासें वय्कलं थःपिनिगु औपचारिक रुपं माग पौयात येँया मंकाः खलकं सकारात्मक रुपं हे काइ धकाः आशा यानागु दु धकाः नं धयादिल ।
No comments:
Post a Comment