POSTED ON FRI NOV 5, 2010 9:29 AM NST
येँ (झीगु स्वनिगः)
नेपाःया छगू जक राष्ट्रिय संवत नेपाल संवत् ११३१ या लसताय् न्हूदँ खुन्हु वइगु आइतवाः स्वनिगःया हे स्वंगू दर्जनं मल्याक थासं ब्यागलं ब्यागलं कथं भिंतुना जुलुस पिहां वइगु जूगु दु ।
येँया बसन्तपुरं ल्हुतिं किपू ग्वंगःबुँ च्वबाहाः चाबहि खास्ती सक्व गोकर्ण लागा तोखा पांगा फँपि पश्चिम लागा कथं सिंर नापं थाय् थासय् ब्यगलं व्यागलं कथं र्भितुना जुलुस सुथय् हे पिहां वइगु जूगु दु ।
अथे हे यलया मंगलं ख्वना नापं गां गामं अले थिमि नापं ख्वप जिल्लाय थाय् थासं अथे भिंतुना जुलुस पिकाइगु जूगु दु । उगु कथं भिंतुना जुलस पिकाइगु इलय् नेवाःतय्सं नेवाः स्वायत्त राज्यया माग यानाः नारा थ्वयेकी धकाः नं धाःगु दु । दच्छिया दुने दक्ले अप्वः नेवाःत सतकय् क्वहां वइगु न्हूदँ खुन्हु थाय् थासय् च्वंपिं नेवाःतय्सं थःथःगु कथं भिंतुना हनेगु नापं मेमेगु कथंया ज्याझ्वः यायेगु तयारी यानाच्वंगु दु ।
न्हूदँया लसताय् यक्व हे थासय् न्हूदँया छन्हु न्ह्यः लक्ष्मी पुजा खुन्हु शनिवाः बहनी येँ यल नापं थाय् थासय् सी मत याः धकाः मैन मतया र्याली पिकाइगु जूगु दु ।
अथे हे न्हूदँया भिंतुना इनेगु झ्वलय् स्वनिगलय् दुगु नेवाःतय्गु खलः पुचलं जक मखु मेमेगु संघ संस्थातपाखें नं भिंतुना कालबिल यायेगु तुच्चा ज्याझ्वः यायेगु यानावयाच्वंगु दु । नेपाल संवतया आन्दोलनया रुपय् भिंतुना जुलुस आः स्वनिगलय् पुलांगु गां गामय् जक मखु न्हून्हूगु बस्ती जूगु थासय् तकं न्यनावंगु दु ।
नेपाःया छगू जक राष्ट्रिय संवत नेपाल संवत् ११३१ या लसताय् न्हूदँ खुन्हु वइगु आइतवाः स्वनिगःया हे स्वंगू दर्जनं मल्याक थासं ब्यागलं ब्यागलं कथं भिंतुना जुलुस पिहां वइगु जूगु दु ।
येँया बसन्तपुरं ल्हुतिं किपू ग्वंगःबुँ च्वबाहाः चाबहि खास्ती सक्व गोकर्ण लागा तोखा पांगा फँपि पश्चिम लागा कथं सिंर नापं थाय् थासय् ब्यगलं व्यागलं कथं र्भितुना जुलुस सुथय् हे पिहां वइगु जूगु दु ।
अथे हे यलया मंगलं ख्वना नापं गां गामं अले थिमि नापं ख्वप जिल्लाय थाय् थासं अथे भिंतुना जुलुस पिकाइगु जूगु दु । उगु कथं भिंतुना जुलस पिकाइगु इलय् नेवाःतय्सं नेवाः स्वायत्त राज्यया माग यानाः नारा थ्वयेकी धकाः नं धाःगु दु । दच्छिया दुने दक्ले अप्वः नेवाःत सतकय् क्वहां वइगु न्हूदँ खुन्हु थाय् थासय् च्वंपिं नेवाःतय्सं थःथःगु कथं भिंतुना हनेगु नापं मेमेगु कथंया ज्याझ्वः यायेगु तयारी यानाच्वंगु दु ।
न्हूदँया लसताय् यक्व हे थासय् न्हूदँया छन्हु न्ह्यः लक्ष्मी पुजा खुन्हु शनिवाः बहनी येँ यल नापं थाय् थासय् सी मत याः धकाः मैन मतया र्याली पिकाइगु जूगु दु ।
अथे हे न्हूदँया भिंतुना इनेगु झ्वलय् स्वनिगलय् दुगु नेवाःतय्गु खलः पुचलं जक मखु मेमेगु संघ संस्थातपाखें नं भिंतुना कालबिल यायेगु तुच्चा ज्याझ्वः यायेगु यानावयाच्वंगु दु । नेपाल संवतया आन्दोलनया रुपय् भिंतुना जुलुस आः स्वनिगलय् पुलांगु गां गामय् जक मखु न्हून्हूगु बस्ती जूगु थासय् तकं न्यनावंगु दु ।
No comments:
Post a Comment