NEWANUGA
येँ महानगरपालिका व किपू नगरपालिका धुंकाः आः यल उपमहानरपालिकाय् नं नेवाः डेस्क पलिस्था याइगु जूगु दु ।
नेवाः स्वायत्त राज्य मंकाः संघर्ष समितिया जिल्ला समन्वय समिति यलं लच्छि न्हयः खुगू बुँदे माग यासें लःल्हागु ज्ञापनपत्रया सम्बन्धय् थौं उपमहानगरपालिका व नेवाः स्वायत्त राज्य मंकाः संघर्ष समिति दथुइ जूगु वार्ताय् नेवाः डेस्क पलिस्था यायेगु लगायत ६गू बुँदे सहमित जूगु दु ।
उपमहानगरपालिकाया कार्यकारी प्रमुख अर्जुनकुमार थापा नापं उपमहानगरपालिकाया सर्वदलीय संयन्त्रया पदाधिकारीत सहित संघर्ष समितिया प्रतिनिधित दथुइ यल उपमहानगरपकालिया ज्याकूथी आइतवाः वार्ता जूगु खः । वार्ताय् जूगु सहमित कथं नेपाल सरकारं निश्चित शर्त व शिर्षकय् क्वछिना हःगु बजेटय् बाहेक मेगू दक्वं श्रोत पाखें वःगु मुक्कं बजेटय् २५ प्रतिशतं म्हो मजुइ कथं नेवाः भाय्, साहित्य, संस्कृति, सम्पदा, जात्रा, पर्व आदियात बजेट फ्याइगु जूगु दु ।
उपमहानगरपालिका पाखें पिथनीगु विज्ञापन व सुचं स्थानीय स्तरया पत्रिकाय् नेपालभासं नं पथनीगु सहमित जूगु दु । अथेहे नेपालाभाषा लिपि छ्यला पिथनीगु विज्ञापनयात ८० प्रतिशत छ्यापं व देवनागरी लिपिं शुद्ध नेपालभासं पिथंसाः ४० प्रतिशत छ्यापं बीगु सहमति नं जूगु दु ।
नेवाः सांस्कृतिक सम्पदा विकासया लागिं संस्कृतिक पुरातात्विक इकाई व सम्पदा संरक्षण शाखायात थुकीया भाला बीगु व नेवाः समुदायया बहुल्यता दुगु वडाय् नेपालभाषा थूपिं कर्मचारीयात सचिवया भाला बीगु नापं मथूपिंत नेपालभाषाया प्रशिक्षण बीगु सहमति जूगु दु ।
यल उपमहानगरपालिका व नेवाः स्वायत्त राज्य मंका संघर्ष समितिया दथुइ जूगु ६गू बुँदे सहमति -
१) यल उपमहानगरपालिका दुनेया नेवाः आदिवासी सेवाग्राहीतय्त ध्यानय् तया: नेवाः विषेश डेस्क पलिस्था यायेगु धइगु सम्बन्धय् - नेवाः विषेश डेस्क पलिस्था यायेगु सहमति जुल ।
२) चालु आर्थिक दँ २०६७/६८ निसें यल उपमहानगरपालिकाया बजेटय् नेवाः भाय्, सहित्य, संस्कृति, सम्पदा, जात्रा, पर्व नापं परम्पराया संरक्षण व संवर्द्धनया लागिं मुक्कं बजेटया २५ प्रतिशत स्वयां अप्व फ्याये माःगु धइगु सम्बन्धय् - थ्वहे आर्थिक दँ २०६७/६८ निसें नेपाल सरकार पाखें निश्चित शर्त व शिर्षकय् क्वछिना हःगु बजेटय् बाहेक मेगु दक्वं स्रोत पाखें वःगु मुक्कं बजेटया २५ प्रतिशत स्वयां म्हो मजुइगु कथं नेवाः स्वायत्त राज्य मंका संघर्ष समितिया माग नाप सम्बन्धित थीथी शिर्षकय् फ्यायेगु सहमति जुल ।
३) यल उपमहानगरपालिकाया न्हापा क्वछिनातः कथं अन्तरिम संविधानया प्रावधान कथं उपमहानगरपालिकाया दक्वं सुचं, विज्ञापन नापं अधिवेशनया निर्णय च्वयेवलय् नेपालभाषायात माध्यम भाय्या कथं छ्यछलेगु धइगु सम्बन्धय् - थुगु यल उपमहानगरपालिका पाखें पथनीगु विज्ञापन, सुचं स्थानीय स्थरया पत्रिकाय् नेपालभाषाया पाखें नं पथनेगु सहमति जुल ।
