http://www.nepalmandal.com/content/9264.html
NEWANUGA
हलिमय्न्यंक आदिवासी जनजातितय्सं तःजिक विश्व आदिवासी दिवस हनाच्वंगु इलय् प्रधानमन्त्री माधवकुमार नेपालं आदिवासी दिवस कुन्हु बिदा बीत दक्वसिनं बिचाः यायेमाःगु खँ धयादीगु दु ।
१६क्वःगु विश्व आदिवासी दिवसया लसताय् नेपाल आदिवासी जनजाति महासंघं सोमवाः येँया प्रज्ञा भवनय् याःगु ज्याझ्वलय् आदिवासी नेताय्सं थुगु दिंयात सरकारं बिदा बीमाःगु माग याःगु खः । लिसलय् प्रधानमन्त्रीं नेपालं अप्वः बिदा जुइगु देशय् ज्या मजुइगु धयादिसें नेपालं बिदाया मामिलाय् विश्वयात ल्यूने लाकेधुंकूगु धयादिल । उकीं गज्याःगु दिंयात बिदा बीगु धइगु बारे दक्वसिनं गम्भीर रुपं बिचाः यायेमाःगु धयादिल ।
ज्याझ्वय् सभामुख सुवासचन्द्र नेम्वाङं गणतन्त्र, संघीयता व समावेशीकरण पाखें आः नेपाः लिहांवनेमफइगु धयादिसें आदिवासीतय् मुद्दा अझ नं संस्थागत यायेमानीगु बिचाः प्वंकादिल । अथेहे ककसया पाखें सभासद् पृथ्वी सुब्वा गुरुङं न्हूगु संविधानय् आदिवासीतय् अधिकार सुनिश्चित मजुसाः अज्याःगु संविधान आदिवासीतय्त मान्य मजूगु धयादिल ।
महासंघया नायः राजकुमार लेखीं माःगु इलय् राज्य पुनःसंरचना आयोग गठन मयासें आः संविधानसभां १४ प्रदेशया खाका न्ह्यब्वयेधुंकाः आयोग गठन यायेगु खँ थःपिंत अस्वीकार्य जूगु धयादिल ।
थौं देय्न्यंक १६क्वःगु विश्व आदिवासी दिवस हनेगु झ्वलय् नेपाःया आदिवासी जनजातितय्सं न्हूगु संविधानय् आदिवासीतय् अधिकार सुनिश्चित यायेमाःगु माग याःगु खः । न्हूगु संविधानय् राज्यया पुनःसंरचना जाति, भाषा व क्षेत्रया आधारय् यायेमाःगु, अग्राधिकारया व्यवस्था सहितया स्वयत्तता बीमागु नापं अन्तर्राष्ट्रिय श्रम संगठन महासन्धी १६९ कार्यन्वयन यायेमाःगु माग याःगु खः ।
१६क्वःगु विश्व आदिवासी दिवसया लसताय् नेपाल आदिवासी जनजाति महासंघं सोमवाः येँया प्रज्ञा भवनय् याःगु ज्याझ्वलय् आदिवासी नेताय्सं थुगु दिंयात सरकारं बिदा बीमाःगु माग याःगु खः । लिसलय् प्रधानमन्त्रीं नेपालं अप्वः बिदा जुइगु देशय् ज्या मजुइगु धयादिसें नेपालं बिदाया मामिलाय् विश्वयात ल्यूने लाकेधुंकूगु धयादिल । उकीं गज्याःगु दिंयात बिदा बीगु धइगु बारे दक्वसिनं गम्भीर रुपं बिचाः यायेमाःगु धयादिल ।
ज्याझ्वय् सभामुख सुवासचन्द्र नेम्वाङं गणतन्त्र, संघीयता व समावेशीकरण पाखें आः नेपाः लिहांवनेमफइगु धयादिसें आदिवासीतय् मुद्दा अझ नं संस्थागत यायेमानीगु बिचाः प्वंकादिल । अथेहे ककसया पाखें सभासद् पृथ्वी सुब्वा गुरुङं न्हूगु संविधानय् आदिवासीतय् अधिकार सुनिश्चित मजुसाः अज्याःगु संविधान आदिवासीतय्त मान्य मजूगु धयादिल ।
महासंघया नायः राजकुमार लेखीं माःगु इलय् राज्य पुनःसंरचना आयोग गठन मयासें आः संविधानसभां १४ प्रदेशया खाका न्ह्यब्वयेधुंकाः आयोग गठन यायेगु खँ थःपिंत अस्वीकार्य जूगु धयादिल ।
थौं देय्न्यंक १६क्वःगु विश्व आदिवासी दिवस हनेगु झ्वलय् नेपाःया आदिवासी जनजातितय्सं न्हूगु संविधानय् आदिवासीतय् अधिकार सुनिश्चित यायेमाःगु माग याःगु खः । न्हूगु संविधानय् राज्यया पुनःसंरचना जाति, भाषा व क्षेत्रया आधारय् यायेमाःगु, अग्राधिकारया व्यवस्था सहितया स्वयत्तता बीमागु नापं अन्तर्राष्ट्रिय श्रम संगठन महासन्धी १६९ कार्यन्वयन यायेमाःगु माग याःगु खः ।
No comments:
Post a Comment