यल (सन्ध्या टाइम्स)/नेपालभाषा केन्द्रीय विभागया ग्वसालय् शनिवाः 'नेवाः लोकवार्ता' सफू पितब्वज्या जुल। विभागीय प्रमुख प्रा. प्रेमशान्ति तुलाधरया सभापतित्वय् मूपाहां सभासद् तीर्थराम डंगोलं उगु सफू पितब्वज्या यानादीगु खः ।
ज्याझ्वलय् नेपालभाषा एकेदेमिया चान्सलर सत्यमोहन जोशीं शान्ति महर्जनयात 'पुष्पदेवी छात्रवृत्ति' व विमल ताम्राकारयात 'रामहरिकृष्ण लघु अनुसन्धान वृत्ति' लःल्हानादिल। पुष्पदेवी छात्रवृत्ति नेपालभाषा एमए तगिमय् अप्वः ल्याः दुम्ह ब्वँमियात व रामहरिकृष्ण लघु अनुसन्धानवृत्ति निगूगु दँय् बांलाःगु शोध प्रबन्धयात लःल्हाइगु खः। नेपालभाषा एम.ए. तगिंया ब्वमिपिंत माःगु पाठ्यक्रमकथं पिथंगु ज्याझ्वलय् तीर्थराम डंगोलं लसता प्वंकाः धयादिल, झीगु भाषाय् दुपिं प्यंगःथांपिनिगु नारायात सार्थक यायेगु निंतिं थम्हं थुखेपाखे पलाः न्ह्याकागु खः। चान्सलर सत्यमोहन जोशीं नेवाः लोक वार्ता अध्ययन यायेगु धइगु लोक साहित्यया विविध विषयय् ज्ञान कायेगु खः। उकिं थजाःगु सफू पिथनेगु धइगु नेवाःतय् फुक्कं पक्ष थुइकेत ग्वाहालि जुइ धयादिल ।
ज्याझ्वलय् पुष्पदेवी छात्रवृत्तिया दाता साहु पञ्चवीर सिंह तुलाधरं नं थःगु नुगः खँ प्वंकादीगु खः। सभा क्वचायेकादिसें प्रा. प्रेमशान्ति तुलाधरं नेपालभाषा केन्द्रीय विभागयात 'नेवार अध्ययन केन्द्र' दयेकेगु थःपिनिगु सोच दु धकाः धयादिल। नापं सफू पिथनेत ग्वाहालि यानादीम्ह सभासद तीर्थराम डंगोलया लिसें मेमेपिं दातापिंत नं सुभाय् देछायादिल ।
ज्याझ्वलय् नेपालभाषा एकेदेमिया चान्सलर सत्यमोहन जोशीं शान्ति महर्जनयात 'पुष्पदेवी छात्रवृत्ति' व विमल ताम्राकारयात 'रामहरिकृष्ण लघु अनुसन्धान वृत्ति' लःल्हानादिल। पुष्पदेवी छात्रवृत्ति नेपालभाषा एमए तगिमय् अप्वः ल्याः दुम्ह ब्वँमियात व रामहरिकृष्ण लघु अनुसन्धानवृत्ति निगूगु दँय् बांलाःगु शोध प्रबन्धयात लःल्हाइगु खः। नेपालभाषा एम.ए. तगिंया ब्वमिपिंत माःगु पाठ्यक्रमकथं पिथंगु ज्याझ्वलय् तीर्थराम डंगोलं लसता प्वंकाः धयादिल, झीगु भाषाय् दुपिं प्यंगःथांपिनिगु नारायात सार्थक यायेगु निंतिं थम्हं थुखेपाखे पलाः न्ह्याकागु खः। चान्सलर सत्यमोहन जोशीं नेवाः लोक वार्ता अध्ययन यायेगु धइगु लोक साहित्यया विविध विषयय् ज्ञान कायेगु खः। उकिं थजाःगु सफू पिथनेगु धइगु नेवाःतय् फुक्कं पक्ष थुइकेत ग्वाहालि जुइ धयादिल ।
ज्याझ्वलय् पुष्पदेवी छात्रवृत्तिया दाता साहु पञ्चवीर सिंह तुलाधरं नं थःगु नुगः खँ प्वंकादीगु खः। सभा क्वचायेकादिसें प्रा. प्रेमशान्ति तुलाधरं नेपालभाषा केन्द्रीय विभागयात 'नेवार अध्ययन केन्द्र' दयेकेगु थःपिनिगु सोच दु धकाः धयादिल। नापं सफू पिथनेत ग्वाहालि यानादीम्ह सभासद तीर्थराम डंगोलया लिसें मेमेपिं दातापिंत नं सुभाय् देछायादिल ।
No comments:
Post a Comment