थीथी थासय् प्यंगः गाडी तोडफोड
येँ (सन्ध्या टाइम्स)/आः दयेकीगु न्हूगु संविधानय् जनजातिया अधिकार सुनिश्चित जुइमाः धइगु माग यासें नेपाल आदिवासी जनजाति महासंघं याःगु थौंया चक्का जाम ज्याझ्वःया झ्वलय् आपालं कार्यकर्तात ज्वना यंकूगु दुसा स्वनिगः दुने ज्याझ्वःया अवज्ञा यासें चले याना हःगु प्यंगः गाडी तोडफोड याःगु दु ।
कलंकी व न्हूगु वानेश्वर लागां थौं सुथय् चले याना वःगु स्वंगः ट्याक्सी व छगः कार यानाः प्यंगः गाडी तोडफोड याःगु खः
।
महासंघं चक्का जाम जक धाःसां सवारी चले मजूगु कारणं थौं स्वनिगःया अधिकांश पसः व बजाः नं बन्द जुयाच्वंगु खनेदु। पसः बजाः नं बन्द जूगुलिं थौंया ज्याझ्वःयात नेपाल बन्द धकाः प्रचार यानाच्वंगु दुसां ग्वसाः खलकं थौंया ज्याझ्वः यातायात बन्द जक खः धकाः स्पष्ट याःगु दु। थौं गुलिखे शिक्षण संस्था नं बन्द जूगु दु ।
अथे खःसां येँया दुनेया लागाय् धाःसा मोटरसाइकलया नापं छुं छुं ट्याक्सी नापं चले जुयाच्वंगु खनेदु। स्वनिगलं दुहांपिहां जुइगु गाडी धाःसा थौं छगः हे चले मजू ।
थौं सुथंनिसें कार्यकर्तातय्सं जुलुस पिकयाः यातायात बन्द यायेत इनाप याः वःगु खःसा प्रहरीं बौद्ध लागां आपालं कार्यकर्ता ज्वना यंकूगु दु। ग्वसाः खलकं धाः कथं थौं महासंघया महासचिव आङदावा शेर्पा, कोषाध्यक्ष नापं सत्याम्ह कार्यकर्ता ज्वंगु दु। ज्वंपिं आपालं कार्यकर्तातय्त बौद्धया प्रहरी चौकीइ कुनातःगु दु ।
थ्वहे झ्वलय् लोकतान्त्रिक नेवाः संघया नायः सानुराजा शाक्यं थन छगू वक्तव्य पिकासें शान्तिपूर्ण बन्दय् प्रहरीं दमन याःगुलिं उकिया भर्त्सना याःगु दु ।
येँ (सन्ध्या टाइम्स)/आः दयेकीगु न्हूगु संविधानय् जनजातिया अधिकार सुनिश्चित जुइमाः धइगु माग यासें नेपाल आदिवासी जनजाति महासंघं याःगु थौंया चक्का जाम ज्याझ्वःया झ्वलय् आपालं कार्यकर्तात ज्वना यंकूगु दुसा स्वनिगः दुने ज्याझ्वःया अवज्ञा यासें चले याना हःगु प्यंगः गाडी तोडफोड याःगु दु ।
कलंकी व न्हूगु वानेश्वर लागां थौं सुथय् चले याना वःगु स्वंगः ट्याक्सी व छगः कार यानाः प्यंगः गाडी तोडफोड याःगु खः
।
महासंघं चक्का जाम जक धाःसां सवारी चले मजूगु कारणं थौं स्वनिगःया अधिकांश पसः व बजाः नं बन्द जुयाच्वंगु खनेदु। पसः बजाः नं बन्द जूगुलिं थौंया ज्याझ्वःयात नेपाल बन्द धकाः प्रचार यानाच्वंगु दुसां ग्वसाः खलकं थौंया ज्याझ्वः यातायात बन्द जक खः धकाः स्पष्ट याःगु दु। थौं गुलिखे शिक्षण संस्था नं बन्द जूगु दु ।
अथे खःसां येँया दुनेया लागाय् धाःसा मोटरसाइकलया नापं छुं छुं ट्याक्सी नापं चले जुयाच्वंगु खनेदु। स्वनिगलं दुहांपिहां जुइगु गाडी धाःसा थौं छगः हे चले मजू ।
थौं सुथंनिसें कार्यकर्तातय्सं जुलुस पिकयाः यातायात बन्द यायेत इनाप याः वःगु खःसा प्रहरीं बौद्ध लागां आपालं कार्यकर्ता ज्वना यंकूगु दु। ग्वसाः खलकं धाः कथं थौं महासंघया महासचिव आङदावा शेर्पा, कोषाध्यक्ष नापं सत्याम्ह कार्यकर्ता ज्वंगु दु। ज्वंपिं आपालं कार्यकर्तातय्त बौद्धया प्रहरी चौकीइ कुनातःगु दु ।
थ्वहे झ्वलय् लोकतान्त्रिक नेवाः संघया नायः सानुराजा शाक्यं थन छगू वक्तव्य पिकासें शान्तिपूर्ण बन्दय् प्रहरीं दमन याःगुलिं उकिया भर्त्सना याःगु दु ।
No comments:
Post a Comment