थँहिति मानन्धर गुथिया झिंप्यक्वःगु तःमुँज्या

http://www.nepalmandal.com/content/9460.html

POSTED ON TUE AUG 24, 2010 9:42 PM NST

Share

येँ (सन्ध्या टाइम्स)/थँहिति मानन्धर गुथिया झिंप्यक्वःगु तःमुँज्या यलया बाडेगांया स्वेत बाराहीइ जुल। गुथिया न्वकु लक्ष्मीदास मानन्धरया सभापतित्वय् जूगु उगु ज्याझ्वलय् इमेज च्यानलया अध्यक्ष आर. के. मानन्धर मूपाहां कथं झाःगु खः। न्वकु लक्ष्मीदास मानन्धरं गुथिया म्हसीका बिसें न्ह्याकादीगु उगु ज्याझ्वलय् छ्यांज्ये गौतम साय्मिं दछिया प्रगति विवरण न्ह्यब्वयादिलसा लिउदांभरि कृष्णप्रसाद मानन्धरं आर्थिक प्रतिवेदन न्ह्यब्वयादिल। सांस्कृतिक उपाध्यक्ष पुष्पकुमार सातीं सांस्कृतिक दाफा बाजंया प्रगति विवरण कनादिल ।

थँहिति मानन्धर गुथिया काय्मचा छम्ह व म्ह्याय्मचा छम्हेसित स्व. रत्नबहादुर व धर्म बहादुरया नामं नीस्वनातःगु अक्षय कोषपाखें एसएलसी उत्कृष्ट ल्याः हःपिं मस्तय्त ख्यें सगं बियाः हनेज्या नं जूगु खः। लिउ छ्यांज्ये नविन मानन्धरं सुभाय् बियाः ज्याझ्वः क्वचायेकादिल ।