४) व्यवसायीक ज्याखँय् छ्यजलीगु विलवोर्ड, साइनवोर्ड विज्ञापन सुचंलय् थनया आदिवासीतय् मांभाय् नेपालभाषा व लिपि छ्य सा: यल उपमहानगरपालिका पाखें काइगु विज्ञापन करया भावय् म्होतिं नं ७५ प्रतिशत छुट वीमा धइगु सम्बन्धय् - अज्या:गु विज्ञापन नेपालभाषाया लिपिलय् पिथंसा उपमहानगरपालिकां विज्ञापन वापत काइगु करय् ८० प्रतिशत छ्यापं व अज्यागु विज्ञापन देवनागरी लिपिलय् शुद्ध नेपालभाषाय् पिथंसा उपमहानगरपालिकां काइगु करय् ४० प्रतिशत छ्यापं वीगु सहमति जुल । थुकी विज्ञापन दाता संघ, संस्था, कम्पनीया लोगो व ट्रेडमार्कया छ्यलायात मेकथं काइमखु ।
५) नेवाः समुदायया सांस्कृतिक सम्पदा विकास यायेत व उकियात संरक्षित यानातय्तइ यल उपमहानगरपालिका दुने विषेश विभाग पलिस्था यायेमा धइगु सम्वन्धय् - यल उपमहानगरपालिकाया मौजुदा संगठन धलखय् विभाग मदुगुलिं संस्कृति पुरातात्विक इकाई व सम्पदा संरक्षण शाखायात थुकिया भाला वीगु व शाखाया प्रमुखयात फोकल पर्सन दयेकेगु सहमति जुल । पदिय जिम्मेवारी कथं लिपा थुगु शाखायात महाशाखाया कथं हिकीगु सहमति जुल ।
६) यल उपमहानगरपालिका दुने न्हूपिं कर्मचारी कायेगु इलय् नेवाः आदिवासीतय् वाहुल्यता जुइ कथं व्यवस्था यायेमा धइगु सम्बन्धय् - नेवाः आदिवासीतय् बाहुल्यता जुइ कथं माःगु व्यवस्था यायेत नेपाल सरकार श्री स्थानीय विकास मन्त्रालयलय् थुगु सम्बन्धय् इनाप यायेगु सहमति जुल । नापं नेवाः समुदायया बाहुल्यता दुगु वडाय् नेपालभाषा थूपिं कर्मचारीतय्तज सचिवया कथं प्राथमिकता वीया भाला वीगु व नेपालभाषा मथूपिं कर्माचारीतय्तल भाला वीमासाः नेपालभाषा स्यनां जक भाला वीगु सहमति जुल ।
नेवाः स्वायत्त राज्य मंकाः संघर्ष समितिया जिल्ला समन्वय समिति यलं लच्छि न्हयः खुगू बुँदे माग यासें लःल्हागु ज्ञापनपत्रया सम्बन्धय् थौं उपमहानगरपालिका व नेवाः स्वायत्त राज्य मंकाः संघर्ष समिति दथुइ जूगु वार्ताय् नेवाः डेस्क पलिस्था यायेगु लगायत ६गू बुँदे सहमित जूगु दु ।
उपमहानगरपालिकाया कार्यकारी प्रमुख अर्जुनकुमार थापा नापं उपमहानगरपालिकाया सर्वदलीय संयन्त्रया पदाधिकारीत सहित संघर्ष समितिया प्रतिनिधित दथुइ यल उपमहानगरपकालिया ज्याकूथी आइतवाः वार्ता जूगु खः । वार्ताय् जूगु सहमित कथं नेपाल सरकारं निश्चित शर्त व शिर्षकय् क्वछिना हःगु बजेटय् बाहेक मेगू दक्वं श्रोत पाखें वःगु मुक्कं बजेटय् २५ प्रतिशतं म्हो मजुइ कथं नेवाः भाय्, साहित्य, संस्कृति, सम्पदा, जात्रा, पर्व आदियात बजेट फ्याइगु जूगु दु ।
उपमहानगरपालिका पाखें पिथनीगु विज्ञापन व सुचं स्थानीय स्तरया पत्रिकाय् नेपालभासं नं पथनीगु सहमित जूगु दु । अथेहे नेपालाभाषा लिपि छ्यला पिथनीगु विज्ञापनयात ८० प्रतिशत छ्यापं व देवनागरी लिपिं शुद्ध नेपालभासं पिथंसाः ४० प्रतिशत छ्यापं बीगु सहमति नं जूगु दु ।
नेवाः सांस्कृतिक सम्पदा विकासया लागिं संस्कृतिक पुरातात्विक इकाई व सम्पदा संरक्षण शाखायात थुकीया भाला बीगु व नेवाः समुदायया बहुल्यता दुगु वडाय् नेपालभाषा थूपिं कर्मचारीयात सचिवया भाला बीगु नापं मथूपिंत नेपालभाषाया प्रशिक्षण बीगु सहमति जूगु दु ।
