थिमिइ नं नेवाः आन्दोलन

http://www.nepalmandal.com/content/9433.html


POSTED ON SUN AUG 22, 2010 10:58 PM NST
येँ (सन्ध्या टाइम्स)/नेवाः स्वायत्त राज्यया अभ्यास यायेगु कथं स्थानीय निकायय् नेवाः डेस्क संचालन यायेगु लिसेलिसें नेवाःत नाप सरोकार दुगु खँयात संवोधन याकेगु निंतिं आः मध्यपुर थिमिया नेवाःतय्सं नं आन्दोलन याइगु जूगु दु। 
मध्यपुर थिमि नगरपालिकायात थीथी माग तयाः ज्ञापन पत्र बीगु निंतिं थ्वहे वइगु शुक्रवाः थिमिइ छगू तःजिगु नेवाः भेला जुइत्यंगु दु। उगु भेला नेवाः स्वायत्त राज्य मंकाः संघर्ष समन्वय समिति थिमिया ग्वसालय् जुइत्यंगु खः ।

लुमंकेबहःजू नेवाःतय्सं नेवाः स्वायत्त राज्यया अवधारणा कथं अभ्यास याना वनेगु झ्वलय् येँ महानगरपालिका, किपू नगरपालिका व यल उपमहानगरपालिकालिसे वार्ता यानाः नेवाःतय्गु मागयात संवोधन याकेधुंकूगु दु ।