यल उपमहानगरपालिका व नेवाः स्वायत्त राज्य मंका संघर्ष समितिया दथुइ जूगु ६गू बुँदे सहमति -
१) यल उपमहानगरपालिका दुनेया नेवाः आदिवासी सेवाग्राहीतय्त ध्यानय् तया: नेवाः विषेश डेस्क पलिस्था यायेगु धइगु सम्बन्धय् - नेवाः विषेश डेस्क पलिस्था यायेगु सहमति जुल ।
२) चालु आर्थिक दँ २०६७/६८ निसें यल उपमहानगरपालिकाया बजेटय् नेवाः भाय्, सहित्य, संस्कृति, सम्पदा, जात्रा, पर्व नापं परम्पराया संरक्षण व संवर्द्धनया लागिं मुक्कं बजेटया २५ प्रतिशत स्वयां अप्व फ्याये माःगु धइगु सम्बन्धय् - थ्वहे आर्थिक दँ २०६७/६८ निसें नेपाल सरकार पाखें निश्चित शर्त व शिर्षकय् क्वछिना हःगु बजेटय् बाहेक मेगु दक्वं स्रोत पाखें वःगु मुक्कं बजेटया २५ प्रतिशत स्वयां म्हो मजुइगु कथं नेवाः स्वायत्त राज्य मंका संघर्ष समितिया माग नाप सम्बन्धित थीथी शिर्षकय् फ्यायेगु सहमति जुल ।
३) यल उपमहानगरपालिकाया न्हापा क्वछिनातः कथं अन्तरिम संविधानया प्रावधान कथं उपमहानगरपालिकाया दक्वं सुचं, विज्ञापन नापं अधिवेशनया निर्णय च्वयेवलय् नेपालभाषायात माध्यम भाय्या कथं छ्यछलेगु धइगु सम्बन्धय् - थुगु यल उपमहानगरपालिका पाखें पथनीगु विज्ञापन, सुचं स्थानीय स्थरया पत्रिकाय् नेपालभाषाया पाखें नं पथनेगु सहमति जुल ।
४) व्यवसायीक ज्याखँय् छ्यजलीगु विलवोर्ड, साइनवोर्ड विज्ञापन सुचंलय् थनया आदिवासीतय् मांभाय् नेपालभाषा व लिपि छ्य सा: यल उपमहानगरपालिका पाखें काइगु विज्ञापन करया भावय् म्होतिं नं ७५ प्रतिशत छुट वीमा धइगु सम्बन्धय् - अज्या:गु विज्ञापन नेपालभाषाया लिपिलय् पिथंसा उपमहानगरपालिकां विज्ञापन वापत काइगु करय् ८० प्रतिशत छ्यापं व अज्यागु विज्ञापन देवनागरी लिपिलय् शुद्ध नेपालभाषाय् पिथंसा उपमहानगरपालिकां काइगु करय् ४० प्रतिशत छ्यापं वीगु सहमति जुल । थुकी विज्ञापन दाता संघ, संस्था, कम्पनीया लोगो व ट्रेडमार्कया छ्यलायात मेकथं काइमखु ।
५) नेवाः समुदायया सांस्कृतिक सम्पदा विकास यायेत व उकियात संरक्षित यानातय्तइ यल उपमहानगरपालिका दुने विषेश विभाग पलिस्था यायेमा धइगु सम्वन्धय् - यल उपमहानगरपालिकाया मौजुदा संगठन धलखय् विभाग मदुगुलिं संस्कृति पुरातात्विक इकाई व सम्पदा संरक्षण शाखायात थुकिया भाला वीगु व शाखाया प्रमुखयात फोकल पर्सन दयेकेगु सहमति जुल । पदिय जिम्मेवारी कथं लिपा थुगु शाखायात महाशाखाया कथं हिकीगु सहमति जुल ।
६) यल उपमहानगरपालिका दुने न्हूपिं कर्मचारी कायेगु इलय् नेवाः आदिवासीतय् वाहुल्यता जुइ कथं व्यवस्था यायेमा धइगु सम्बन्धय् - नेवाः आदिवासीतय् बाहुल्यता जुइ कथं माःगु व्यवस्था यायेत नेपाल सरकार श्री स्थानीय विकास मन्त्रालयलय् थुगु सम्बन्धय् इनाप यायेगु सहमति जुल । नापं नेवाः समुदायया बाहुल्यता दुगु वडाय् नेपालभाषा थूपिं कर्मचारीतय्तज सचिवया कथं प्राथमिकता वीया भाला वीगु व नेपालभाषा मथूपिं कर्माचारीतय्तल भाला वीमासाः नेपालभाषा स्यनां जक भाला वीगु सहमति जुल ।
No comments:
Post a Comment